ROG Zephyrus M16 ដែលជា Gaming Laptop ស៊េរីថ្មីរបស់ ASUS ត្រូវបានហាងលក់រាយមួយប្រកាសចេញលក់ហើយក្នុងតម្លៃខ្ទង់ $1,844
ក្នុងព្រឹត្តិការណ៍ CES2021 កាលពីដើមឆ្នាំនេះ ក្រុមហ៊ុន ASUS បានបញ្ចេញម៉ាស៊ីនកុំព្យូទ័រយួរដៃជាច្រើនស៊េរីមានដូចជាម៉ាស៊ីនម៉ាក ROG Series 2021 និង Zephyrus Series 2021 ជាដើម ហើយម៉ាស៊ីនមួយចំនួនក៏ត្រូវបានក្រុមហ៊ុនប្រកាសចញនូវលក់ជាមួយតម្លៃផ្លូវការណ៍រួចហើយ ប៉ុន្តែ ម៉ូដែលខ្លះទៀតក៏មិនទាន់បានប្រកាសចេញលក់ និងតម្លៃផ្លូវការណ៍នោះដែរ។
តួរយ៉ាងដូចជាម៉ាស៊ីន Asus ROG Zephyrus M16 Series ដែលជា Gaming Laptop ស៊េរីថ្មី 2021 នេះចឹង ដែលទើបតែត្រូវបានបណ្តាញចែកចាយលក់បន្តឈ្មោះថា Mironet.cz បានចុះក្នុងបញ្ចីលក់របស់ពួកគេជាមួយតម្លៃខ្ទង់ $1,844។ ដែលជាតម្លៃគឺធូរថ្លៃច្រើនបើធៀបនឹងអម្បូរកុំព្យូទ័រយួរដៃម៉ាក ROG ដែលជា Gaming Laptop ម៉ាកល្បីមួយនេះ។ សម្រាប់លក្ខណៈនៃការឌីស្សាញផ្នែកខាងក្រៅរបស់ Asus ROG Zephyrus M16 គឺមានភាពប្រហាក់ប្រហែលនឹងម៉ូដែល ROG Strix G15 2021 ដែរ គ្រាន់តែ Zephyrus M16 បានបំពាក់នូវខួរក្បាលម៉ាស៊ីនរបស់ Intel ស៊េរី Tiger Lake Silicon ប៉ុណ្ណោះ មិនមែន AMD Ryzen 5000 Series ដូច ROG Strix G15 នោះទេ។
Asus ROG Zephyrus M16 ដែលចេញលក់នៅលើបណ្តាញចែកចាយ Mironet ជាមួយតម្លៃខ្ទង់ $1,844 គឺប្រើប្រាស់នូវខួរក្បាលម៉ាស៊ីន Intel 11th Gen CPU ស៊េរី Core i7 លេខ 11800Hs មានរ៉េមទំហំ 16GB ជាមួយអង្គ GPU NVIDIA GeForce RXT3060 ទំហំ 6GB និងថាសរឹងផ្ទុកទិន្នន័យទំហំ 512GB M.2 SSD ដែលខុសពីម៉ាស៊ីន Zephyrus M16 ដូចគ្នាដែលក្រុមហ៊ុនបានបង្ហាញនៅលើគេហទំព័រផ្លូវការណ៍របស់ ROG ដែលប្រើនូវខួរក្បាល Intel 11th Gen CPU ស៊េរី Core i9-11900H និងមានថាសរឹងផ្ទុកទិន្នន័យទំហំដល់ទៅ 2TB M.2 SSD។
បន្ថែមពីនេះសម្រាប់ម៉ាស៊ីន ROG Zephyrus M16 ដែលចេញលក់នៅលើបណ្តាញ Mironet គឺបំពាក់នូវបន្ទះអេក្រង់ IPS LCD កម្រិតបង្ហាញ Full-HD+ (1920x1080px) ខ្នាត 16:10 ratio ទំហំ 16.1 អ៊ីញ គាំទ្រកម្រិត refresh rate 144Hz ដែលទាបជាងអេក្រង់របស់ម៉ាស៊ីនដែលក្រុមហ៊ុនបានដាក់បង្ហាញនៅលើគេហទំព័រ ROG ដែលមានអេក្រង់កម្រិត WQHD និងគាំទ្រកម្រិត refresh rate 165Hz។ ដូចនេះ យើងដឹងហើយថា កត្តាដែលធ្វើអោយបណ្តាញ Mironet ដាក់លក់កុំព្យូទ័រ Gaming Laptop ម៉ាក់ ROG Zephyrus M16 តម្លៃក្រោម $2,000 គឺដោយសារតែម៉ាស៊ីនកុំព្យូទ័រយួរដៃមួយនេះមានគុណសម្បត្តិទាបជាងម៉ាស៊ីនដែលក្រុមហ៊ុន ASUS បានដាក់បង្ហាញនៅលើគេហទំព័រ ROG ទាំងកំលាំងម៉ាស៊ីន ទំហំថាសរឹងផ្ទុកទិន្នន័យ និងកម្រិត Refresh rate អេក្រង់ជាដើម៕
នៅពេលនេះ ក្រុមហ៊ុន Huawei បានចាប់ផ្តើមប្រកាសចេញនូវ HMS Core 6.0 សម្រាប់ទីផ្សារសកលហើយ
មានការបញ្ចេញនូវវីដេអូបើកប្រអប់របស់ OPPO Reno6 Z 5G ដោយបានបង្ហាញអំពីលក្ខណៈសម្បត្តិជាច្រើន រួមនឹងតម្លៃទៀតផង
Infinix Concept Phone 2021 នឹងបំពាក់នូវបច្ចេកវិទ្យាសាកថ្មលឿន 160W Ultra-Fast Charge ដែលបញ្ចូលពេញ 100% ប្រើពេលតែ 11.28 នាទីប៉ុណ្ណោះ
OPPO Reno6 Z 5G បង្ហាញខ្លួនជាមួយមុខងារថ្មី «Portrait ជំនួយសម្រស់» ធ្វើឲ្យស្បែកម៉ត់រលោង និងសម្រស់ទាក់ទាញតាមបែបធម្មជាតិពិតៗ
តើ Huawei P50 Pro អាចនឹងប្រើប្រាស់នូវកាមេរ៉ាដែលមានមុខងារ 20X Optical និង 200X Digital zoom ដូចការទម្លាយមែន?
