កាលពីខែតុលាឆ្នាំ 2023 កន្លងទៅនេះ ក្រុមហ៊ុន vivo ទើបតែបង្ហាញនូវស្មាតហ្វូន vivo X100 និង X100 Pro ជាមួយនឹងបន្ទះឈីប Dimensity 9300។ បើតាមពាក្យចចាមអារ៉ាមជាច្រើនថ្មីៗនេះ បានទម្លាយថា ស្មាតហ្វូន vivo X200 និង vivo X200 Pro នឹងបង្ហាញខ្លួននៅក្នុងខែតុលានេះ នៅក្នុងប្រទេសចិន ហើយនឹងក្លាយជាស្មាតហ្វូនដំបូងបំផុតរបស់ពិភពលោកដែលនឹងមានបន្ទះឈីប Dimensity 9400 ទៀតផង។

នៅថ្ងៃនេះ បើតាមអ្នកទម្លាយ Digital Chat Station គឺទើបតែបង្ហាញនូវគំនូសព្រាងនៃការឌីស្សាញរបស់ស្មាតហ្វូន vivo X200 ផងដែរ។ នៅក្នុងគំនូសព្រាងនេះ ក៏មានការឌីស្សាញពីឡូហ្គោ ZEISS logo ដែលស្ថិតនៅកណ្តាលនៃកាមេរ៉ារបស់ស្មាតហ្វូន vivo X200 នេះទៀតផង។ ខណៈពេលដែលស្មាតហ្វូន vivo X100 និង vivo X100 Pro មានអេក្រង់គែមកោង  curved-edge OLED panel នោះ មានរបាយការណ៍ជាច្រើន បានបញ្ជាក់ថា ស្មាតហ្វូន vivo X200 Pro នេះ នឹងបន្តមានអេក្រង់គែមកោង ខណៈពេលដែលស្មាតហ្វូន vivo X200 អាចនឹងមានអេក្រង់រាបស្មើ។

នៅក្នុងរបាយការណ៍ជាច្រើន បាននិយាយថា ស្មាតហ្វូន vivo X200 នេះគឺមានអេក្រង់រាបស្មើ 6.4-អ៊ីង ឬ 6.5-អ៊ីង flat ដែលទ្រទ្រង់នូវកម្រិតភាពច្បាស់ 1.5K resolution។ស្មាតហ្វូននេះមានការឌីស្សាញនូវប៊ូតុង volume និង power key នៅគែមខាងស្តាំ។ ផ្នែកខាងក្រោយរបស់ស្មាតហ្វូន vivo X200 នេះ គឺមានបំពាក់នូវ pill-shaped LED flash នៅគែមខាងស្តាំងខាងលើ។

ស្មាតហ្វូន vivo X200 នឹងមានកាមេរ៉ា 3 គ្រាប់នៅខាងក្រោយ ខណៈដែលកាមេរ៉ាគោលមានទំហំ 50-Megapixel គាំទ្រជាមួយនឹងឡែន Periscope ផងដែរ។ ស្មាតហ្វូនថ្មីនេះ មានថាមពលថ្មទំហំ 5,800mAh។ សម្រាប់ស្មាតហ្វូន vivo X200 Pro នេះមានអេក្រង់ទំហំ 6.3-អ៊ីង display ជាមួយនឹងការទ្រទ្រង់ទៅលើបច្ចេកវិទ្យា wireless charging ខណៈពេលដែលស្មាតហ្វូន vivo X200 មិនមានបច្ចេកវិទ្យានេះទេ៕