ថ្មីៗនេះ នៅក្នុងព្រឹត្តិការណ៍ Photokina 2018 គឺមានរឿងរ៉ាវជាច្រើនដែលនិយាយពីកាមេរ៉ា ជាក់ស្តែងដូចជា ក្រុមហ៊ុន Canon បញ្ចេញនូវ EOS-R។ ក្រុមហ៊ុន Panasonic និង Sigma រួមជាមួយនឹង Leica បានចាប់ដៃគ្នាបង្ហាញចេញនូវ L-Mount Alliance។ ក្រុមហ៊ុន Panasonic ខ្លួនឯងក៏បានប្រកាសចេញនូវកាមេរ៉ា Lumix S1R និង S1 Full-Frame Mirrorless Camera។ ក្រុមហ៊ុន Nikon ក៏បញ្ចេញនូវ កាមេរ៉ា Z6 និង Z7 ដើម្បីជាការឆ្លើយតបទៅនឹងភាពជោគជ័យរបស់ ក្រុមហ៊ុន Sony ជាមួយនឹងកាមេរ៉ា A7 Mirrorless Full-Frame។ ដោយម៉ូដែលទាំងនេះ គឺស្ថិតនៅក្នុងការធ្វើការអស់រយៈពេលជាយូរមកហើយ។ ខាងក្រោមនេះ គឺជាបង្ហាញខ្លះៗ ពីសមត្ថភាព និងតម្លៃកាមេរ៉ារបស់ក្រុមហ៊ុនិមួយៗ៖
កាមេរ៉ា Z6 និង Z7 របស់ក្រុមហ៊ុន Nikon
ក្រុមហ៊ុន Nikon បានបង្ហាញនូវម៉ូដែល Z6 ដែលមានកាមេរ៉ាទំហំ 24.5MP និងមានតម្លៃ $2,000 ហើយនិងម៉ូដែល Z7 តម្លៃ $3,400 ដែលភ្ជាប់ជាមួយនឹងកាមេរ៉ាទំហំ 45.7MP មានកម្រិតភាពច្បាស់ខ្ពស់ជាងកាមេរ៉ាមុនៗ ។ ម៉ូដែលថ្មីនេះ ទើបតែបង្ហាញខ្លួននៅក្នុងខែកញ្ញានេះទេ។ ជាមួយគ្នានេះ ក្រុមហ៊ុន Nikon ក៏ប្រកាសចេញនូវ Z-Mount ជាមួយនឹងកែវឡេនចំនួន 3 គ្រាប់ហើយនិង F-Mount adapter ផងដែរ ដោយ Adapter នេះគឺមានតម្លៃ $200។ ដើម្បីធានាថា នឹងអាចធ្វើការយកឈ្នះការថតរបស់កាមេរ៉ា Sony បាន ក្រុមហ៊ុន Nikon បានប្រើប្រាសនូវ 10-Bit 4K External Video ហើយកាមេរ៉ានេះ ក៏មានរន្ធដោត XQD Card Slot មួយសម្រាប់ធ្វើការផ្ទុករូបភាព និងវីដេអូថែមទៀតផង ប៉ុន្តែអេក្រង់របស់ម៉ូដែលថ្មីទាំងពីនេះ គឺមិនអាចធ្វើការបង្វិលបាននោះទេ។
កាមេរ៉ា Canon EOS R
Canon EOS R បន្ទាប់ពីបង្ហាញខ្លួនថ្មីៗនេះ ក្រុមហ៊ុន Canon ក៏បានត្រៀមរួចរាល់សម្រាប់ការចេញលក់ជាផ្លូវការនៅតាមហាងលក់ជុំវិញពិភពលោកនៅខែក្រោយនេះហើយ។ នេះគឺជាកាមេរ៉ា Full-Frame ដែលមានជាមួយនឹងសេនស័រ 30.1MPសម្រាប់ធ្វើការថតរូបភាព និងវីដេអូស្រស់ស្អាតរបស់លោកអ្នក។ ជាមួយនឹងវត្តមានរបស់ EOS-R ក្រុមហ៊ុន Canon បានបង្ហាញនូវ All-New RF Mount និង Lenses ចំនួន 4 គ្រាប់សម្រាប់ធ្វើការប្រកួតប្រជែងជាមួយនឹងក្រុមហ៊ុន Nikon និងមានប្រើប្រាស់នូវប្រព័ន្ធ Dual-Pixel ដែលធ្វើឱ្យកាមេរ៉ានេះ ក្លាយជាកាមេរ៉ាមួយល្អបំផុតសម្រាប់ប្រភេទ កាមេរ៉ា Mirrorless ផងដែរ។ សម្រាប់កម្រិតភាពច្បាស់របស់កាមេរ៉ានេះ គឺខ្ពស់ជាង Sony A7 III ដែលមានកាមេរ៉ាទំហំ 24.5MP។ ហើយសម្រាប់អ្នកថតវីដេអូ គឺនឹងទទួលបាននូវការប្រើប្រាស់នូវ Dual-Pixel Autofocus សម្រាប់ប្រព័ន្ធ Video System AF ល្អបំផុត។ EOS R នេះមានរន្ធដោត Card Slot តែមួយប៉ុណ្ណោះ។
