LG Q Stylus+ គឺជាស្មាតហ្វូនថ្នាក់កណ្តាលជំនាន់ថ្មីចុងក្រោយបំផុតមកពីក្រុមហ៊ុន LG ដើម្បីធ្វើដំណើរទៅកាន់ប្រទេសឥណ្ឌា ដែលជាអ្នកស្នងតំណែង របស់ Stylus 3 ដែផបានបង្ហាញ្លខ្លួននៅក្នុងប្រទេសឥណ្ឌាកាលពីឆ្នាំមុន។ LG Q Stylus+ នឹងមានលក់នៅឥណ្ឌានាថ្ងៃនេះ ទៅតាមជម្រើសពីរពណ៌គឺ Aurora Black និង Moroccan Blue នៅក្នុងតម្លៃ ប្រហែល 307 ដុល្លារ។ ស្មាតហ្វូន ដែនេះ ត្រូវបានក្រុមហ៊ុនបញ្ចេញកាលពីដើមខែមិថុនា ឆ្នាំនេះ ដោយភ្ជាប់មកជាមួយភាពធន់ Military-Grade Durability ដែលត្រូវបាន បញ្ជាក់ ជាមួយនឹង MIL-STD 810G។ ស្មាតហ្វូននេះ ក៏ទទួលបានវិញ្ញាប័នប័ត្រ IP68 ផងដែរ។

LG Q Stylus+ មានអេក្រង់ Full HD+ FullVision ទំហំ 6.2 អ៊ីង ដែលមានទំហំអេក្រង់ 2160x1080 ភិចសែល ដង់ស៊ីតេភិចហ្សែល 389ppi និងកញ្ចក់កោង 2.5D។ នៅផ្នែកខាងក្នុងប្រើប្រាស់ប្រព័ន្ធដំណើរការ Octa-Core របស់ MediaTek 's MT6750S ដែលផ្តល់ អំណាចដល់ឧបករណ៍អេឡិចត្រូនិច ជាមួយ Mali T860 GPU។ LG Q Stylus+ មានរ៉េមទំហំ 4GB និងមានអង្គចងចាំក្នុងម៉ាស៊ីន ទំហំ 64GB នឹងអាចថែមកាត microSD មួយផងដែរ ដោយអនុញ្ញាតឱ្យអ្នកប្រើប្រាស់ អាចបង្កើនសមត្ថភាពផ្ទុករបស់ទូរស័ព្ទបាន ផងដែរ។ សម្រាប់ផ្នែកកាមេរ៉ា វាភ្ជាប់មកជាមួយកាមេរ៉ាក្រោយទំហំ 16 មេហ្គាភិចសែល ជាមួយ LED flash និងមុខងារចាប់យក Autofocus និងកាមេរ៉ាមុខទំហំ 8 មេហ្គាភិចសែល សម្រាប់ការថតរូប Selfie និងការសន្ទនាតាមវីដេអូខល។

ជម្រើសនៃការភ្ជាប់នៅលើឧបករណ៍រួមមាន 4G VoLTE, WiFi 802.11 b / g / n, Bluetooth 4.2 LE, ប្រព័ន្ធ NFC, GPS / GLONASS និង USB ប្រភេទ C-2.0 ។ ទូរស័ព្ទនេះ កំពុងដំណើរការដោយប្រព័ន្ធប្រតិបត្តិការ Android 8.1 Oreo  ដែលមាន អិនធើហ្វេសផ្ទាល់ខ្លួន មកជាមួយផងដែរ។ ក្រុមហ៊ុន LG បាននិយាយថា សូម្បីតែអេក្រង់ត្រូវបានបិទ LG Q Stylus + នឹងអាច ទទួលស្គាល់ និងកត់ត្រាកំណត់ត្រា ដែលសរសេរដោយដៃបានផងដែរ។  LG Stylus ក៏អាចត្រូវបានប្រើដើម្បីកំណត់រូបភាព និងវីដេអូ ដែលបានចាប់យក ដើម្បីបង្កើត GIF ដែលមានចលនា។ ទូរស័ព្ទនេះ ត្រូវបានបំពាក់ដោយថាមពលថ្ម 3,300mAh ដែលភ្ជាប់មក ជាមួយការគាំទ្រ សម្រាប់ការសាកថ្មយ៉ាងលឿន Fast Charging៕