ក្រុមហ៊ុន ASUS ទើបតែប្រកាសចេញនូវស្មាតហ្វូនស៊េរីថ្មីចំនួន 2 ម៉ូឌែលទៀតដែលជាស្មាតហ្វូនធន់កណ្តាលនេះ។ ស្មាតហ្វូនទាំងពីរនេះ ត្រូវបានបង្ហាញខ្លួននៅក្នុងប្រទេសប្រេស៊ីល កាលពីម្សិលមិញនេះ ហើយវាប្រើប្រាស់នូវបន្ទះឈីប Snapdragon SiP 1 ។ បន្ទះឈីបនេះ គឺជាការសហការនៃក្រុមហ៊ុនបច្ចេកវិទ្យា Qualcomm ( ក្រុមហ៊ុនបុត្រសម្ព័ន្ធរបស់ក្រុមហ៊ុន Qualcomm Inc.) Universal Scientific Industrial (Shanghai) Co., Ltd. (USI) រូមជាមួយនិងរដ្ឋាភិបាលរបស់ប្រទេសប្រេស៊ីល ។
រឿងដំបូងនោះ យើងនឹងនិយាយអំពីបន្ទះឈីប Snapdragon SiP 1។ បន្ទះឈីប Snapdragon SiP 1 នេះគឺជាពាក្យកាត់មកពី System in Package ដែលជាបន្ទះឈីបថ្មីសម្រាប់ការរួមបញ្ចូលគ្នានៃសមាសភាគសំខាន់ៗនៅក្នុង Package តែមួយនោះ។ ដូចនេះ អ្នកអាចមាន application processor, modem, RF front end, audio codec, RAM និង Storage នៅលើ Package តែមួយនេះ។ គុណសម្បត្តិនៃ Motherboard តូចជាងគេនេះ គឺប្រើប្រាស់នៅលើស្មាតហ្វូនដែលមានកម្រាស់កាន់តែស្តើង។ សម្រាប់ទំហំផ្សេងទៀត គឺសម្រាប់ប្រើប្រាស់បំពាក់នូវថាមពលថ្មធំ ឬសមាសភាគជាច្រើនផ្សេងទៀតដូចជាការបន្ថែមនូវកាមេរ៉ា ឬម៉េមូរីខាងក្រៅជាដើម។
មានការរាយការណ៍ថា RAM និង Storage របស់ស្មាតហ្វូននេះអាចធ្វើការផ្លាស់ប្តូរនៅក្នុង SiP នេះ។ Snapdragon SiP 1 ត្រូវបានគេនិយាយថា នឹងមានលក្ខណៈសម្បត្តិពិសេសដូចគ្នាទៅនឹងបន្ទះឈីប Snapdragon 450 ដែលប្រើប្រាស់នូវបន្ទះឈីប 14nm ជាមួយនឹងអង្គគណនា 8គ្រាប់នៅក្នុងល្បឿន 1.8GHz ជាមួយនឹងក្រាហ្វិកកាត Adreno 506 GPU។
ស្មាតហ្វូនស៊េរីថ្មី ASUS Zenfone Max Shot នេះ មានអេក្រង់ទំហំ 6.26-inch FHD+ display ជាមួយនឹង notch ស្ថិតនៅផ្នែកខាងលើនៃអេក្រង់នេះ។ វាមានពីរទំហំគឺ 3GBRAM+32GB និង 4GBRAM+64GB ។ នៅផ្នែកខាងក្រោយរបស់ស្មាតហ្វូននេះគឺមានកាមេរ៉ាទំហំ 12MP Sony IMX486 f/1.8 primary sensor, 8MP 120° ultra wide-angle camera, និង 5MP depth sensor ។ វាក៏មានភ្លើង LED flash ស្ថិតនៅក្រោមកាមេរ៉ា ៣ គ្រាប់នេះ។ វាក៏មានប្រព័ន្ធស្កេនក្រយ៉ៅដៃនៅខាងក្រោយរបស់ស្មាតហ្វូននេះផងដែរ។ កាមេរ៉ាខាងមុខរបស់ស្មាតហ្វូន Zenfone Max Shot នេះគឺមានទំហំ 8MP selfie ជាមួយនឹងភ្លើង LED Flash ។ កាមេរ៉ានេះប្រើប្រាស់នូវបច្ចេកវិទ្យា AI ភ្ជាប់ជាមួយនឹងមុខងារ scene recognition ថែមទៀត។
ស្មាតហ្វូននេះប្រើប្រាស់នូវប្រព័ន្ធប្រតិបត្តិការ Android 8.1 Oreo ប៉ុន្តែក្រុមហ៊ុន ASUS និយាយថា ប្រព័ន្ធប្រតិបត្តិការAndroid Pie នឹងអាចដំណើរការបាននាពេលខាងមុខនេះ។ ស្មាតហ្វូន Max Shot នេះនឹងមានថាមពលថ្មទំហំ 4,000mAh ហើយវាអាចបញ្ចូលថាមពលថ្មតាមរយៈ MicroUSB port (10W) ថែមទៀត។ ស្មាតហ្វូននេះមាន ៤ ពណ៌សម្រាប់ធ្វើការជ្រើសរើសគឺពណ៌ក្រហម ពណ៌ខៀវ ពណ៌ទឹកប្រាក់ និងពណ៌ខ្មៅ។ ស្មាតហ្វូន Zenfone Max Shot មានតម្លៃ BRL 1,349 (~$352) សម្រាប់ទំហំ 3GB RAM និងតម្លៃ BRL 1,699 (~$445) សម្រាប់ទំហំ 4GB RAM ។
ស្មាតហ្វូន ASUS Zenfone Max Plus M2 នេះមានលក្ខណៈសម្បត្តិស្រដៀងគ្នាច្រើនទៅនឹងស្មាតហ្វូន Max Shot ។ ស្មាតហ្វូននេះមានរ៉េមទំហំ 3GB និងម៉េមូរីក្នុងម៉ាស៊ីនទំហំ 32GB ។ ស្មាតហ្វូននេះមានកាមេរ៉ាភ្លោះទំហំ 12MP Sony IMX 486 primary sensor និង 5MP depth sensor ។ ស្មាតហ្វូននេះប្រើប្រាស់នូវប្រព័ន្ធស្កេនក្រយ៉ៅដៃនៅខាងក្រោយ ហើយវាមានកាមេរ៉ាខាងមុខ និងថាមពលថ្មដូចគ្នាទៅនឹងស្មាតហ្វូន Zenfone Max Shot ដែរ។ ស្មាតហ្វូន Zenfone Max Plus M2 នេះមានពណ៌ក្រហម ពណ៌ខ្មៅ ពណ៌ខៀវ និងពណ៌ទឹកប្រាក់ ហើយវាដាក់លក់នៅក្នុងតម្លៃ BRL 1299 (~$339) ។ ស្មាតហ្វូនទាំងពីរនេះអាចរកទិញបាននៅលើគេហទំព័រផ្លូវការរបស់ក្រុមហ៊ុន ASUS នៅក្នុងប្រទេសប្រេស៊ីល៕