BYD ចេញ Seal 06 GT 2026 ជាមួយនិងបច្ចេកវិទ្យា Ultra-Fast Charging សាក 5 នាទី បាន70% នៅថ្ងៃនេះ BYD បានប្រកាសចេញជាផ្លូវការណ៌នូវម៉ូដែលថ្មី 2026 Seal 06 DM-i wagon និង Seal 06 GT ដែលមានការបំពាក់នូវថាមពលអាគុយជំនាន់ថ្មី Blade Battery និងមានការគាំទ្រដោយបច្ចេកវិទ្យាសាក ultra-fast flash charging ដែលបច្ចេកវិទ្យាថ្មីសាកបានលឿនសម្រាប់ឡានអគ្គិសនីនាពេលបច្ចុប្បន្ន ហើយនិងកំពុងតែមានការពេញនិយមពីសំណាក់យុវវ័យក្មេងៗ។

ជាមួយនិងវត្តមានម៉ូដែលថ្មី Hybrid 2026 Seal 06 DM-i Wagon នេះ គឺមានតម្លៃចាប់ពី 111,900 យ៉ន់ ($16,230) ខណៈដែលម៉ូដែលអគ្គិសនីសុទ្ធ 2026 Seal 06 GT នឹងមានតម្លៃចាប់ពី 128,900 យ៉ន់។ សម្រាប់ឡានទំងពីរនេះ គឺមានការប្រើប្រាស់នូវថាមពលអាគុយជំនាន់ថ្មី Blade Battery និងមានការគាំទ្រដោយបច្ចេកវិទ្យាសាក ultra-fast flash charging ដូចគ្នា ដោយសាកត្រឹមតែ 5 ប៉ុណ្ណោះ គឺបានថ្មដល់ទៅ 70% និងសាកពី 10% ទៅ 97% មានរយៈពេល 9 នាទី ខណៈដែលសាកក្នុងសីតុណ្ហភាព 30 ដឺក្រេ គឺប្រើប្រាស់ពេលបន្ថែមត្រឹមតែ 3 នាទីទេ នេះបើតាម BYD។

ទៅលើការឌីស្សាញ 2026 Seal 06 GT គឺមានប្រវែង 4,630mm ខណៈដែលគម្លាតកង់មុខក្រោយ គឺមានប្រវែង 2,820mm។ ឡានថ្មីទាំងពីរនេះ គឺមានជម្រើសម៉ូទ័រកម្លាំង 240 kW និង 200 kW។ ទៅលើម៉ូដែលអគ្គិសនី hatchback សាកពេញម្តងអាចបើកបាន 520km និង 620km។ ក្រឡេកមកមើល Seal 06 DM-i wagon គឺមានការដាក់ដំណើរការនៅលើវច្ចេកវិទ្យា DM Technology ជំនាន់ទី 5 របស់ BYD ដែលអាចបើកបរជាមួយអគ្គិសនីសុទ្ធ បានចម្ងាយ 200km និង 300km។

តាមការបញ្ជាក់ពីក្រុមហ៊ុន BYD បានអោយដឹងថា ខ្លួននឹងមានគម្រោងនឹងបង្កើតកន្លែងសាកថាមពលថ្មីនេះចំនួន 20,000 ទីតាំងនៅត្រឹមដំណាច់ឆ្នាំនេះ ដោយមានការរួបញ្ចូលនូវទីតាំងពាណិជ្ជកម្មប្រមាណជា 18,000 ទីតាំងដែលមានការសហការគ្នាជាមួយនិងតំណាងចែកចាយនៅលើតាមតំបន់។