កាលពីសប្តាហ៍មុននេះស្មាតហ្វូន OnePlus 10 Pro ត្រូវបានគេមើលឃើញថា បានបង្ហាញវត្តមានជាផ្លូវការណ៍នៅក្នុងទីផ្សារប្រទេសចិន ដែលនេះគឺជាស្មាតហ្វូនជំនាន់ថ្មីមួយទៀត ដែលនឹងមកជំនួសកន្លែងរបស់ស្មាតហ្វូន OnePlus 9 Pro ដែលបានបង្ហាញខ្លួនកាលពីឆ្នាំមុន។ បើតាមការកត់សំគាល់របស់អ្នកតាមដានព័ត៌មានរបស់ស្មាតហ្វូននេះ គឺបានលើកឡើងថា OnePlus 10 Pro ទំនងជាអាចនឹងមានវត្តមាននៅឥណ្ឌា និងទ្វីបអឺរ៉ុបនៅចុងខែមីនាខាងមុខនេះហើយ។

យោងតាមសេចក្តីរាយការណ៍របស់ 91Mobiles  តាមរយៈអ្នកទម្លាយ Yogesh Brar បានអោយដឹងថា ស្មាតហ្វូន OnePlus 10 Pro គឺត្រូវបានក្រុមហ៊ុននេះ ដាក់អោយគេធ្វើតេស្ត៍ជាលក្ខណៈឯកជននៅប្រេទេសឥណ្ឌា និងនៅទីផ្សារតំបន់អឺរ៉ុបហើយ។ ក្រុមហ៊ុនផលិតស្មាតហ្វូនដ៏ធំរបស់ប្រទេសចិនមួយនេះ អាចនឹងប្រកាសចេញនូវស្មាតហ្វូននេះ នៅពាក់កណ្តាលខែ ឬក៏ចុងខែមីនាឆ្នាំ 2022។ អ្នកទម្លាយរូបនេះបានបន្តថា Nord CE 2 5G ក៏នឹងអាចបង្ហាញខ្លួននៅក្នុងខែកុម្ភៈផងដែរ ហើយនេះគឺជាស្មាតហ្វូនថ្នាក់កណ្តាល់ និងបានបង្ហាញខ្លួននៅលើទិន្នន័យជាមួយនឹងស្មាតហ្វូន 10 Pro នេះដែរ។

គួរបញ្ជាក់ថា OnePlus 10 Pro គឺជាស្មាតហ្វូនថ្មីមួយដែលមានអេក្រង់ទំហំ 6.7 inch LTPO AMOLED screen បង្ហាញចេញបាន QHD+(3216 x 1440 pixels) resolution ជាមួយនឹងល្បឿន refresh rate ដល់ទៅ 120Hz។  ស្មាតហ្វូននេះរត់នៅលើឈីប Qualcomm Snapdragon 8 Gen 1 SoC និងមានថ្មទំហំ 5,000mAh ទ្រទ្រង់ជាមួយកម្លាំងសាក 80W wired និង 50W wireless SuperVOOC fast charging technology។ ស្មាតហ្វូននេះមានកាមេរ៉ាក្រោយចំនួន 3 គ្រាប់ ដោយកាមេរ៉ាគោលមានទំហំ 48MP Sony IMX789 sensor គ្រាប់ទីពីរមានទំហំ 50MP Samsung ISOCELL JN1 sensor ហើយនិងគ្រាប់ទីបីមានទំហំ 8MP telephoto lens ខណៈដែលកាមរ៉ាមុខមានទំហំ 32MP selfie shooter។