ក្រុមហ៊ុន Honor បាននឹងកំពុងតែត្រៀមខ្លួននៅក្នុងការបង្ហាញនូវស្មាតហ្វូនជំនាន់ថ្មីលំដាប់ថ្នាក់ប្រណិតម៉ូដែល Magic 7 Series របស់ខ្លួន នៅថ្ងៃទី 30 ខែតុលាខាងមុខនេះហើយ។ នៅមុនព្រឹត្តិការណ៍សម្ពោនេះ រូបភាព Close Up របស់ស្មាតហ្វូនថ្មីនេះ ត្រូវបានចែករំលែកចេញពីអ្នកទម្លាយ Digital Chat Station (DCS) នៅលើបណ្តាញ Weibo ហើយថែមទាំងមានការទម្លាយអំពីការឌីស្សាញរូបរាងរបស់ស្មាតហ្វូនថ្មីថែមទៀតផង។

បើមើលទៅលើរូបភាពជាច្រើនខាងលើនេះ បានបញ្ជាក់អំពីកាមេរ៉ាខាងក្រោយ 3 គ្រាប់ របស់ស្មាតហ្វូនជំនាន់ថ្មីនេះ គឺមាន ឡែន Periscope Telephoto Lens មួយគ្រាប់ ហើយអេក្រង់ខាងមុខរបស់ស្មាតហ្វូននេះ គឺមានកញ្ចក់គែមកោង និងគែម bezels ស្តើង។ បន្ថែមពីនេះ នៅលើស្មាតហ្វូនថ្មីនេះ ក៏មានរន្ធប្រហោង Pill-Shaped សម្រាប់កាមេរ៉ាភ្លោះផងដែរដូចជា 3D face unlock។ ក្រុមហ៊ុននេះ ក៏បានបញ្ជាក់ថា កាមេរ៉ានេះនឹងមានបំពាក់នូវបច្ចេកវិទ្យា AI ដើម្បីបង្កើនទៅលើសមត្ថភាពនៃការថតរូបភាពដ៏អស្ចារ្យទៀតផង។

ជាមួយគ្នានេះ នៅលើរូបភាព Renders នេះ ក៏មានការបង្ហាញថា ស្មាតហ្វូនជំនាន់ថ្មី Honor Magic 7 និង Magic 7 Pro នឹងមានការបំពាក់នូវម៉ូឌុលកាមេរ៉ា Octagonal module រួមជាមួយនឹងស៊ុមពណ៌ទឹកប្រាក់ ឬប្រផេះ ហើយរូបភាព Render មួយទៀតបង្ហាញថាវាមានគែមពណ៌មាស។ ស្មាតហ្វូននេះ នឹងមានកាមេរ៉ាខាងក្រោយ 3 គ្រាប់ និងភ្លើង LED flash ជាមួយនឹងឡូហ្គោ Honor logo នៅខាងក្រោមផងដែរ។ ស្មាតហ្វូន Magic 7 នឹងមានម៉េមូរីទំហំ 512GB និង 1TB ហើយនិងមានពណ៌ Gold, White, Black, Blue និងប្រផេះ។ សម្រាប់ស្មាតហ្វូនម៉ូដែល Pro នឹងមានទំហំ 256GB, 512GB និង 1TB ។

យោងតាមពាក្យចចាមអារ៉ាមជាច្រើន បានទម្លាយថា ស្មាតហ្វូនថ្មីនេះ នឹងមានអេក្រង់កម្រិត 1.5K OLED សម្រាប់ម៉ូដែល Standard និងអេក្រង់កម្រិត 2K OLED សម្រាប់ម៉ូដែល Pro។ ស្មាតហ្វូនជំនាន់ថ្មីនេះ នឹងមានថាមពលថ្មទំហំ 5800mAh ជាមួយនឹងបច្ចេកវិទ្យា 100W wired និង 66W wireless charging នៅលើម៉ូដែល Pro។ ស្មាតហ្វូននេះនឹងមានបំពាក់នូវ ស្គែនម្រាមដៃ ultrasonic, បច្ចេកវិទ្យាការពារទឹកកម្រិត IP68/IP69 សម្រាប់ការពារទឹក និងធូលី រួមនិងប្រព័ន្ធផ្កាយរណប  Satellite connectivity នៅលើម៉ូដែល Pro ទៀតផង។ ក្រុមហ៊ុននេះបញ្ជាក់ថា ស្មាតហ្វូននេះ នឹងប្រើប្រាស់នូវប្រព័ន្ធប្រតិបត្តិការ Android 15 ជាមួយនឹង MagicOS 9.0។

ស្មាតហ្វូន Magic 7 series នេះ នឹងដំណើរការនៅលើបន្ទះឈីប Snapdragon 8 Elite ដែលមានការបង្កើនទៅលើល្បឿន performance និង power efficiency កាន់តែប្រសើរ ហើយបើប្រៀបធៀបទៅនឹងបន្ទះឈីបជំនាន់មុននេះ គឺមានការបង្កើនទៅលើ CPU និង NPU ដល់ទៅ 45% និង44%។ បន្ទះឈីបនេះ អាចប្រកួតប្រជែងបានជាមួយនឹងបន្ទះឈីប Dimensity 9400 ផងដែរ។ ស្មាតហ្វូន Magic 7 series នឹងមានបំពាក់នូវបច្ចេកវិទ្យាជាច្រើន មុខងារ AI កាន់តែឆ្លាតវៃ និងការឌីស្សាញដ៏ប្រណិតដែលគ្មានគូប្រៀប៕