យោងតាមសេចក្តីរាយការណ៌នៅថ្ងៃនេះ បានបញ្ជាក់ថា ក្រុមហ៊ុន BYD បានលក់រថយន្តអគ្គីសនីរបស់ខ្លួននៅលើទីផ្សារសកលបានចំនួន 377,420 គ្រឿងនៅក្នុងខែមីនាកន្លងទៅនេះ។ ជាមួយគ្នានេះ សម្រាប់ការនាំចេញវិញ ក៏បានបំបែកកំណត់ត្រាថ្មី ជាមួយនិងកំណើន 206,084 គ្រឿងស្មើរនឹង 111% ប្រៀបធៀបទៅនឹងត្រីមាសទី 1 ឆ្នាំ 2024 កន្លងទៅនេះ។

យោងតាមការបញ្ជាក់នៅក្នុងរបាយការណ៌នៅក្នុងត្រីមាសទី 1 ឆ្នាំ 2025 នេះ បានបង្ហាញថា ក្រុមហ៊ុន BYD បានលក់រថយន្តប្រភេទ BEVs របស់ខ្លួនបាន 416,388 គ្រឿង កើនឡើង 39% ប្រៀបធៀបទៅនឹងត្រីមាសទី 1 ឆ្នាំ 2024 ដែលធ្វើបានត្រឹមតែ 300,114 គ្រឿងប៉ុណ្ណោះ។ ចំពោះការលក់ម៉ូដែល PHEV វិញ គឺបានចំនួន 569,710 គ្រឿងកើនឡើង 76% ប្រៀបធៀបទៅនឹងត្រីមាសទី 1 ឆ្នាំ 2024 ដែលធ្វើបាន 324,284 ប៉ុណ្ណោះ។

គួរបញ្ជាក់ថា កាលពីឆ្នាំ 2023 កន្លងទៅនេះ ក្រុមហ៊ុន BYD លក់រថយន្តអគ្គិសនីរបស់ខ្លួនបានចំនួន 3 លានគ្រឿង ហើយសម្រាប់ឆ្នាំ 2024 ក្រុមហ៊ុននេះលក់បាន 4.3 លានគ្រឿង។ នៅឆ្នាំ 2025 នេះ ក្រុមហ៊ុនផលិតរថយន្តអគ្គិសនីដ៏ធំរបស់ប្រទេសចិនមួយនេះ បានដាក់គោលដៅថា នឹងនាំចេញរយន្តអគ្គិសនីរបស់ខ្លួនបានចំនួន 5.5 គ្រឿង ហើយនិង 6.5 លានគ្រឿងនៅឆ្នាំ 2026។

សូមជំរាបថា កាលពីខែមីនាឆ្នាំ 2025 នេះ BYD បានលក់រថយន្តរបស់ខ្លួនចំនួន 377,420 គ្រឿង ហើយនិងមានការផលិតបាន 395,091គ្រឿង កើនឡើង 33% ធៀបនឹងរយៈពេលដូចគ្នាកាលពីឆ្នាំមុននេះ ដែលអាចធ្វើបានត្រឹមតែ 296,253 ប៉ុណ្ណោះ។ ជាមួយគ្នានេះសម្រាប់ការនាំចេញកាលពីខែមីនាវិញ គឺមានចំនួន 72,723 គ្រឿង កើនឡើង 90% ប្រៀបធៀបជាមួយនិងរយៈពេលដូចគ្នាកាលពីឆ្នាំមុន គឺមានការនាំចេញបាន 38,434 គ្រឿងប៉ុណ្ណោះ។