កាលពីថ្ងៃច័ន្ទម្សិលមិញនេះក្រុមហ៊ុន Samsung Electronics បាននិយាយថាខ្លួននឹងប្រកាសចេញលក់ម៉ូនីទ័រឆ្លាតវៃរបស់ខ្លួននៅទីផ្សារកូរ៉េខាងត្បូង។ ម៉ូនីទ័រឆ្លាតវៃ ឬ Smart Monitor ស៊េរីថ្មីនេះគឺមានចំនួនពីរម៉ូដែលគឺ 32-inch UHD M7 និង 27-inch FHD M5 ហើយម៉ូនីទ័រទាំងពីរស៊េរីនេះគឺទ្រទ្រង់ដំណើរការជាមួយប្រព័ន្ធប្រតិបត្តិការ Tizen OS-based Smart Hub ដែលអនុញ្ញាតិអោយអ្នកប្រើប្រាស់អាចបើកមាតិកាកម្សាន្តផ្សេងៗបានដោយផ្ទាល់នៅលើពួកវាដោយមិនចាំបាច់ធ្វើការតភ្ជាប់ជាមួយនឹងម៉ាស៊ីនកុំព្យូទ័រ Desktop ឡើយ ឬអាចហៅថា All-in-One Desktop ក៏បាន។
ម៉ូនីទ័រឆ្លាតវៃរបស់ Samsung ទាំងពីរនេះមានភ្ជាប់ជាមួយនឹងប្រព័ន្ធ Wi-Fi ហើយនិងសេវាកម្ម OTT សម្រាប់សេវាកម្មកម្សាន្តដូច Youtube, Netflix និង Wave ជាដើម។ ជាងនេះទៅទៀតពួកវាក៏មានដំឡើងមកជាមួយនឹងមុខងារ remote access និង Microsoft Office 365 Cloud Service ថែមទៀតផង។ ម៉ូនីទ័រឆ្លាតវៃទាំងពីរនេះមានភ្ជាប់មកជាមួយនឹង remote control ដែលទ្រទ្រង់នូវបច្ចេកវិទ្យាបញ្ជាដោយសំឡេង Bixby Voice recognition ដែលធ្វើអោយការប្រើប្រាស់កាន់តែមានភាពងាយស្រួល និងភាពទំនើបបំផុត ដូចនេះរាល់មាតិកាទាំងឡាយគឺស្ថិតនៅលើបបូរមាត់របស់អ្នកប្រើ។
ជាងនេះ ទៅទៀតពួកវាក៏ទ្រទ្រង់នូវមុខងារ Samsung Dex, Smartphone monitoring និង Tap View ដែលអនុញ្ញាតិអោយអ្នកប្រើអាចធ្វើការភ្ជាប់អេក្រង់ស្មាតហ្វូនទៅប្រើនៅលើអេក្រង់ដ៏ធំរបស់ពួកវាបានថែមទៀតផង ដែលផ្តល់នូវភាពកាន់តែងាយស្រួលទាំងការប្រើប្រាស់ និងការកម្សាន្ត។ អ្វីដែលកាន់តែពិសេសគឺពួកវាទ្រទ្រង់នូវមុខងារ Apple AirPlay 2 សម្រាប់ភ្ជាប់ការប្រើប្រាស់ជាមួយនឹង Smart iOS Devices ផងដែរ។ សម្រាប់ម៉ូដែល Samsung 32-inch UHD M7 Smart Monitor គឺមានភ្ជាប់នូវរន្ធដោតសាកភ្លើង និងចម្លងទិន្នន័យ ប្រភេទ USB-C ដែលទ្រទ្រង់កំលាំងសាកភ្លើង 65W និងល្បឿនផ្លាស់ប្តូរទិន្នន័យចេញចូលបានលឿនកម្រិត 10Gbps, មានបន្ថែមនូវរន្ធដោត USB2.0 និងប្រព័ន្ធបច្ចេកវិទ្យា Bluetooth 4.2 ថែមទៀតផង។
ហើយអ្វីដែលល្អបំផុតសម្រាប់អ្នកប្រើប្រាស់គឺអេក្រង់របស់ Smart Monitor ស៊េរីថ្មីទាំងពីរនេះមានភ្ជាប់នូវបច្ចេកវិទ្យា Adaptive Picture និង Eye Save ដើម្បីជួយការពារភ្នែករបស់យើងពីការជះពន្លឺខ្លាំងចេញពីអេក្រង់ រួមទាំងមានប្រព័ន្ធ Speaker បំពងសំឡេងកម្រិត 2-channel កំលាំងស្រែកចេញបាន 5W ដែលធ្វើអោយការកម្សាន្ត និងការប្រើប្រាស់កាន់តែមានភាពសម្បូរបែបថែមមួយកម្រិតទៀត។ Smart Monitor- TizenOS ស៊េរីថ្មីទាំងពីរនេះត្រូវបានក្រុមហ៊ុន Samsung ប្រកាសចេញលក់ក្នុងតម្លៃខ្ទង់ $399 សម្រាប់ម៉ូដែល 32-inch UHD M7 និងខ្ទង់ $229 សម្រាប់ម៉ូដែល 27-inch FHD M5៕
