នៅពេលនេះ ក្រុមហ៊ុន Huawei ត្រូវបានគេឃើញថា បានប្រកាសដាក់អោយមានការ Pre-Order ទៅលើស្មាតអេក្រង់បត់បាន 3 តង់របស់ខ្លួនហើយ ដែលនេះគឺជាសមិទ្ធិផលដំបូងគេបំផុតក្នុងចំណោមក្រុមហ៊ុនផលិតស្មាតហ្វូននៅលើពិភពលោក។ ខណៈពេលដែលការសម្ពោធជាផ្លូវការណ៌នៅមិនទាន់មានការបញ្ជាក់ច្បាស់នោះ នៅថ្ងៃនេះ ក្រុមហ៊ុន Huawei បានបញ្ចេញនូវការឌីស្សាញ Huawei Mate XT tri-fold នេះហើយ។

រូបភាពដែលបានចែកយចានៅពេលនេះ គឺមានការបញ្ជាក់ពីការឌីស្សាញខ្នងក្រោយស្មាតហ្វូន Huawei Mate XT នេះបានកាន់ច្បាស់។ ស្មាតហ្វូននេះត្រូវបានគេនិយាយថា គឺជាស្មាតហ្វូនអេក្រង់បត់ម៉ូដែលពិសេសជាងគេមិនធ្លាប់មាននោះទេ។ ទាក់ទងជាមួយនិងស្មាតហ្វូនអេក្រង់បត់បាន 3 តង់ Huawei Mate XT នេះដែរ ថ្មីៗនេះ ក្រុមហ៊ុន Huawei ក៏បានបញ្ចេញនូវវីដេអូខ្លីមួយដែលបង្ហាញជាមួយនិងតារាចំរៀង និងជាតារាភាពយន្តដ៏ល្បីរបស់ហុងកុង លោក Andy Lau ផងដែរ។ នៅក្នុងវីដេអូនោះ មានការបង្ហាញយ៉ាងច្បាស់ពីម៉ូឌុលកាមេរ៉ាផុសឡើងរបស់ស្មាតហ្វូនអេក្រង់បត់បាន Huawei Mate XT។

នៅថ្ងៃនេះ ក្រុមហ៊ុននេះ បានបង្ហាញជាថ្មីរបស់ស្មាតហ្វូន Huawei Mate XT នេះថែមទៀតហើយ ដោយលើកនេះ មានការបង្ហាញនូវជ្រុង និងខ្នងក្រោយស្មាតហ្វូននេះបានកាន់តែច្បាស់ ខណៈដែលការប្រកាសចេញនៅមិនទាន់ចូលមកដល់នោះទេ។

រូបភាពខាងលើរបស់ Mate XT Ultimate Design នេះ គឺមានបង្ហាញរូបរាងពាក់កណ្តាលរបស់ស្មាតហ្វូននេះ ជាមួយនិងការបត់រាងជាអក្សរ Z។ ស្មាតហ្វូននេះមានការឌីស្សាញជាមួយទម្រង់បត់ចូល ហើយនិងបត់ចេញ ហើយខ្នងក្រោយនៃស្មាតហ្វូននេះ គឺមានការឌីស្សាញចេញពីស្បែក។ សម្រាប់កាមេរ៉ាក្រោយវិញ គឺមាន 4 គ្រាប់ និងមាន LED Flash មួយគ្រាប់នៅចំកណ្តាលនៃកាមេរ៉ាទាំង 4។ នៅក្នុងម៉ូឌុលកាមេរ៉ានោះ ក៏មានការបញ្ជាក់ពីការប្រើប្រាស់នូវបច្ចេកវិទ្យាកាមេរ៉ា XMAGE branding ផងដែរ។