នៅថ្ងៃទី 03 វិច្ឆិកាខែក្រោយនេះ ក្រុមហ៊ុន Huawei នឹងប្រកាសចេញស្មាតហ្វូនជំនាន់ថ្មីដែលគេដឹងថា Huawei Mate 9 ហើយវាមិនមែនមានតែមួយម៉ូដែលដូចជំនាន់ Mate 8 នោះទេ តែវានឹងចំនួនពីរម៉ូដែល គឺ Mate 9 និង Mate 9 Pro។ ហើយស្មាតហ្វូនជំនាន់ថ្មីទាំងពីរនេះនឹងចេញលក់នៅជិតដំណាច់ឆ្នាំ 2016 នេះផ្ទាល់តែម្តង។ ម៉ូដែលទីមួយគឺ Mate 9 ដែលមានឈ្មោះសំគាល់ម៉ូដែល Manhattan។ ម៉ូដែលនេះត្រូវបានព័ត៌មានតំលាយមកថា នឹងមានគុណសម្បត្តិតាមបែបស្តង់ដារបស់ក្រកូល Mate ជំនាន់មុខដែរដោយវានឹងបំពាក់កញ្ចក់អេក្រង់ទំហំ 5.9” កម្រិតបង្ហាញរូបភាព Full-HD ដូចជំនាន់ Mate 8, ប្រើបន្ទះឈីបជំនាន់ថ្មី HiSilicon Kirin 960 មានអង្គគណនា Octa-core ជាមួយរ៉េមទំហំ 4GB, មានម៉េមូរីម៉ាស៊ីនទំហំ 64GB និង 128GB។ .
សម្រាប់កាមេរ៉ាវិញគឺនឹងប្រើកញ្ចក់ Lens និងបច្ចេកវិទ្យាថតរូបរបស់ Leica ដែលជាប្រភេទកាមេរ៉ាភ្លោះ រីឯទ្រនាប់ស្កែនក្រយ៉ៅម្រាមដៃគឺស្ថិតនៅផ្នែកខាងក្រោយដូចជំនាន់មុនដដែល។ ចំនែកមួយម៉ូដែលទៀតគឺជា Mate 9 Pro ដែលមានលេខកូដសំគាល់ Long Island។ ម៉ូដែល Pro នេះមិនមានអ្វីខុសគ្នាទៅនឹងម៉ូដែល Mate 9 ធម្មតានោះទេ ខុសត្រង់កញ្ចក់អេក្រង់របស់វាអាចទ្រទ្រង់ការបង្ហាញរូបភាពបានដល់កម្រិត Quad-HD ឬ 2560 x 1440px និងមានតែម៉ូដែលដែលមានម៉េមូរីម៉ាស៊ីនទំហំ 256GB តែប៉ុណ្ណោះ។ ចំពោះប្រិតបត្តិការវិញប្រភពបានឲ្យដឹងថា “Huawei Mate 9 នឹងដំណើរការជាមួយ Android Marshmallow v6.0.1 ខណះដែល Mate 9 Pro នឹងដំណើរការដោយ Android Nougat v7.0 ចេញពីប្រអប់តែម្តង”។
មួយវិញទៀត Huawei នឹងប្តូរមកប្រើរន្ធ USB 3.0 ឬ USB Type-C ជំនូស USB 2.0 ដែលប្រើនៅលើជំនាន់មុនៗរបស់ពួកវា។ ដូចនេះគេអាចប៉ាន់ប្រមាណបានថា Mate 9 Pro នឹងមានតម្លៃថ្លៃជាង Mate 9 ព្រោះវាមានកញ្ចក់អេក្រង់គុណភាពល្អជាង ដំណើរការជាមួយ Android ជំនាន់ចុងក្រោយ និងមានម៉េមូរីក្នុងម៉ាស៊ីនទំហំធំជាង។ ចុះមតិប្រិយមិត្តវិញយល់ឃើញយ៉ាងណាដែរសម្រាប់ស្មាតហ្វូនជំនាន់ថ្មីរបស់ Huawei ទាំងពីរម៉ូដែលដែលត្រៀមប្រកាសចេញលើកនេះ។ ហើយតើរវាង Huawei Mate 9 និង Mate 9 Pro មួយណាដែលជាជម្រើសរបស់ប្រិយមិត្តទៅ?
ប្រែសំរួលដោយ៖ ធារ៉ា
ប្រភពព័តមាន៖ http://www.phonearena.com
