នៅក្នុងព្រឹត្តិការណ៍ CES 2023 នេះ ក្រុមហ៊ុន ASUS បានប្រកាសបង្ហាញនូវកុំព្យូទ័រ Laptops ជាច្រើនរបស់ក្រុមហ៊ុននេះ ហើយកុំព្យូទ័រមួយគឺជាម៉ូឌែលASUS Vivobook Pro 16X 3D OLED ដែលអនុញ្ញាតអោយអ្នកប្រើប្រាស់អាចធ្វើការមើលទោលើ Content នៅក្នុងទម្រង់ 3D ដោយមិនចាំបាច់ពាក់វ៉ែនតា 3D នោះទេ។ ខណៈពេលដែលវាធ្លាប់បាននូវកុំព្យូទ័រ Laptops ជាច្រើន និងអេក្រង់ជាច្រើនដែលធ្លាប់មានបច្ចេកវិទ្យានេះពីមុនមកនោះ ក្រុមហ៊ុន ASUS នឹងក្លាយជាក្រុមហ៊ុនមុនគេដែលប្រើប្រាស់នូវបច្ចេកវិទ្យានេះនៅលើកុំព្យូទ័រដែលមានអេក្រង់ OLED នោះ។
កុំព្យូទ័រថ្មីនេះ មានអេក្រង់ទំហំ 16-អ៊ីង OLED បង្ហាញចេញបានជាមួយនឹងកម្រិតភាពច្បាស់ 3200x2000 pixels និង 120Hz refresh rate។ ស្រទាប់អេក្រង់របស់កុំព្យូទ័រថ្មីនេះ គឺមាន optical resin នៅផ្នែកខាងលើដែលដំណើរការជាមួយនឹង glass panel និង lenticular lens layer ដែលអាចធ្វើការជាមួយនឹង eye-tracking cameras ដើម្បីធ្វើការ render រូបភាពបាននៅក្នុងទម្រង់ 2D និង 3D បានតាមរយៈ 2D/3D liquid crystal switching layer បាន។
សម្រាប់កម្លាំងម៉ាស៊ីនរបស់កុំព្យូទ័រនេះ គឺមានការបំពាក់នូវបន្ទះឈីប Intel Core i9-13980HX processor ក្រាហ្វិកកាត NVIDIA Ada RTX 40 series GPU និង Studio drivers ។ វាមានរ៉េម 64GB DDR5-4800 RAM និង 2TB PCIe Gen 4 SSD ដែលមានល្បឿន 6500 MB/s ។ កុំព្យូទ័រនេះមាន Full HD IR webcam ជាមួយនឹង shutter និងរន្ធផតជាច្រើនដូចជា 2x Thunderbolt 4 ports, 2x USB 3.2 Gen 1 Type-A, HDMI 2.1-out, Gigabit Ethernet, UHS-II SD card reader និង combo audio jack ។ កុំព្យូទ័រ Asus VivoBook Pro 16X 3D OLED នេះអាចរកទិញបាននៅក្នុងទម្រង់ 3D និង non-3D ហើយវាមានពណ៌ខ្មៅ និងពណ៌ទឹកប្រាក់។ តម្លៃ និងកាលបរិច្ឆេទនៃការលក់នៅមិនទាន់ទម្លាយនៅឡើយទេ៕