ស្របពេលដែលស្មាតហ្វូនបច្ចុប្បន្នត្រូវបានក្រុមហ៊ុនផលិតចេញមកភាគច្រើនគឺលុបបំបាត់ចោលនូវរន្ធដោតកាសខ្សែខ្នាត 3.5mm ដូច្នេះ វាតម្រូវអោយយើងជាអ្នកប្រើប្រាស់ត្រូវប្រើឌុយតភ្ជាប់ទើបអាចដោតប្រើកាសខ្សែបាន។ អីចឹង…នៅប្រើឌុយត និងប្រើកាសខ្សែរញ៉េរញ៉ៃដល់ណាទៀត ចុះម្តេចមិនជ្រើសរើសប្រើជាមួយកាសប្លូធូសស៊េរីថ្មីម៉ាក Aspor A606 TWS Earbuds នេះវិញម្តងទៅវាមិនល្អជាងទេអី។ Aspor A606 TWS Earbuds គឺជាកាសប្លូធូសប្រភេទញ៉ាត់ត្រចៀកស៊េរីថ្មីដែលមានការរចនារូបរាងឡើងយ៉ាងស្រស់ស្អាតបង្ហាញចេញនូវភាពទំនើបស៊ីវិល័យសម្រាប់ការប្រើប្រាស់។
កាសស៊េរីថ្មីនេះត្រូវបានរចនាឡើងជាមួយគ្រាប់កាសតូចល្មមស្រស់ស្អាតស្របទៅនឹងការដាក់ក្នុងត្រចៀករបស់យើងព្រមទាំងមានទំងន់ស្រាល ពាក់យូរមិនធ្វើឲ្យឈឺត្រចៀក ហើយក៏ផ្តល់នូវភាពងាយស្រួលក្នុងការប្រើប្រាស់ថែមទៀតផង ព្រោះថាយើងអាចធ្វើការចុចប៉ះបញ្ជាសម្រាប់គ្រប់គ្រងលើមុខងារផ្សេងៗដូចជាការចាក់តន្ត្រី និងការទទួលទូរស័ព្ទជាដើមនៅលើគូទរបស់កាសទាំងសងខាងតែម្តង។ Aspor A606 TWS Earbuds ភ្ជាប់មកនូវក្នុងប្រអប់មានរាងបួនជ្រុងដ៏ស្រស់ស្អាតសម្រាប់ធ្វើការសាកថ្ម និងមានផ្ទុកនូវកំលាំងថាមពលថ្មទំហំ 380mAh សម្រាប់សាកទៅអោយគ្រាប់កាសនិមួយៗ ហើយនៅលើគ្រាប់កាសម្ខាងៗវិញគឺមានភ្ជាប់នូវថ្មទំហំ 40mAh ដោយសាកពេញម្តងអាចកាន់ប្រើក្នុងការស្តាប់តន្រ្តីជាប់បាន 4 ម៉ោង។
កាសស៊េរីថ្មីនេះប្រើប្រាស់នូវបច្ចេកវិទ្យាប្លូធូសជំនាន់ 5.0 សម្រាប់ភ្ជាប់ទៅកាន់ទូរស័ព្ទស្មាតហ្វូន និងឧបករណ៍កម្សាន្តផ្សេងៗបានទាំង Android និង iOS។ បន្ថែមពីនេះវាក៏មានភ្ជាប់នូវបច្ចេកវិទ្យាការពារទឹកកម្រិត IPX4 កាន់តែផ្តល់នូវភាពជឿជាក់ក្នុងការប្រើប្រាស់ រួមជាមួយនឹងបច្ចេកវិទ្យាសំឡេង Hi-Fi Surround Sound ដែលផ្តល់នូវកម្រិតសំឡេងលឺច្បាស់ល្អពិរោះរងំរណ្តំណែនក្នុងត្រចៀកតែម្តង។ ដូចនេះ…តើនៅប្រើកាសខ្សែដែលបង្កនូវភាពរញ៉េរញ៉ៃទាក់ដៃជើងដល់ណាទៀត មិចមិនសាកប្រើជាមួយនឹងកាសឥតខ្សែស៊េរីថ្មីម៉ាក Aspor A606 TWS Earbuds នេះវិញម្តងទៅមើល ប្រើហើយដឹងតែពេញចិត្តម៉ង។ Aspor A606 TWS Earbuds កាសស្តាប់ស៊េរីថ្មី ល្អទាំងតម្លៃ ល្អទាំងគុណភាពសំឡេង៕
