ប្រធានផ្នែកផលិតផល iQOO 13 ត្រូវបានគេរាយការណ៌ថា គឺគ្រោងនឹងមានបង្ហាញខ្លួនជាផ្លូវការណ៌នៅក្នុងប្រទេសចិននៅថ្ងៃទី 30 ខែតុលាខាងមុខនេះ។ សម្រាប់ពេលនេះក្រុមហ៊ុន iQOO ក៏បានចាប់ផ្តើមទទួលនូវការ Pre-order ទៅលើស្មាតហ្វូននេះតាមរយៈអនឡាញ និងហាង offline ជាច្រើនផងដែរ។ ទាក់ទងនឹងស្មាតហ្វូនជំនាន់ថ្មី iQOO 13 នេះ ក្រុមហ៊ុននេះ គឺបានបញ្ជាក់រួចហើយអំពីការឌីស្សាញ និងលក្ខណៈសម្បត្តិជាច្រើនរួចហើយ។

យោងតាមការបែកធ្លាយថ្មីៗនេះ បានបញ្ជាក់ថា ស្មាតហ្វូនជំនាន់ថ្មី iQOO 13 នឹងមានតម្លៃ 3,999 យ៉ន់ (~$560) ដែលតម្លៃនេះ បង្ហាញថា តម្លៃរបស់ស្មាតហ្វូននេះមិនឡើងនោះទេបើធៀបទៅនឹងម៉ូឌែល iQOO 12 កាលពីឆ្នាំមុននេះ។ យ៉ាងណាមិញ ការបង្ហោះនៅលើ Weibo ចេញពីគណនីមួយដែលមានឈ្មោះថា Galant V ដែលគេស្គាល់ថា គឺជាប្រធានផ្នែកផលិតផលរបស់ក្រុមហ៊ុន iQOO នៅក្នុងប្រទេសចិន បញ្ជាក់ថា ស្មាតហ្វូន iQOO 13 នឹងកើនឡើងនូវតម្លៃដែលជៀសមិនផុតនោះទេ។

បើតាមការបញ្ជាក់របស់ប្រធានផ្នែកផលិតផលនេះ តម្លៃនៃការផលិតទៅលើស្មាតហ្វូន iQOO 13 នេះគឺមានការកើនឡើងដល់ទៅរាប់រយ យ៉ន់ ដែលធ្វើអោយតម្លៃរបស់ស្មាតហ្វូននេះ កើនឡើងដែលមិនអាចជៀសបាននោះទេ។ សម្រាប់តម្លៃក្រោម 3,999 យ៉ន់ ប្រហែលជាលែងមានទៀតហើយ។ នៅក្នុងនោះ ក្រុមហ៊ុន iQOO ក៏ប្រហែលជាលែងដំណើរការនូវកម្មវិធី trade-in program ទៅលើស្មាតហ្វូន Vivo ដូចគ្នា។

សូមជំរាបថា តាមការបញ្ជាក់នៅក្នុងរបាយការណ៍ជាច្រើនកន្លងមកនេះ បាននិយាយថា ស្មាតហ្វូន iQOO 13 នេះនឹងមានអេក្រង់រាបស្មើរទំហំ 6.82-អ៊ីង flat BOE គាំទ្រនូវកម្រិតភាពច្បាស់ 2K resolution និងមានល្បឿន 144Hz refresh rate ។ បើមើលទៅលើប្រព័ន្ធសុវត្ថិភាពនោះ ស្មាតហ្វូននេះគឺមានសេនស័រស្កេនក្រយ៉ៅដៃក្រោមអេក្រង់។ ស្មាតហ្វូន iQOO 13 នេះនឹងមានបន្ទះឈីប  Snapdragon 8 Elite។ ពាក្យចចាមអារ៉ាមជាច្រើនទម្លាយថា ស្មាតហ្វូននេះនឹងមានទំហំ 16 GB LPDDR5x RAM និងអង្គចងចាំ 1TB UFS 4.0 storage។

សម្រាប់ទីផ្សារនៅក្នុងប្រទេសចិននេះ ស្មាតហ្វូនជំនាន់ថ្មីនេះ នឹងប្រើប្រាស់នូវប្រព័ន្ធប្រតិបត្តិការ Android 15 ផ្អែកលើស្បែកមុខកម្មវិធី  OriginOS 5។ ស្មាតហ្វូននេះ នឹងមានថាមពលថ្មទំហំ 6,150mAh ជាមួយនឹង 120W rapid charging។ នៅលើស្មាតហ្វូននេះ មានកាមេរ៉ាគោលទំហំ 50-Megapixel ផងដែរ។ បន្ទាប់ពីការប្រកាសជាផ្លូវការនៅក្នុងប្រទេសចិនរួចស្មាតហ្វូន iQOO 13 នឹងបង្ហាញខ្លួននៅក្នុងទីផ្សារសកលសប្តាហ៍ទី 1 នៅក្នុងខែធ្នូខាងមុនេះ៕