កាលពីខែកុម្ភៈកន្លងទៅនេះ ក្រុមហ៊ុន Xiaomi បានប្រកាសចេញនូវស្មាតហ្វូនជំនាន់ថ្មី Xiaomi 14 Ultra មានការបំពាក់នូវបន្ទះឈីប Snapdragon 8 Gen 3។ យោងតាមការបែកធ្លាយថ្មីនៅពេលនេះ បានបញ្ជាក់ថា ស្មាតហ្វូនជំនាន់ថ្មី Xiaomi 15 Ultra នឹងមានការបង្ហាញវត្តមាននៅក្នុងរយៈពេលដូចគ្នានៅឆ្នាំ 2025 ខាងមុខនេះ។

ទាក់ទងនឹងព័ត៌មានថ្មីនេះ អ្នកទម្លាយ Digital Chat Station បានបញ្ជាក់ថា គំរូស្មាតហ្វូនជំនាន់ថ្មីម៉ូដែល “Ultra” នឹងមានការបំពាក់់នូវបន្ទះឈីប Snapdragon 8 Gen 4។ ជាមួយលក្ខណៈសម្បត្តិខាងលើនេះ អ្នកទម្លាយរូបនេះ គឺហាក់ដូចជាចង់បង្ហាញពី Xiaomi 15 Ultra។

ផ្អែកតាមការបង្ហោះនៅលើ Weibo បានបង្ហាញថា ស្មាតហ្វូនជំនាន់ថ្មី Xiaomi 15 Ultra នឹងមានការឌីស្សាញនូវម៉ូឌុលកាមេរ៉ាធំជាងមុន ហើយនិងមានការផ្លាស់ប្តូរទៅលើសិនស័រមួយចំនួនផងដែរ។ ស្មាតហ្វូននេះ នឹងមានការប្រព័ន្ធកាមេរ៉ា 4 គ្រាប់ ដោយក្នុងចំណោមសិនស័រនោះ គឺមានការបំពាក់នូវសិនស័រ Dual Telephoto Lenses និងមាន Periscope Lens ធំជាងមុន។

ស្មាតហ្វូននេះ នឹងមានកាមេរ៉ាគោលទំហំ 50MP គាំទ្រដោយសិនស័រធំជាងជំនាន់មុន ហើយក៏មានការព្យាករណ៌ថា មាន សមត្ថភាពខ្ពស់ជាងមុនផងដែរ។ អ្នកទម្លាយរូបនេះ បានបន្តថា សិនស័រថ្មីនេះ អាចនឹងមានទំហំ 1 អ៊ីង ដែលមានការពង្រឹង សមត្ថភាពខ្ពស់ជាងជំនាន់មុន ប៉ុន្តែមិនមានការទម្លាយពីលក្ខណៈសម្បត្តិរបស់ស្មាតហ្វូននេះនៅឡើយទេ។

សូមជំរាបថា ថ្មីៗនេះ មានរបាយការណ៌ថា អេក្រង់របស់ Xiaomi 15 Ultra នឹងគែមកោង micro-curvature design នៅជ្រុងទាំង 4 ហើយនិងមានអេក្រង់កម្រិត 2K resolution ហើយនិងមានការទ្រទ្រង់នូវប្រព័ន្ធស្កែនម្រាមដៃ ultrasonic in-screen fingerprint sensor។

ស្មាតហ្វូននេះត្រូវគេរំពឹងថា នឹងរត់នៅលើស្បែកមុខកម្មវិធី HyperOS 2.0 ផ្អែកលើប្រព័ន្ទប្រតិបត្តិការ Android 15។ នៅក្នុងចំណោមកាមេរ៉ាខាងលើនេះ មានមួយគ្រាប់អាចនឹងទំហំ 200-Megapixel Samsung HP9 periscope telephoto sensor គាំទ្រការហ៊្សូម 4x optical zoom។ ប្រភពខាងលើនេះបានបញ្ជាក់បន្ថែមទៀតថា Xiaomi 15 Ultra អាចនឹងដំណើរការនៅលើបន្ទះឈីប Snapdragon 8 Gen 4 រ៉េម 24GB ថ្មទំហំ 6,200mAh។