តាមរយះការធ្វើតេស្តល្បឿននៅក្នុង Lap ដែលរៀបចំដោយស្ថាប័ន Chengdu Tianfu Circuit ក្នុងប្រទេសចិនបានបញ្ជាក់ថា Xiaomi SU7 Ultra មានអនុភាពល្បឿនលឿនដែលអាចធ្វើបានក្នុងរង្វង់ 1:26.741 វិនាទី ដែលធ្វើឲ្យរថយន្ត Sport Car Sedan របស់ Xiaomi មួយនេះអាចក្លាយជារថយន្តអគ្គិសនីទ្វារបួនដែលមានល្បឿនលឿនបំផុត គឺលឿនជាងរថយន្ត BMW M3 ដែលធ្វើបានត្រឹមរង្វង់ 1:34.905 វិនាទី។ ជាមួយគ្នានេះក្រុមហ៊ុន Xiaomi បាននិយាយថា SU7 Ultra នឹងឆ្លងកាត់ការធ្វើតេស្តបន្ថែមទៀតនៅទូទាំងប្រទេសចិន។

Xiaomi SU7 Ultra គឺជាសមាជិកក្នុងគ្រួសាររថយន្តអគ្គិសនី SU7 ដែលជារថយន្តអគ្គិសនីដំបូងរបស់ក្រុមហ៊ុនផលិតស្មាតហ្វូនក្នុងប្រទេសចិនមួយនេះ។ រថយន្តអគ្គិសនីដែលមានការរចនារូបរាងកាត់តាមរថយន្តប្រណាំងរបស់ក្រុមហ៊ុនចិនមួយនេះ បានបំពាក់នូវប្រព័ន្ធម៉ូទ័រអគ្គិសនីចំនួន 3 ផ្តល់នូវអនុភាពកំលាំងសរុបដល់ 1,548 សេះ ដែលអាចជាន់ស្ទុះល្បឿនពី 0 ទៅ 100km ក្នុងមួយម៉ោងចាយពេលខ្ទង់ 1.98 វិនាទីប៉ុណ្ណោះ។

Xiaomi SU7 អាចជាន់ល្បឿនលឿនបំផុត Top-speed បានដល់ 350km/h។ រថយន្ត Sport car EV sedan មួយនេះ គាំទ្រនូវបច្ចេកវិទ្យាសាកភ្លើងល្បឿនលឿនកម្រិត 5.2C ដែលមានអនុភាពសាកបំពេញថាមពលថ្មពី 10 ទៅ 80% ចាយពេលប្រមាណ 11 នាទីប៉ុណ្ណោះ។

តាមការអះអាងពី Xiaomi បានឲ្យដឹងថា SU7 Ultra បានពាសដោយលោហៈធាតុ carbon fiber components ចំនួន 17 ចំនុច ហើយកន្ទុយ Spoiler ខាងក្រោយរបស់ SU7 Ultra អាចបង្កើនទំងន់សង្កត់ Aerodynamic បានទំងន់ 285kg ដើម្បីជួយទប់លំនឹងរថយន្តនៅពេលជាន់ល្បឿនលឿនបំផុត។ នៅផ្នែកខាងក្នុងរបស់ SU7 Ultra ត្រូវបានបំពាក់តុបតែងលម្អដោយសភាសធាតុលោហៈគុណភាពខ្ពស់ដោយ Carbon fiber និងស្បែក Alcantara ជាមួយកៅអីបែបរថយន្តស្ព័រ ក៏ដូចជាការរចនាដៃចង្កូតថ្មីផងដែរ។

សម្រាប់ប្រព័ន្ធខួរក្បាលបញ្ជា SU7 Ultra វិញ គឺពឹងទៅលើបន្ទះឈីប Snapdragon 8295 និងប្រតិបត្តិការ HyperOS របស់ Xiaomi។ ទោះបីជា SU7 Ultra ជារថយន្តអគ្គិសនីក៏ដោយ ប៉ុន្តែ វាបានបំពាក់នូវប្រព័ន្ធសំឡេងដូចរថយន្តបំពាក់ម៉ាស៊ីនដែរ ដោយមានជម្រើសសំឡេងចំនួន 3 និងមុខងារ Track Master ដែលផ្តល់នូវបទពិសោធន៍ប្រើប្រាស់កាន់តែអស្ចារ្យ។

បន្ថែមពីនេះ Xiaomi SU7 Ultra ក៏បានបំពាក់នូវមុខងារឆ្លាតវៃជាច្រើនផ្សេងទៀតដូចជា Xiaomi Pilot, an advanced driver-assistance system ដែលគាំទ្រដំណើរដោយបន្ទះឈីប Orin X chips ចំនួនពីរដែលផ្តល់នូវអនុភាពដល់ប្រព័ន្ធ computing power ដល់ 508 TOPS ដែលធ្វើឲ្យរថយន្តមួយនេះមានឆ្លាតវៃបំផុត។

Xiaomi SU7 Ultra ត្រូវបានក្រុមហ៊ុនបើកទទួលការបញ្ជាទិញមុនបានកាលពីខែមីនា ឆ្នាំ 2024 នៅក្នុងប្រទេសចិន ដោយមានតម្លៃខ្ទង់ CNY 814,900 ឬប្រហែល $111,550។ ហើយថ្មីៗនេះ Xiaomi បានដាក់គោលដៅក្នុងការលក់ SU7 Ultra ឲ្យបានយ៉ាងហោចណាស់ក៏ 10,000 គ្រឿងដែរក្នុងឆ្នាំនេះ។ បច្ចុប្បន្ន Xiaomi SU7 Ultra បានបង្ហាញវត្តមានផ្លូវការណ៍នៅក្នុងហាងលក់របស់ Xiaomi ចំនួន 112 ហាង នៅទូទាំងទីក្រុងសំខាន់ៗចំនួន 42 ក្នុងប្រទេសចិន៕