no-alternative title
no-alternative title
no-alternative title
no-alternative title
no-alternative title
no-alternative title
no-alternative title

បែកធ្លាយលក្ខណះពិសេសរបស់ស្មាតហ្វូន Moto G7 មានអេក្រង់ទំហំ 6.4 អ៊ីង Full HD+ និងប្រព័ន្ធ Android 9.0 Pie

បន្ទាប់ពីបានឃើញរួចហើយ ពីការរចនារូបរាងរបស់ ទូរស័ព្ទស្មាតហ្វូន Moto G7  ឥឡូវនេះ យើងបង្វែរទៅចាប់អារម្មណ៍ផ្ទៃខាងនៅក្នុងរបស់វាវិញម្តង។ ជាមួយនឹងការបែកធ្លាយបញ្ជី នៃលក្ខណៈពិសេសទូទៅ ដែលជាធម្មតា អ្នកបានឃើញនៅលើប្រអប់លក់រាយ ដែលបានមកពីប្រភពគ្មានឈ្មោះ បានបង្ហាញជាច្រើនពីទូរស័ព្ទនេះ។  បើយោងតាមរូបថតអេក្រង់ Moto G7 នឹងមានអេក្រង់ទំហំ 6.4 អ៊ីង Full HD+ Display ហើយបើតាមរូបបថត ដែលបានលេចធ្លាយ អេក្រង់នេះ នឹងទទួលយកការរចនា Notch Design។ ស្មាតហ្វូននេះ នឹងបំពាក់នូវបន្ទះឈីបប្រភេទ Octa-core RAM ទំហំ 4GB ពេលដែលអង្គចងចាំខាងក្នុង មានទំហំ 64GB។

ស្មាតហ្វូននេះ មានកាមេរ៉ាមុខទំហំ 12MP ដែលស្ថិតនៅលើ Notch ស្របពេលដែលនៅផ្នែកខាងក្រោយ មានទំហំ 16 មេហ្គាភិចសែលអមដោយ 5MP បន្ថែមទៀតផងដែរ។ ទូរស័ព្ទនេះត្រូវបានបំពាក់ដោយថាមពលថ្ម 3,500 mAh ហើយនឹងដំណើរការដោយ ប្រព័ន្ធប្រតិបត្តិការ Android 9.0 Pie ដែលបើកចេញពីប្រអប់តែម្តង។ ជាមួយគ្នានេះ ក៏មានការលើកឡើង អំពីបច្ចេកវិទ្យា ស្គែនក្រយ៉ៅដៃផងដែរ ប៉ុន្តែវាស្ទើរតែមិនមាននរណាម្នាក់ ភ្ញាក់ផ្អើលនោះទេ ដែលថា គ្រប់ស្មាតហ្វូនថ្នាក់កណ្តាល អាចមានបំពាក់នូវបច្ចេកវិទ្យានេះ មកដូចសព្វថ្ងៃនេះ។

ចាប់តាំងពីជំនាន់ Moto G6 ត្រូវបានដាក់បង្ហាញនៅដើមឆ្នាំនេះ ដូច្នេះ ខ្សែស្រឡាយ G7 ត្រូវបានគេព្យាករណ៍ថា នឹងមិនបង្ហាញវត្តមាន នៅមុនឆ្នាំ 2019 នោះទេ។ ការលេចធ្លាយខាងលើ មានលក្ខណៈត្រឹមត្រូវឬអត់ ដូច្នេះ យើងត្រូវការភស្តុតាងបន្ថែមទៀត ដើម្បីឲ្យមានភាពច្បាស់ឡើង មុននឹងចាប់ផ្តើម ការសន្និដ្ឋានណាមួយបន្ថែមទៀត៕

no-alternative title
ព័ត៌មានពាណិជ្ជកម្ម