Galaxy S24 Ultra គឺជាស្មាតហ្វូនដំបូងបំផុតរបស់ក្រុមហ៊ុន Samsung ដែលត្រូវបានសម្រេចដាក់អោយប្រើប្រាស់នូវស៊ុមជុំវិញពីលោហៈទីតានៀម ហើយនិងមានការការពារកញ្ចក់ Corning Gorilla Glass Armor ដែលមានទម្ងន់ស្រាល និងមានភាពរឹងមាំបំផុតក្នុងការប្រើប្រាស់។ សម្រាប់ស៊ុមលោហៈទីតានៀមនេះ គឺបានប្រើប្រាស់នៅលើ iPhone 15 Pro រូចមកហើយ ។ ចង់ដឹងថាតើ ក្រុមហ៊ុន Samsung ប្រើប្រាស់ទីតាញ៉ូមចំនួនប៉ុន្មាន និងកម្រិតប្រើប្រាស់ប៉ុណ្ណា នៅលើស្មាតហ្វូន Galaxy S24 Ultra នេះ។ សូមតាមដានជាមួយគ្នា។

យោងតាមវីដេអូថ្មីមួយ ដែលបង្ហោនៅលឆានែល YouTuber JerryRigEverything បានបង្ហាញពីដោះមើលទៅលើផ្នែកខាងក្នុងរបស់ស្មាតហ្វូន Galaxy S24 Ultra នេះ ដើម្បីឆែកមើលទៅលើផ្នែកខាងក្នុង ការជួលជុល និងសារធាតុដែលប្រើប្រាស់នៅលើស្មាតហ្វូននេះហើយ។ នៅក្នុងវីដេអូនេះបង្ហាញថា ក្រុមហ៊ុន Samsung បានប្រើប្រាស់នូវទីតាញ៉ូមកម្រិត 2 នៅក្នុងការបង្កើតនូវគែមរបស់ស្មាតហ្វូននេះ។ កម្រិតនេះ គឺទាបជាងកម្រិតទីតាញ៉ូម 5 នៅលើស្មាតហ្វូន iPhone 15 Pro។ កម្រិតទីតាញ៉ូមទី 2 នេះ គឺមានភាពធន់ជាងអាលុយមីញ៉ូម  6061 ប៉ុន្តែវាមិនទាន់រឹងមាំដល់កម្រិត 5 ទីតាញ៉ូមនោះទេ។

វីដេអូនេះបានបន្ថែមថា ក្រុមហ៊ុន Samsung ប្រើប្រាស់នូវអាលុយមីញ៉ូម 6061 សម្រាប់ផ្នែកគែមផ្សេងទៀតរបស់ស្មាតហ្វូននេះ។ ក្រុមហ៊ុនបច្ចេកវិទ្យារបស់កូរ៉េនេះ ក៏ប្រើប្រាស់នូវផ្លាស្ទិកដើម្បីបញ្ចូលគ្នានៃអាលុយមីញ៉ូម និងទីតាញ៉ូមនៅលើស្មាតហ្វូន Galaxy S24 Ultra ។

វីដេអូនៃការដោះមើលទៅលើផ្នែកខាងក្នុងរបស់ស្មាតហ្វូននេះ បានបង្ហាញទៀតថា ក្រុមហ៊ុន Samsung បានប្រើប្រាស់នូវ haptic feedback motor នៅផ្នែកខាងក្រោមនៃ Speaker របស់ស្មាតហ្វូន  Galaxy S24 Ultra។ សម្រាប់រន្ធដោត S PEN ក៏ការពារមិនអោយមានការជ្រាបទឹកចូលផងដែរ។ ស្មាតហ្វូននេះ ក៏មានភាពងាយស្រួលក្នុងការជួសជុលជាងស្មាតហ្វូនជំនាន់មុន Galaxy S series ថែមទៀតផង។ ក្រុមហ៊ុនក៏បានប្រើប្រាស់នូវខ្ចៅ  Philips screws ដែលមានន័យថា វាពិតជាមានភាពងាយស្រួលក្នុងការប្រើប្រាស់មែនទែន។

បន្ថែមពីនេះទៀតនោះ ស្មាតហ្វូននេះ គឺពិតជាមានការប្រើប្រាស់នូវ 15W wireless charging coil ដែលនេះគឺជាលើកដំបូងបំផុតដែលក្រុមហ៊ុន Samsung ប្រើប្រាស់នៅលើស្មាតហ្វូនរបស់ខ្លួន។ JerryRigEverything ក៏បានតេស្តទៅលើរន្ធ microphone និងរន្ធសម្រាប់ដោត SIM ejector pin ផងដែរ ដោយវាមិនមានបញ្ហាអ្វីនោះទេ។