កាមេរ៉ា Sony ZV-E10 II នឹងមានថាមពលថ្មធំជាងមុន ហើយនិងប្រើប្រាស់ Grid ធំជាងមុនដូចគ្នា

ថ្មីៗនេះ ក្រុមហ៊ុន Sony ទើបតែអាប់ដេតទៅលើ App Creator ផ្លូវការរបស់ខ្លួនស្របពេលដែលកាមេរ៉ា vlog ថ្មីម៉ូដែល ZV-E10 II ក៏បានបង្ហាញខ្លួននៅលើបញ្ជីនេះផងដែរ។ កាលពីសប្តាហ៍មុននេះ SonyAlphaRumors បានអះអាងថា កាមេរ៉ានេះអាចនឹងបង្ហាញខ្លួននៅថ្ងៃទី 10 ខែកក្កដាខាងមុខនេះ។ នៅពេលនេះ មានការទម្លាយអំពីកាមេរ៉ា ZV ដែលនឹងបង្ហាញខ្លួនក្នុងពេលឆាប់ៗនេះហើយ។

តាមការបញ្ជាក់ចេញពី Andrea Pizzini បានអអោយដឹងថា កាមេរ៉ា ZV-E10 II នេះ នឹងបោះបង់នូវថាមពលថ្ម 1020mAh ដែលមាននៅលើ ZV-E10 ជាមួយនឹងការបង្កើននូវថាមពលថ្មដល់ទៅ 2280mAh ឯណោះ ដែលទំហំនេះ គឺប៉ុនគ្នាជាមួយ ថាមពលថ្មដូចគ្នាដែលមាននៅលើកាមេរ៉ា A6700 ដែលជាម៉ូដែល ដ៏ពេញនិយមដែលសក្តិសមសម្រាប់ Vloggers គ្រប់រូបនាពេលកន្លងមក។ ការបង្កើនទៅលើទំហំថាមពលថ្មនេះ គឺនឹងធ្វើអោយមានប្រយោជន៍កាន់តែច្រើនសម្រាប់ហ្វេនៗរបស់ខ្លួន។ 

ជាមួយគ្នានេះ ក្រុមហ៊ុន Sony ក៏មានការប្រើប្រាស់នូវ Grid ជំជាងមុននៅលើកាមេរ៉ា ZV-E10 II ដើម្បីផ្តល់នូវសុវត្ថិភាព និងងាយស្រួលក្នុងការកាន់ក្នុងដៃថេមទៀតផង។ យោងតាមពាក្យចចាមអារ៉ាមជាច្រើន បានទម្លាយថា កាមេរ៉ា ZV-E10 II នេះគឺមានបំពាក់នូវសិនស័រកាមេរ៉ាទំហំ 26MP APS-C CMOS sensor ដែលដូចទៅនឹងកាមេរ៉ា A6700 ផងដែរ។ ក្នុងនោះ ក៏មានការ upgrade ដែលបង្កើនទៅលើគុណភាពរូបភាពយ៉ាងប្រសើរ និងសមត្ថភាពកាន់តែខ្លាំងក្លាផងដែរ បើធៀបទៅនឹងម៉ូដែលជំនាន់មុននេះ។ 

បន្ថែមពីនេះ ក្រុមហ៊ុន Sony ក៏មានការបង្ហាញនូវមុខងារជាច្រើន Ai ជាពិសេសសម្រាប់ Vloggers។ មុខងារថ្មីនេះ គឺផ្តល់នូវមុខងារ autofocus កាន់តែប្រសើរជាពិសេសនៅពេលដែល switching ទៅលើ subject និង vlogger។ ក្រុមហ៊ុន Sony នឹងប្រកាសចេញនូវ E-mount 16-50mm F/3.5-5.6 OSS II zoom lens ថ្មី។ សម្រាប់ versatile kit lens នេះ គឺសក្តិសមសម្រាប់ vlogger ដែលមានការផ្លាស់នូវ wide zoom ល្អនៅក្នុងការថតវីដេអូ និងការថត close-ups។ នៅលើកាមេរ៉ានេះ ក៏មាន Optical SteadyShot (OSS) ដែលផ្តល់នូវភាពរលូនក្នុងការថតវីដេអូ និងកាត់បន្ថយនូវភាពរង្គើរថែមទៀត។ ក្រុមហ៊ុន Sony នឹងបង្ហាញនូវ  high-end FE 85mm F/1.4 GM II lens ក្នុងពេលឆាប់ៗខាងមុខនេះផងដែរ៕