ក្រុមហ៊ុនផលិតរថយន្តម៉ាក Geely បានធ្វើការដាក់តាំងបង្ហាញរថយន្ត PHEV-SUV ស៊េរីថ្មីរបស់ខ្លួននៅក្នុងព្រឹត្តិការណ៍តាំងពិព័រណ៌រថយន្តប្រចាំឆ្នាំក្នុងទីក្រុងប៉េកាំងប្រទេសចិន ឬ 2024 Beijing Auto Show។ រថយន្ត SUV ស៊េរីថ្មីទំនើបនេះ គឺជាគំរូនៃម៉ូដែល Geely Galaxy Starship ដែលជាម៉ាកថ្មីរបស់ក្រុមហ៊ុន ហើយត្រូវបានគេរំពឹងថា អាចនឹងមានការចេញលក់នៅឆ្នាំក្រោយនេះ (2025)។

យ៉ាងណាមិញសម្រាប់ការចេញលក់ Galaxy Starship អាចនឹងត្រូវបានគេហៅថា Galaxy L9។ ម៉ាកយីហោ Galaxy ត្រូវបានបង្កើតដោយ Geely និងបានប្រកាសជាផ្លូវការណ៍កាលពីឆ្នាំមុន (2023)។ ម៉ាកយីហោរថយន្តថ្មីរបស់ Geely នេះត្រូវបាន គេសង្ស័យថា អាចនឹងមានចំនួន 4 ម៉ូដែលនៅរយះពេលពីឆ្នាំបន្ទាប់ដែលក្នុងរួមមានម៉ូដែល Galaxy L5, L6, L7 និង L9។ សម្រាប់គំរូដំបូងនៃរថយន្ត Large-SUV ស៊េរីថ្មីនេះ គឺមានបណ្តោយដ៏ទៅជាង 5 ម៉ែត្រ។

រថយន្តនេះមានការឌីស្សាញទ្វាររថយន្តប្លែកពីគេ គឺអាចបើកជាទ្វារហែកចេញ និងបើកទ្វារខាងក្រោយលើកឡើងទៅលើបានដូចជាសត្វត្រដាងស្លាប។ ចំនែកផ្នែកខាងមុខត្រូវបានរចនាឡើងបែប Round-Frame រំលេចជាមួយអធំពូលភ្លើងយ៉ាងស្រស់ស្អាត និយាយទៅគឺមានការឌីស្សាញស្រដៀងគ្នានឹងម៉ូដែល Galaxy E8 ដែលមានអំពូលភ្លើង LED រចនារាងជាអក្សរ U ឬ U-Shaped Design មួយខ្សែវាត់ក្បាលនៃរថយន្តតែម្តង។

សម្រាប់ប្រព័ន្ធដំណើរការក្នុងរថយន្តវិញត្រូវពឹងផ្អែកទៅលើបន្ទះឈីប Qualcomm Snapdragon 8295 Chip Driving ជាមួយប្រព័ន្ធប្រតិបត្តិការដែលអភិវឌ្ឍន៍ដោយ Geely ផ្ទាល់តែម្តង។ ដោយប្រតិបត្តិការនេះនឹងមានភ្ជាប់មកជាមួយមុខងារឆ្លាតវៃដូចជា  AI phones, drones និង smart glasses ជាដើម។

រថយន្ត PHEV-SUV ស៊េរីថ្មីនេះ នឹងត្រូវផលិតឡើងដោយប្រើប្រាស់ស្តង់ដារគ្រោងឆ្អឹងប្រភេទ GEA (Geely Electronic Architecture) Platform ជំនួសឲ្យប្រព័ន្ធគ្រោងឆ្អឹង SEA (Sustainable Experience Architecture) platform របស់ Geely ដែលត្រូវបានប្រើនៅលើស្រឡាយផលិតផលរថយន្តជាច្រើនរបស់ Geely ចាប់តាំងពីឆ្នាំ 2021។ GEA-Platform ថ្មីនេះ គឺបង្កើតឡើងសម្រាប់ប្រើក្នុងការផលិតរថយន្តដេលដំណើរការដោយប្រព័ន្ធ pure electric, range extended, និង plug-in powertrains។

ចំពោះគំរូរបស់ Geely Starship គឺជាប្រភេទរថយន្ត PHEV ដែលប្រើប្រាស់នូវប្រព័ន្ធ Thor (NordThor) ជំនាន់ថ្មីរបស់ Geely។ ដោយប្រព័ន្ធនេះ គឺជួយក្នុងការសម្រួលដោយប្រព័ន្ធម៉ាស៊ីនរថយន្តឲ្យដំណើរការកាន់តែមានប្រសិទ្ធិភាពខ្ពស់ជាងមុនដ៏ទៅ 46% ហើយអាចបើកបរជាប់ដោយមិនឈប់សំរាកបានដល់ 2,000 គីឡូម៉ែត្រ នេះបើតាមការបញ្ជាក់នៅលើបញ្ចីរបស់ CLTC ជាមួយកម្រិតនៃការស៊ីស៊ាំងតិចបំផុតប្រមាណ 3 លីត្រប៉ុណ្ណោះក្នុងចំងាយ 100 គីឡូម៉ែត្រ។ Geely Starship នឹងមានបំពាក់នូវប្រព័ន្ធបច្ចេកិវិទ្យាឆ្លាតវៃ AI Digital ecosystem ដែលក្នុងរួមមានដូចជាប្រព័ន្ធឆ្លាតវៃដូចជា steer-by-wire, intelligent driving, individual wheel drive និងប្រព័ន្ធបើកបរដោយស្វ័យប្រវត្តិដូចម៉ូដែល Geely Galaxy E8 ផងដែរ។

បន្ថែមពីនេះ Geely Galaxy Starship ក៏នឹងបំពាក់នូវប្រព័ន្ធ 11-in-1 intelligent electric drive system ដើម្បីជំនួយដល់ការបើកបរប្រកបដោយសុវត្ថិភាព ផាសុខភាព និងប្រសិទ្ធិភាពខ្ពស់បំផុត។ រថយន្តអគ្គិសនី SUV ខ្នាតធំមួយនេះ នឹងបំពាក់ប្រព័ន្ធម៉ូទ័រអគ្គិសនីថ្មីដែលមានទំហំតូចជាងមុន ប៉ុន្តែ ដំណើរការមានប្រសិទ្ធិភាពខ្ពស់ជាងមុន លឿនរហ័សជាងមុន ដោយតាមការបញ្ជាក់ពីស្ថាប័ន CLTC បានឲ្យដឹងថា វាមានប្រសិទ្ធិភាពប្រសើរជាងមុនដ៏ទៅ 90.04%។ ម៉ូទ័រថ្មីនេះមានទំហំ 79.8 គីឡូក្រាម និងដំណើរការស្មើៗគ្នាជាមួយកម្រិតសម្លេងស្ងាត់ត្រឹម 78dB។ រថយន្តនេះ ក៏នឹងគាំទ្របច្ចេកវិទ្យាសាកភ្លើងកំលាំង 800V ផងដែរ៕