កាមេរ៉ា Lumix S1 និង S1R របស់ក្រុមហ៊ុន Panasonic
ក្រុមហ៊ុន Panasonic ទើបតែបង្ហាញនូវ S1 Series ដែលជាជំនាន់ថ្មី ដែលមានការចាប់អារម្មណ៍ខ្លាំងបំផុត។ កាមេរ៉ានេះ គឺមានទំហំ 24MP និងម៉ូដែល S1R មានទំហំ 47MP ដោយក្រុមហ៊ុនគ្រោនឹងចេញលក់ជាផ្លូវការនៅក្នុងនិទាឃរដូវនៅក្នុងឆ្នាំ 2019 ខាងមុខនេះ។ កាមេរ៉ាទាំងពីរនេះ ប្រើប្រាស់នូវ Stabilization, High-resolution EVFs, Triaxial tilt LCDs និងមានរន្ធដោត SD និង XQD Cards បាន។ កាមេរ៉ាទាំងពីរនេះ នឹងក្លាយជាកាមេរ៉ា Full-Frame ដំបូងបំផុត ដែលភ្ជាប់ជាមួយនឹងវីដេអូកម្រិត 4K@60pfs។ ក្រុមហ៊ុន Panasonic ក៏បានបង្ហាញនូវ Lenses ចំនួន 3 គ្រាប់សម្រាប់កាមេរ៉ា S1R និង S1 ផងដែរ។ បើធ្វើការធៀបជាមួយនឹងម៉ូដែលបច្ចុប្បន្នរបស់ក្រុមហ៊ុន Panasonic មុខងារ Autofocus ប្រហែលជាចំណុចខ្សោយសម្រាប់កាមេរ៉ានេះ ប៉ុន្តែវាមានប្រើប្រាស់នូវប្រព័ន្ធ Contrast-Detect System សម្រាប់ជាជំនួយ។
កាមេរ៉ា Fujifilm X-T3
ក្រុមហ៊ុន Fujifilm ទើបតែបានបង្ហាញនូវកាមេរ៉ា X-T3 mirrorless ដែលមានភ្ជាប់ជាមួយនូវកាមេរ៉ាទំហំ 26.1MP ប្រភេទ APS-C camera ដែលបង្ហាញខ្លួនកាលពីដើមខែកញ្ញានោះ។ នេះគឺជាកាមេរ៉ាម៉ូដែលល្អបំផុតរបស់ក្រុមហ៊ុនបើធៀបជាមួយនឹងម៉ូដែល X-T2។ កាមេរ៉ានេះអាចធ្វើការថតនៅក្នុងកម្រិត 11fps ជាមួយនឹង Silent Mode និងកម្រិតភាពច្បាស់ OLED EVF ខ្ពស់ជាងមុន និងការពង្រឹងកាន់តែប្រសើរទៅលើមុខងារ Autofocus system ។ វាក៏មានរន្ធ SD Cards Slot ពីរផងដែរ។ កាមេរ៉ានេះ មានការពង្រឹងបន្ថែមទៅលើសមត្ថភាពនៃការថតវីដេអូជាមួយនឹងកម្រិត 4K នៅក្នុង 60fps និង 4:2:0 10-Bit ខាងក្នុង និង 4:2:2 10-Bit ខាងក្រៅជាមួយនឹង HDMI។ នេះគឺជាម៉ូដែលដំបូងបំផុតរបស់ក្រុមហ៊ុន Fujifilm ដែលប្រើប្រាស់នូវ Microphone និង Headphone Jacks នោះ។ X-T3 mirrorless មានអេក្រង់ដែលអាចបង្វិលបាន ហើយតម្លៃរបស់វាគឺ $1,500 ។
សរុបមក គឺពិតជារឿងល្អមែនទែនសម្រាប់អតិថិជនដោយសារតែវាមានកាមេរ៉ាជាច្រើន ប៉ុន្តែទីផ្សារកាមេរ៉ានេះ គឺនៅមានលក្ខណៈតូចនៅឡើយ។
