តាមការគ្រោងទុកក្រុមហ៊ុន Samsung នឹងប្រកាសចេញនូវស្មាតហ្វូនជំនាន់ថ្មី Galaxy S25 series របស់ខ្លួននារាត្រីនេះហើយ ដែលនេះ គឺជាស្មាតហ្វូនម៉ូដែលថ្មីថ្នាក់ប្រណិតដែលមនុស្សនជាច្រើននៅទូទាំងពិភពលោកបានទនឹ្ទងរង់ចាំគ្រប់ៗគ្នា។ មុនការសម្ពោធយប់នេះ នៅពេលនេះ មានការទម្លាយចេញនូវរូបភាពផ្លូវការណ៌របស់ស្មាតហ្វូន Galaxy S25, Galaxy S25+,និង Galaxy S25 Ultra នៅលើអនឡាញហើយ។ បើតាមរូបភាពនេះអាចជារូបភាពដែលក្រុមហ៊ុនធ្វើការរៀបចំសម្រាប់ការសម្ពោធនៅ Galaxy Unpacked event យប់នេះ។

តាមរយៈរូបភាពខាងលើនេះ ហាក់បីដូចជាមិនមានការភ្ញាក់ផ្អើលខ្លាំងនោះឡើយដោយសារតែមុននេះ គឺមានការបែកធ្លាយរូបភាពនៅលើអនឡាញជាច្រើនរួចមកហើ។ សម្រាប់រូបភាពដែលបែកធ្លាយនៅថ្ងៃនេះ អាចជារូបភាពផលិតផលតាំងបង្ហាញនៅក្នុងហាងលក់ទូរស័ព្ទមួយ ឬអាចជាហាង official Samsung store ក៏ថាបាន។ បើមើលទៅលើរូបភាពខាងលើនេះអាចបញ្ជាក់បានថា ស្មាតហ្វូន Galaxy S25+ គឺមានគែមស្តើង និងមានអេក្រង់រាបស្មើរ និងមានកាមេរ៉ាមុខមួយគ្រាប់នៅចំកណ្តាលអេក្រង់ទៀតផង។ ស្មាតហ្វូន Galaxy S25 និង Galaxy S25+ មានការឌីស្សាញម៉ូឌុលកាមេរ៉ាក្រោយរាងបញ្ឈរ និងមាន rings ជុំវិញ sensor ដែលមើលទៅដូចគ្នាជាមួយ Galaxy Z Fold 6 អញ្ចឹង។

ចំពោះការឌីស្សាញស្មាតហ្វូន Galaxy S25 Ultra ក៏ដូចគ្នាដែរ។ ស្មាតហ្វូន Galaxy S25 និង Galaxy S25+ គឺមានពណ៌ Silver Shadow color ខណៈដែល Galaxy S25 Ultra គឺមានពណ៌ Titanium Black និង Titanium Gray។ ជាមួយគ្នាការទម្លាយរូបភាពនេះ ក៏មានការបង្ហាញពីប្រអប់របស់ Galaxy S25 Series ផងដែរ។ សូមជំរាបថា យប់នេះ Samsung នឹងមានការប្រកាសចេញជាផ្លូវការណ៌ហើយ។ កុំភ្លេចតាមដានជាមួយគ្នា។