ឡានអគ្គិសនី BYD Great Tang មានការបញ្ជាទិញមុនដល់ទៅ 100,000 គ្រឿងមុនការប្រកាសជាផ្លូវការណ៌

បន្ទាប់ពីការបង្ហាញវត្តមាននៅក្នុងព្រឹត្តិការណ៌តាំងពិពណ៌រថយន្តប្រចាំឆ្នាំ 2026 Beijing Auto Show មុនទាន់បានប៉ុន្មានថ្ងៃផង នៅថ្ងៃនេះ ក្រុមហ៊ុន BYD បានចេញមកបញ្ជាក់ថា BYD Great Tang ដែលជាឡានអគ្គិសនី SUV ខ្នាតធំស៊េរីថ្មីរបស់ខ្លួន មានការបញ្ជាទិញមុនដល់ទៅ 100,000 គ្រឿងហើយ។ ឡានអគ្គិសនីថ្មីនេះ ត្រូវបានក្រុមហ៊ុនដាក់លក់មុនជាមួយតម្លៃ 250,000 យ៉ន់ ដែលស្មើរនឹង 36,700 ដុល្លារ និងមានម៉ូដែល Spec ខ្ពស់ជាងគេម្លៃ 320,000 យ៉ន់ ដែលប្រហែល 47,000 ដុល្លារ។

ទិន្នន័យខាងលើនេះ ត្រូវបានបញ្ជាក់កាលពីថ្ងៃទី 7 ខែឧសភា នេះ ដោយលោក Lu Tian អគ្គនាយកផ្នែកលក់ទៅលើម៉ូដែល Dynasty Network របស់ក្រុមហ៊ុន BYD។ លោកបញ្ជាក់ថា ឡានអគ្គិសនី BYD Great Tang មានការបញ្ជាទិញមុនដល់ទៅ 100,000 គ្រឿងហើយ។ សូមជំរាបថា ឡានអគ្គិសនី BYD Great Tang ថ្មីនេះ មានការចាប់អារម្មណ៌ខ្លាំងមែនទែន ដោយត្រឹមតែ 24 ម៉ោងប៉ុណ្ណោះ មានកាបញ្ជាទិញមុនដល់ទៅ 30,000 គ្រឿង ហើយបន្តឡើងដល់ 60,000 គ្រឿងត្រឹមពេល 48 ម៉ោង។ តាមការបញ្ជាក់ពីក្រមហ៊ុនបានអោយដឹងថា Great Tang EV នេះ នឹងមានការប្រកាសសចេញនៅពាក់កណ្តាលឆ្នាំ 2026 នេះហើយ។

BYD Great Tang SUV ឬគេស្គាល់ថា BYD Datang នៅក្នុងប្រទេសចិន ត្រូវបានបង្ហាញរូបរាងផ្លូវការណ៍កាលពីថ្ងៃទី 05 ខែមីនា កន្លងទៅ ដែលស្ថិតក្នុងអម្បូរឡាន Flagship SUV របស់ BYD។ ឡាន SUV ស៊េរីថ្មីនេះ នឹងចូលក្នុងសង្វាក់ផលិតកម្មទ្រង់ទ្រាយធំដោយប្រើនូវគំរូស៊េរី Dynasty-D Concept ដែល BYD បានបង្ហាញនៅក្នុងព្រឹត្តិការ 2025 Shanghai Auto Show។ BYD Great Tang SUV ក៏ត្រូវបានក្រុមហ៊ុនធ្វើការចុះបញ្ចីសម្រាប់ការលក់ជាមួយស្ថាប័នពាក់ព័ន្ធក្នុងប្រទេសចិនរួចហើយ ដោយមានជម្រើសប្រើអគ្គិសនីសុទ្ធ (BEV) និង Plug-in-hybrid (PHEV)។

