ជាមួយនិងវត្តមានរបស់ស្មាតហ្វូនអេក្រងបត់បានម៉ូដែលដំបូងរបស់ក្រុមហ៊ុន Apple នាពេលខាងមុខនេះ ត្រូវបានគេរំពឹងថា អាចនឹងមានឈ្មោះថា iPhone Fold។ តាមការបង្ហើបកន្លងមកបានអោយដឹងថា ស្មាតហ្វូនអេក្រង់បត់បានថ្មីនេះ គឺនឹងមានការប្រកាសចេញនៅលើទីផ្សារជាមួយនិង iPhone ជំនាន់ថ្មី iPhone 18 Pro series។ នៅថ្ងៃនេះ មានការបែកធ្លាយព័ត៌មានថ្មីមួយ ដោយលើកឡើងថា ស្មាតហ្វូនអេក្រង់បត់បានថ្មី នឹងមានទម្ងន់ស្រាល ហើយនឹងមានការបំពាក់នូវសមាសភាគថ្មីថែមទៀតផង។

បើតាមព័ត៌មានខាងលើនេះ បាននិយាយថា ស្មាតហ្វូនអេក្រង់បត់បានជំនាន់ថ្មីរបស់ Apple នេះ នឹងមានការប្រើប្រាស់នូវគន្លឹះថ្មី ដែលមានការឌីស្សាញចេញពីលោហៈធាតុថ្មី Liquid Metal។ បើតាមពាក្យចចាមអារ៉ាមបាននិយាយថា ក្រុមហ៊ុន Apple បានត្រៀមនូវសមាសភាគផលិតស្មាតហ្វូនអេក្រង់បត់បាននេះរយៈពេលជាង 15 ឆ្នាំមកហើយ។ ជាមួយនិងការប្រើប្រាស់នូវគន្លឹះថ្មី Liquid Metal ត្រូវបានគេរំពឹងថា នឹងមានភាពរឹងមាំ ហើយនិងផ្តល់នូវភាពរលូនទៅលើការបត់ចេញចូលរបស់ស្មាតហ្វូននេះ។

ប្រភពខាងលើនេះបន្តថា ស្មាតហ្វូនអេក្រង់បត់បានជំនាន់ថ្មី iPhone Fold នេះ នឹងមានតួខ្លួនឌីស្សាញចេញពីលោហៈធាតុ Titanium Material ដែលមានផ្តល់នូវអោយស្មាតហ្វូននេះ មានភាពធន់ជាងជំនាន់មុន ហើយនិងមានកម្រ៉ាស់ស្តើងជាង លោហៈធាតុ Titanium ដែលធ្លាប់ប្រើប្រាស់នៅលើ iPhone នាពេលថ្មីៗនេះថែមទៀតផង។ ស្មាតហ្វូនអេក្រង់បត់បានរបស់ក្រុមហ៊ុន Apple ជំនាន់ថ្មីនេះ នឹងមានអេក្រង់ខាងក្នុងទំហំ 7.76 អ៊ីង ហើយនិងអេក្រង់ខាងក្រៅមានទំហំ 5.49 អ៊ីង។ ជាមួយគ្នានេះក៏មានការបង្ហើបថា ស្មាតហ្វូននេះ នឹងមានកាមេរ៉ាក្រោយ 2 គ្រាប់ ហើយអាចនឹងដាក់លក់នៅដើមឆ្នាំ 2027អ