ពាក្យចចាមអារ៉ាមនិយាយថា iPhone 19e អាចនឹងមានអេក្រង់ ProMotion display បន្ទាប់ពីការប្រកាសចេញស្មាតហ្វូនជំនាន់ថ្មី iPhone 17e បានមួយរយៈពេលខ្លីមមក នៅថ្ងៃនេះ មានការទម្លាយចេញនូវព័ត៌មានថ្មីៗរបស់ស្មាតហ្វូនជំនាន់បន្ទាប់នៃម៉ូដែលនេះថែមទៀតហើយ។ បើតាមប្រភពខាងលើនេះបាននិយាយថា iPhone 19e អាចនឹងមានការប្រកាសចេញនៅដើមឆ្នាំ 2028 ហើយអាចនឹងមានការប្រើប្រាស់នូវបច្ចេកវិទ្យាអេក្រង់ថ្មី ProMotion display ថែមទៀតផង។ សម្រាប់អេក្រង់នេះ គឺជាអេក្រង់ដែលប្រើប្រាស់នូវ Variable Refresh Rate Panel និងជាអេក្រង់មានតម្លៃរបស់ Apple lingo។ ដូច្នេះនេះគឺជាការផ្លាស់ប្តូរថ្មីមួយ ខណៈដែលកន្លងមកទៅលើ “e” នេះ គឺប្រើត្រឹមអេក្រង់ 60Hz panels ប៉ុណ្ណោះ។

យោងតាមការចេញព័ត៌មានថ្មីពី ZDNet Korea បាននិយាយថា នោពេលនេះ Apple បាននឹងកំពុងតែធ្វើការនៅលើបច្ចេកវិទ្យាអេក្រង់ថ្មី LTPO+ technology ដែលមានការប្រើប្រាស់នូវសមាសភាគ oxide ដែលអាចធ្វើការផ្លាស់ប្តូទៅលើ transistors បានលឿន ជួយពង្រឹងនូវសមត្ថភាពប្រើប្រាស់បានខ្ពស់ និងមានកម្រិតឆ្លើយតបនៅលើអេក្រង់បានលឿនជាងមុន។

ប្រភពដដែលនេះ បានបន្តបច្ចេកវិទ្យាអេក្រងនេះ គឺត្រូវបានគេរំពឹងថា នឹងមានការប្រើប្រាស់នៅលើអេក្រង់របស់ស្មាតហ្វូនជំនាន់ថ្មី iPhone 18 Pro series ក៏ដូចជាស្មាតហ្វូនជំនាន់បន្ទាប់របស់ iPhone Air រួមជាមួយនិងស្មាតហ្វូនអេក្រង់បត់បានម៉ូដែលដំបូងថែមទៀតផង។ ដូច្នេះប្រសិនបើការប្រើប្រាស់អេក្រង់នេះ នៅលើស្មាតហ្វូនថ្នាក់ប្រណិត មិនមានបញ្ហានោះ សម្រាប់បច្ចេកវិទ្យា LTPO panels ដែលប្រើនៅលើស្មាតហ្វូននាពេលនេះ គឺនឹងធ្លាក់មក iPhone 19e ហើយ។ ទាំងនេះគ្រាន់តែជាព័ត៌មានបែកធ្លាយប៉ុណ្ណោះ សម្រាប់ព័ត៌មានជាក់នៅមិនទាន់មានការបញ្ជាក់ច្បាស់ទេ នៅលើ iPhone 19e នឹងមានប្រើ LTPO panel ឬយ៉ាងណានោះទេ។