ឡានអគ្គិសនីសុទ្ធស៊េរីថ្មីម៉ូដែល Porsche Cayenne EV នឹងបង្ហាញវត្តមាននៅក្នុងព្រឹត្តិការណ៍ Beijing Auto Show 2026 ដែលនឹងរៀបចំធ្វើឡើងក្នុងខែមេសាខាងមុខនេះ នៅក្នុងទីក្រុងប៉េកាំងប្រទេសចិន។ ឡានអគ្គិសនីប្រណិត Luxury EV SUV ដែលមានការឌីស្សាញបែប Coupe-Style របស់អាល្លឺម៉ងមួយនេះ គឺប្រើប្រាស់នូវប្រព័ន្ធគ្រោងឆ្អឹងថ្មី Premium Platform Electric (PPE) architecture។ Porches Cayenne Electric Turbo Electric ស៊េរីថ្មីនេះ ត្រូវបានគេដឹងថា បំពាក់នូវប្រព័ន្ធម៉ូទ័រអគ្គិសនីដែលមានកម្លាំងសរុបដល់ទៅ 1,156 សេះឯណោះ។

Cayenne Electric ស៊េរីថ្មីឆ្នាំ 2026 នឹងផ្តល់ជូននូវម៉ូដែលពីរជម្រើស គឺម៉ូដែលស្តង់ដារ និងម៉ូដែល High-performance Turbo Electric។ ដោយក្នុងនោះម៉ូដែលស្តង់ដារ ឬ Cayenne Electric ដំណើរការដោយម៉ូទ័រអគ្គិសនីសពីរអាចផលិតកម្លាំងសរុបបាន 408 សេះ និងអាចបង្កើនកម្លាំងដល់ 442 សេះ នៅពេលប្រើមុខងារ Launch Control ព្រមទាំងអាចជាន់សន្ទុះពីកុងទ័រ 0-100km/h ចាយពេលខ្ទង់ 4.8 វិនាទី ជាមួយល្បឿន Top Speed ជាន់ដល់ 230km/h។

ចំនែកម៉ូដែល Cayenne Turbo Electric វិញ ដំណើរការដោយម៉ូទ័រអគ្គិសនីពីរដូចគ្នា ប៉ុន្តែមានកម្លាំងខ្លាំងជាង គឺឡើងដល់ 857 សេះ និងអាចបង្កើនកម្លាំងដល់ 1,156 សេះ នៅពេលដំណើរការមុខងារ Launch Control។ ម៉ូដែល Turbo Electric នេះ អាចបង្កើនសន្ទុះល្បឿនពីកុងទ័រ 0-100km/h ប្រើពេលត្រឹម 2.5 វិនាទីប៉ុណ្ណោះ។

Porsche Cayenne Electric ស៊េរីថ្មីទាំងពីរម៉ូដែល គាំទ្រនូវមុខងារ Push-to-Pass ដែលអាចបង្កើនបន្ថែមដល់កម្លាំង 175 សេះ ក្នុងថេរវេលាត្រឹមតែ 10 វិនាទីប៉ុណ្ណោះ។ នៅលើម៉ូដែល Cayenne Electric Standard គាំទ្រប្រព័ន្ធភ្លើងកម្លាំង 800V electrical architecture ជាមួយកញ្ចប់ថ្មទំហំ 113kW។

ម៉ូដែលនេះប្រើប្រាស់ប្រព័ន្ធសាក់ស៊ីប្រភេទ Dual-chamber, ប្រព័ន្ធ Dual-valve air suspension system, Torque vectoring និង limited-slip differential នៅលើសាក់ស៊ីខាងក្រោយ ព្រមទាំងប្រព័ន្ធកង់ក្រោយរេតាមដៃចង្កូត ឬ Rear-wheel-steering ផងដែរ។ ចំនែកម៉ូដែល Cayenne Turbo Electric នឹងប្រើប្រាស់យ៉ាន់កង់ទំហំ 22-inch និងប្រព័ន្ធហ្វ្រាំងប្រភេទ  carbon ceramic brakes។ រីម៉ូដែលស្តង់ដារ នឹងប្រើប្រាស់យ៉ាន់កងទំហំតូចជាងជាមួយប្រព័ន្ធហ្រ្វាំង conventional braking systems។

ទៅលើការឌីស្សាញរូបរាងខាងក្រៅបានបង្ហាញឲ្យឃើញថា Porsche Cayenne Electric Series 2026 គឺមានលក្ខណៈបែបឡាន Coupe-style SUV ជាមួយផ្នែកខាងមុខរចនាជាមួយកាងបិទជិត រួមនឹងប្រព័ន្ធសំណាញ់ប៉ាណាប្រភេទ active grill shutter ភ្ជាប់ជាមួយ bumper ខាងក្រោម ដើម្បីសម្រួលដល់ប្រព័ន្ធលំហូរខ្យល់ ឬ aerodynamic។ Cayenne Electric ស៊េរីឆ្នាំ 2026 មានតួរខ្លួនប្រវែង  4,985mm/ ទទឹង 1,980mm/កម្ពស់ 1,674mm ជាមួយគម្លាតកង់មុខទៅកង់ក្រោយ 3,023mm។ ម៉ូដែលអគ្គិសនីស៊េរីថ្មីរបស់ Porsche នេះ មានតួរខ្លួនវែងជាង 130mm ធៀបនឹងម៉ូដែល Cayenne ប្រើម៉ាស៊ីនសាំង។

ចូលមកផ្នែកខាងក្នុងរបស់ Cayenne Electric Series 2026 ឃើញថាមានបំពាក់នូវអេក្រង់បង្ហាញព័ត៌មាន OLED ទំហំធំដល់ 14.25-inch រួមនឹងអេក្រង់កម្សាន្តនៅកណ្តាលជាប្រភេទអេក្រង់កោង Curved-touchscreen ទំហំ 12.25-inch ដែល Porsche ហៅថា “ Flow-Display”។ ចំនែកដៃចង្ហូតវិញ មានការឌីស្សាញស្តាយ 3 កាំ ឬ Three-spoke steering wheel ភ្ជាប់ជាមួយមុខងារកំណត់បើកបរ។ បន្ថែមពីនេះ Porsche ក៏មានផ្តល់ជូននូវជម្រើសដល់អតិថិជន អាចធ្វើការកម្មង់បានជាមួយនឹងម៉ូដែល Custom បំពាក់មុខងារ Head-up-Display ទំហំ 87-inch និងអេក្រង់ខាងមុខងារអ្នករួមដំណើរកៅអីខាងមុខ ឬ Co-pilot ទំហំ 14.9-inch ផងដែរ។

ផ្នែកចំហៀងរបស់ Porsche Cayenne Electric 2026 ប្រើប្រាស់ដៃទ្វារស្តង់ដារធម្មតាទូទៅ មាន side skirt និង character line។ នៅខាងក្រោយឃើញមានបំពាក់នូវកន្ទុយត្រី small roof spoiler, អក្សរ Illuminated PORSCHE នៅលើរបាខាងក្រោយ និង retractable aerodynamic elements.. ជាដើម៕