នេះគឺជាឡាន Mercedes S-Class ស៊េរីឆ្នាំ 2027 ដែលទើបតែបានបង្ហាញខ្លួនជាផ្លូវការ សម្រាប់ទីផ្សារបរទេស ដោយទទួលបានការអាប់ដេតកាន់តែប្រណីត ជាងមុនទៅទៀត។ Mercedes S-Class ឆ្នាំ 2027 ផ្តល់ជម្រើសម៉ាស៊ីនជាច្រើន រួមទាំងម៉ាស៊ីន V8 ផងដែរ៖

•ទី 1 ម៉ាស៊ីន Mild-Hybrid ចំណុះ 4.0L Twin-turbo V8 មានកម្លាំង 530 HP និង កម្លាំងរមួល 750 NM

•ទី 2 ម៉ាស៊ីនសាំង ចំណុះ 3.0L ទំហំ 6 ស៊ីឡាំង មានកម្លាំង 376 HP និង កម្លាំង 443 HP

•ទី 3 ម៉ាស៊ីនម៉ាស៊ូត ចំណុះ 3.0L ទំហំ 6 ស៊ីឡាំង មានកម្លាំង 309 HP និង កម្លាំង 362 HP

•ទី 4 ម៉ាស៊ីន Plug-in Hybrid ចំណុះ 3.0L ទំហំ 6 ស៊ីឡាំង ប្រើម៉ូទ័រអគ្គិសនី 1 និង កញ្ចប់អាគុយទំហំ 22 kWh មានកម្លាំងសរុប 429 HP និង កម្លាំងរមួល 680 NM ហើយអាចបើកបរដោយប្រើថាមពលអគ្គិសនីសុទ្ធ បានចម្ងាយ 118 KM

•និង ទី 5 ម៉ាស៊ីន Plug-in Hybrid ចំណុះ 3.0L ទំហំ 6 ស៊ីឡាំង ប្រើម៉ូទ័រអគ្គិសនី 1 មានកម្លាំងសរុប 577 HP និង កម្លាំងរមួល 750 NM ហើយអាចបើកបរដោយប្រើថាមពលអគ្គិសនីសុទ្ធ បានចម្ងាយ 103 KM

គួរឲ្យដឹងថា សម្រាប់ស៊េរីឆ្នាំ 2027 នេះ S-Class ទទួលបានការអាប់ដេតថ្មីច្រើនជាង 50% ជាពិសេសនោះគឺ បានបំពាក់ប៉ាណាមុខធំជាងមុន 20% ហើយអាចបញ្ចេញភ្លើងភ្លឺទៀតផង អមដោយសំណុំចង្កៀងមុខ និងស្តុបក្រោយថ្មី ផងដែរ។

មិនតែប៉ុណ្ណោះ វាក៏បានអាប់ដេតកាងមុខ, កាងចំហៀង, យ៉ាន់កង់ទំហំ 21 អ៊ីញថ្មី, ដៃចង្កូតរចនារាងអក្សរ D និង អាប់ដេតកាប៊ីនខាងក្នុងយ៉ាងចាស់ដៃ ដោយក្នុងនោះរួមមាន ការបំពាក់កុងទ័រឌីជីថល ទំហំ 12.3 អ៊ីញ, អេក្រង់កម្សាន្ត ទំហំ 14.4 អ៉ីញ, អេក្រង់សម្រាប់អ្នកដំណើរ ទំហំ 12.3 អ៉ីញ, កន្លែងសាកថ្មទូរសព្ទឥតខ្សែចំនួន 2 និង កន្លែងដាក់កែវទឹក មានភ្លើងបំភ្លឺ ទៀតផង។

រឹតតែពិសេសទៅទៀតនោះ S-Class 2027 បានបំពាក់ប្រព័ន្ធ MBUX Virtual Assistant ដែលមានជំនួយការ AI ពឹងផ្អែកពី ChatGPT4o និង Microsoft Bing Search ដើម្បីសម្រួលដល់អ្នកបើកបរ ផងដែរ អមដោយ Speaker ប្រភេទ 4D សរុបដល់ 39 គ្រាប់ និង អេក្រង់កម្សាន្តផ្នែកខាងក្រោយ ទំហំ 13.1 អ៉ីញ ទៀតផង៕