បើតាមប្រភពពី CarNewsChina បានធ្វើការព្យាករណ៍ថ Great Tang អាចនឹងមានតម្លៃចាប់ពីខ្ទង់ $43,570 ឡើងទៅ ដែលតម្លៃនេះ គឺប្រហាក់ប្រហែលគ្នានឹងតម្លៃរបស់ Denza N8L និង Denza N9 ដែលជាឡាន SUV ប្រណិតរបស់ BYD។ BYD Great Tang SUV ស៊េរីថ្មីនេះ គឺជាប្រភេទ Full-size SUV ដែលមាន 7-កៅអី។ ឡានអគ្គិសនី SUV ស៊េរីថ្មីនេះ មានតួរខ្លួនប្រវែង 5,302mm/ ទទឹង 1,999mm/ កំពស់ 1,800mm និងគម្លាតកង់មុខទៅកង់ក្រោយ 3,130mm។

ក្នុងកាប៊ីនរបស់ BYD Great Tang នឹងមានបំពាក់មកជាមួយអេក្រង់ចំនួន 3 នៅកណ្តាលតាប់ឡូ, មានកូនតុបត់សម្រាប់អ្នកអង្គុយកៅអីជួរទីពីរប្រើ, មានអេក្រង់ភ្ជាប់នៅពិដានដំបូល និងមានទូរទឹកកកថែមទៀតផង។ នៅលើម៉ូដែលប្រើអគ្គិសនីសុទ្ធ ឬ BEV នឹងគាំទ្រការដំឡើងជាមួយបច្ចេកវិទ្យាថ្ម Blade Battery ជំនាន់ទីពីរ ជាមួយការគាំទ្រនូវបច្ចេកវិទ្យាសាកភ្លើងល្បឿនលឿនបំផុត “Megawatt-charging”។

Great Tang BEV មានជម្រើសពីរម៉ូដែល គឺម៉ូដែលប្រើម៉ូទ័រមួយ ឬ rear-wheel-drive (RWD) ប្រើប្រាស់ម៉ូទ័រដែលមានកម្លាំង 300kW (402hp) និងមានកញ្ចប់ថ្មទំហំ 130.15kWh សាកភ្លើងពេញម្តងអាចបើកបានចម្ងាយ 950km (CLTC) ដែលស្ថិតនៅក្នុងបញ្ចីរថយន្តអគ្គិសនីប្រភេទ SUV ដែលមានរយះចម្ងាយបើកបរបានឆ្ងាយបំផុត។ ចំនែកម៉ូដែល BEV-4WD គឺដំណើរការដោយម៉ូទ័រអគ្គិសនីពីរ មានកម្លាំងសរុប 585kW(784hp) អាចជាន់ស្ទុះល្បឿនពី 0-100km/h ចាយពេលខ្ទង់ 3.9 វិនាទី ហើយការសាកភ្លើងពេញម្តងអាចបើកបានចម្ងាយ 850km។

ដោយឡែកសម្រាប់ម៉ូដែល PHEV ឬ Great Tang DM-i វិញ គឺគាំទ្រដំណើរការដោយប្រព័ន្ធបច្ចេកវិទ្យា DM-i Hybrid System ដែលគាំទ្រដំណើរការដោយម៉ាស៊ីនសាំង 1.5-litre turbocharged កម្លាំង 115kW(154hp) ជាមួយនឹងម៉ូទ័រអគ្គិសនីមួយមានកម្លាំង 200kW (268hp) និងមានកញ្ចប់ថ្មទំហំ 66.48kWh សាកភ្លើងពេញម្តងអាចបើកបានចម្ងាយផ្លូវ 342km (CLTC) ដោយប្រើអគ្គិសនីសុទ្ធ។ ជាមួយគ្នានេះ BYD ក៏នឹងផ្តល់ជូនជម្រើសម៉ូដែល Great Tang DM-p មួយផ្សេងទៀតផងដែរ ហើយម៉ូដែលនេះនឹងប្រើម៉ាស៊ីន 1.5-liter ICE ជាមួយប្រព័ន្ធម៉ូទ័រ e-Motor ចំនួនពីរ មានកម្លាំងសរុប 400kW (536hp)៕