គិយមកដល់ថ្ងៃនេះ Xiaomi គឺបានត្រៀមខ្លួនរួចជាស្រេចហើយនៅក្នុងការប្រកាសចេញនូវស្មាតហ្វូនថ្នាក់ប្រណិតជំនាន់ថ្មីរបស់ខ្លួន។ ថ្មីៗនេះ Xiaomi 15 Series ត្រូវបានគេទម្លាយចេញនូវព័ត៌មានជាច្រើនរួចមកហើយដែលពេលនេះ គឺរង់ចាំតែការសម្ពោធជាផ្លូវការណ៌តែប៉ុណ្ណោះ។ យោងតាមការបែកធ្លាយថ្មីនៅថ្ងៃនេះ គឺមានការចែករំលែកនូវរូបភាពពិតរបស់ស្មាតហ្វូន Xiaomi 15 Pro ថែមទៀតហើយ។ មើលទៅលើរូបភាពថ្មីនេះ គឺមានការបញ្ជាក់ថា ស្មាតហ្វូននេះ គឺមានការផ្លាស់ប្តូរនូវការឌីស្សាញម៉ូឌុលកាមេរ៉ាក្រោយ។ ក្រៅពីនេះការឌីស្សាទៅលើស្មាតហ្វូននេះ គឺមាននៅតែមានទម្រង់ដូចម៉ូដែលមុនដដែលទាំងអស់។

សម្រាប់រូបភាពស្មាតហ្វូនជំនាន់ថ្មីរបស់ Xiaomi ដែលមានការបែកធ្លាយនៅពេលនេះ គឺត្រូវបានគេមើលឃើញស្ថិតនៅលើដៃរបស់អគ្គនាយករងរបស់ក្រុមហ៊ុន Xiaomi គឺលោក Wang Xiaoyan។ ការឌីស្សាញទៅលើម៉ូឌុលកាមេរ៉ាស្មាតហ្វូននេះ គឺមានដាក់នូវអំពូល flash នៅខាងក្រៅ។ ជាមួយនិងរូបភាពនេះ ត្រូវបានគេរំពឹងថា នេះគឺជាម៉ូដែល Xiaomi 15 Proដោយសារតែរូបភាពនេះ គឺដូចគ្នាមួយនិងគំរូស្មាតហ្វូនដែលបានចែកចាយកន្លងមកអញ្ចឹងដែរ។ រូបភាពនេះ បញ្ជាក់ច្បាស់ថា ស្មាតហ្វូននេះមានជម្រើសពណ៌ខ្មៅ។ ប៉ុន្តែបើតាមការព្យាករណ៌កន្លងមក ស្មាតហ្វូននេះ នឹងមានពណ៌ស ហើយនិងពណ៌ទឹកប្រាក់ផងដែរ។

សម្រាប់ម៉ូឌុលកាមេរ៉ានេះ ក៏ត្រូវបានគេនិយាយថា មានការអាប់ដែតផងដែរ។ ក្នុងនោះមានការរំពឹងថា ស្មាតហ្វូននេះ មានការ ឌីស្សាញជាមួយនិងកញ្ចក់សេរ៉ាមិកទៀតផង។ គួរបញ្ជាក់ផងដែរ មុននេះការទម្លាយថា ស្មាតហ្វូន Xiaomi 15 Pro នឹងមានការបំពាក់នូវអេក្រេង់ទំហំ 6.78-អ៊ីងទ្រទ្រង់ជាមួយនិងល្បឿន 120Hz refresh rate។ សម្រាប់កម្លាំងម៉ាស៊ីននៅលើស្មាតហ្វូននេះ គឺនឹងមានការបំពាក់នូវបន្ទះឈីប Snapdragon 8 Elite រ៉េមទំហំ 16GB និងអង្គចងចាំ 1TB។

ចំពោះកាមេរ៉ាថតនៅលើស្មាតហ្វូននេះ គឺមានកាមេរ៉ាគោលទំហំ 50MP មានការទ្រទ្រង់នូវ variable aperture ដែលមានទំហំចាប់ពី f/1.4 ដល់ f/2.5 ហើយនិងគ្រាប់ទីពីរមានទំហំ 50MP ultrawide lens រួមនិងគ្រាប់ទីបីមានទំហំ 50MP telephoto lens ដែលទ្រទ្រង់ជាមួយ equivalent focal length ទំហំ 120 mm និងមុខងារហ៊្សូមបាន 5x ថែមទៀតផង។ ស្មាតហ្វូននេះ នឹងមាមថ្មទំហំ 6,000mAh គាំទ្រនូវកម្លាំងសាក 80W wireless និង 90W wired charging។