និយាយពីតម្លៃនៃការលក់ជាមធ្យមរបស់ iPhone គឺមានតម្លៃ $652 នៅក្នុងឆ្នាំ 2017 ហើយការបន្តការលក់ស្មាតហ្វូន iPhone X រួមទាំងស្មាតហ្វូនស៊េរីថ្មី 3 ម៉ូដែលទៀតដែលប្រើប្រាស់នូវ Notch នឹងជម្រុញទៅលើតម្លៃនៃការលក់ជាមធ្យមដល់ទៅ $738 នៅក្នុងឆ្នាំនេះ។ នេះគឺជាសេណារីយ៉ូថ្មីរបស់ក្រុមហ៊ុន Apple ដែលធ្វើឱ្យអ្នកគាំទ្ររបស់ខ្លួនរក្សាទុកនូវស្មាតហ្វូនស៊េរីថ្មី របស់ពួកគេកាន់តែយូរជាងមុន ស្របពេលដែលកំណើនទីផ្សារនៅក្នុងពេលនេះ គឺកំពុងមានការធ្លាក់ចុះផងដែរ។ ក្រុមហ៊ុន Apple ទើបតែបញ្ចេញនូវស្មាតហ្វូនស៊េរីថ្មីរបស់ខ្លួនចំនួន 3 ម៉ូដែលគឺ iPhone Xr, Xs និង Xs Max សម្រាប់ឆ្នាំ 2018 នេះ។
នេះមិនមែនជាឆ្នាំដំបូងសម្រាប់ក្រុមហ៊ុន Apple ដែលបញ្ចេញនូវស្មាតហ្វូនចំនួន 3 នៅក្នុងពេលម្តងនោះ ប៉ុន្តែនេះគឺជាលើកដំបូងបំផុតដែលក្រុមហ៊ុនបញ្ចេញនូវស្មាតហ្វូនដែលមានស៊ីមពីរ ហើយនេះ គឺជាលើកដំបូងដែលខ្លួនបញ្ចេញនូវស្មាតហ្វូនដែលមានម៉េមូរីទំហំ 512GB ផងដែរ ហេតុដូចនេះ លោកអ្នកអាចដឹងថា តម្លៃរបស់ស្មាតហ្វូននេះ អាចខ្ពស់ជាងតម្លៃនៅក្នុងតារាងខាងក្រោមនេះ។
សូមជំរាបថា កាលពីឆ្នាំមុននេះ ស្មាតហ្វូន iPhone X មានការនាំចេញច្រើនជាងស្មាតហ្វូន 8 និង 8 Plus ទោះបីជាវាមានបញ្ហានៅក្នុងការផលិតជាមួយនឹងការប្រើប្រាស់នូវប្រព័ន្ធ TrueDepth camera kitសម្រាប់បច្ចេកវិទ្យា FaceID ។ នៅក្នុងឆ្នាំនេះ ការផលិតនូវបច្ចេកវិទ្យា TrueDepth ស្ថិតនៅក្នុងកម្រិតខ្ពស់ ប៉ុន្តែអេក្រង់ LCD screen របស់ស្មាតហ្វូន Xr ត្រូវគេរាយការណ៍ថាប្រហែលជាស្ថិតនៅក្នុងបញ្ហានៃការផលិតដូចគ្នាផងដែរ។ ក្រុមហ៊ុនបច្ចេកវិទ្យា Apple ត្រូវគេដឹងថាធ្វើការជាមួយនឹងក្រុមហ៊ុន JDI ក្នុងការប្រើប្រាស់នូវបច្ចេកវិទ្យា Full Active screen tech រួមទាំងក្រុមហ៊ុនបច្ចេកវិទ្យា LG Display ក្នុងការផលិតអេក្រង់ 6.1" panel។
ប្រភពនៃឧស្សាហកម្មជាច្រើនបញ្ជាក់ថា វាមានបញ្ហាពាក់ព័ន្ធទៅនឹងការផលិត Notch របស់ក្រុមហ៊ុន ទាំង 2 នេះដែលធ្វើឱ្យមានការពន្យារពេលសម្រាប់ការចេញលក់ស្មាតហ្វូនស៊េរីថ្មីទាំងពីរនេះ។ ក្រុមហ៊ុនបច្ចេកវិទ្យា LG ស្ថិតនៅក្នុងចំណាត់ថ្នាក់កំពូលក្នុងការបញ្ចេញនូវស្មាតហ្វូនអេក្រង់ LCD ជាមួយនឹង Notch នៅលើទីផ្សារ ប៉ុន្តែអ្វីដែលក្រុមហ៊ុន Apple ត្រូវការគឺផ្តោតទៅលើគុណភាពជាចម្បង។
ស្មាតហ្វូន XR គឺជាស្មាតហ្វូនដែលមានអេក្រង់ធំដំបូងបំផុតរបសក្រុមហ៊ុន Apple ដែលមានតួខ្លួនស្រស់ស្អាត និងមានតម្លៃសមរម្យថែមទៀត។ សម្រាប់ iPhone អេក្រង់ LCD នេះនឹងបង្ហាញខ្លួនក្រោយពីការដាក់លក់ស្មាតហ្វូនកម្រិតខ្ពស់អេក្រង់ OLED របស់ iPhone X ដែលជាការ Upgrade ដ៏ធំមួយសម្រាប់ស្មាតហ្វូនដែលមានតម្លៃថ្លៃនៅក្នុងឆ្នាំនេះ។ ក្រុមអ្នកវិភាគនិយាយថា សម្រាប់ឆ្នាំនេះ ក្រុមហ៊ុនApple អាចលក់ស្មាតហ្វូនអេក្រង់ LCD បាននៅក្នុងរយៈពេល 30 ទៅ 40 លានគ្រឿងប៉ុណ្ណោះ ស្របពេលដែលអេក្រង់ OLED គឺមានចំនួនដល់ទៅ 75 លានគ្រឿង៕
