កាលពីខែមុននេះ ក្រុមហ៊ុន Samsung បានរៀបចំ Galaxy Unpacked 2025 នៅក្នុងទីក្រុង San Jose ដែលនេះ គឺជាព្រឹត្តិការណ៍ដ៏អស្ចារ្យបំផុតរបស់ក្រុមហ៊ុនបច្ចេកវិទ្យាយក្សកូរ៉េខាងត្បូងមួយនេះ ដាក់បង្ហាញនូវស្មាតហ្វូន Flagship ថ្មីចំនួន 3 ម៉ូដែល ហើយក៏និងមានការទម្លាយព័ត៌មានរបស់ស្មាតហ្វូន Galaxy S25 Edge ផងដែរ។

នៅក្នុងព្រឹត្តិការណ៍នេះ លោក TM Roh ដែលជាអគ្គនាយកផ្នែក MX របស់ Samsung ក៏បានឈរនៅលើឆាក ស្វាគមន៍ទៅកាន់គ្រប់គ្នា ដើម្បីបង្ហាញនូវបច្ចេកវិទ្យាចុងក្រោយនេះផងដែរ។

យោងតាមការចេញផ្សាយថ្មីៗនេះ ស្មាតហ្វូនជំនាន់ Galaxy S25 Series ក៏មានការបង្ហាញនូវវត្តមាននៅក្នុងប្រទេសថៃផងដែរ ដោយក្រុមហ៊ុន Samsung បានរៀបចំនូវព្រឹត្តិការណ៍តន្រ្តីជប់លៀងចម្រុះពណ៌ និងតន្រ្តីចម្រុះជាច្រើនទៀតដើម្បីបង្ហាញនូវស្មាតហ្វូន  Galaxy S25 នេះ។ នៅក្នុងប្រទេសថៃ ក្រុមហ៊ុន Samsung បានរៀបចំនូវការបង្ហាញស្មាតហ្វូន Galaxy S25 series នៅក្នុងទម្រង់ថ្មីមួយ ដែលលោក Sittichok Nopphachinbutr អគ្គនាយករបស់ Samsung នៅក្នុងប្រទេសថៃ បានចូលរួមជាមួយនឹងតារាចម្រៀង និងសំដៃងរបស់ថៃជាច្រើនរូប។

ព្រឹត្តិការណ៍ “Here AI am Music Fest” នេះ គឺជាការប្រគុំតន្ត្រីដែលមានការចូលរួមពី P’Jong-Kallan, Tay-New, Sky-Nani, Boki Lion, Ink Waruntorn និង Toon Bodyslam ខណៈពេលដែល Nong Noey Butterbear ដែលជា “internet idol” ក៏ត្រូវបានអញ្ជើញអោយចូលរួមក្នុងព្រឹត្តិការណ៍នេះផងដែរ។

នៅក្នុងព្រឹត្តិការណ៍ប្រគុំតន្ត្រីនេះ ក៏មានការបង្ហាញនូវវត្តមានរបស់ Galaxy AI ចុងក្រោយបំផុតដែលដំណើរការនៅលើ  One UI 7 ផងដែរ។ បន្ថែមពីនេះ វាក៏មានការបង្ហាញនូវមុខងារ Audio Eraser tool ថ្មីនៃ Galaxy AI ថែមទៀត។ នៅក្នុងប្រទេសថៃ ក្រុមហ៊ុន Samsung ក៏មានការផ្តល់ជូននូវកាដូជាច្រើនសម្រាប់ការកម្មង់ទិញស្មាតហ្វូន Galaxy S25នេះដែលមានដូចជា  memory upgrades, 45W power adapter, in-store credit, cashback និងជាច្រើនទៀត៕