ក្រុមហ៊ុនបច្ចេកវិទ្យា Asus ទើបតែប្រកាសបង្ហាញនូវស្មាតហ្វូន Android ស៊េរីថ្មីថ្នាក់កណ្តាលរបស់ខ្លួនគឺម៉ូដែល ZenFone Max Pro M1 ដែលជាស្មាតហ្វូនយើងធ្លាប់បានលឺពីវាជាច្រើនមកហើយ។ បើទោះបីជាស្មាតហ្វូន ZenFone series ថ្មីនេះនឹងប្រកាសបង្ហញខ្លួននៅក្នុងប្រទេសឥណ្ឌាក្នុងពេលឆាប់ៗនេះក៏ដោយ ក្រុមហ៊ុន Asus ក៏មានគម្រោងក្នុងការដំណើរការស្មាតហ្វូនស៊េរីថ្មីនេះនៅក្នុងប្រទេសជាច្រើនទៀតផងដែរ។សម្រាប់ពេលបច្ចុប្បន្ននេះ យើងដឹងថាស្មាតហ្វូនស៊េរីថ្មី Asus ZenFone Max Pro M1 នឹងដាក់លក់នៅក្នុងប្រទេសឥណ្ឌានៅថ្ងៃទី 3 ខែឧសភានៅក្នុងតម្លៃ $160 (3GB/32GB model) និងតម្លៃ $200 (4GB/64GB model) ។ ទោះជាយ៉ាងណាក៏ដោយ អតិថិជនជាច្រើននៅក្នុងប្រទេសឥណ្ឌូនេស៊ីនឹងក្លាយជាស្មាតហ្វូនដំបូងបំផុតដែលដាក់លក់ស្មាតហ្វូននេះនៅថ្ងៃទី 25 ខែមេសាខាងមុខនេះ។តាមការបញ្ជាក់របស់ Asus សម្រាប់ស្មាតហ្វូន ZenFone Max Pro M1 នឹងភ្ជាប់ជាមួយនឹងរ៉េមទំហំ 6GB ហើយវាក៏មានកាមេរ៉ាខាងមុខ និងខាងក្រោយទំហំ 16MP ផងដែរ ប៉ុន្តែព័ត៌មានលម្អិតអំពីតម្លៃរបស់ស្មាតហ្វូននេះនៅមិនទាន់ដឹងនៅឡើយទេ។ដូចអ្វីដែលបានរំពឹងទុកនោះ ស្មាតហ្វូន ZenFone Max Pro M1 នឹងទទួលបានបទពិសោធន៍នៃការប្រប្រាស់ទៅលើ Android ពិតៗ ប៉ុន្តែវាមិនមានការបញ្ជាក់អំពីគម្រោង Android One នោះទេ។ ស្មាតហ្វូននេះនឹងប្រើប្រាស់នូវប្រព័ន្ធប្រតិបត្តិការ Android 8.1 Oreo ហើយក្រុមហ៊ុន Asus សន្យាថានឹងធ្វើការ Update ទៅលើស្មាតហ្វូន ZenFone Max Pro M1 ទៅកាន់ Android Q នៅពេលដែល Version ថ្មីដាក់ដំណើរការនោះ។

ស្មាតហ្វូនថ្នាក់កណ្តាលរបស់ក្រុមហ៊ុន Asus នេះនឹងមានរូបរាងស្រស់ស្អាតដោយសារតែអេក្រង់ទំហំ 6 អ៊ីញរបស់វាភ្ជាប់ជាមួយនឹង HD+ (1080 x 2160 pixels) បន្ទះឈីប Qualcomm Snapdragon 636 processor និងថាមពលថ្មធំ 5,000 mAh ។ នៅផ្នែកខាងក្រោយរបស់ស្មាតហ្វូននេះប្រើប្រាស់នូវប្រព័ន្ធកាមេរ៉ាភ្លោះទំហំ (13MP+5MP) និងប្រព័ន្ធស្កេនក្រយ៉ៅដៃផងដែរ ខណៈពេលដែលកាមេរ៉ាខាងមុខនេះមានទំហំ 8MP នោះ។ស្មាតហ្វូន ZenFone Max Pro M1 នឹងប្រើប្រាស់នូវប្រព័ន្ធស៊ីមពីរ និងមានការរចនារូបរាងកាន់តែប្រណិតបំផុត។ ស្មាតហ្វូននេះមានរន្ធមួយទៀតសម្រាប់ដាក់បន្ថែមនូវ microSD ដែលអនុញ្ញាតឱ្យបន្ថែមទិន្នន័យបានដល់ទៅ 2TB ថែមទឿត។ ស្មាតហ្វូន ZenFone Max Pro M1 នឹងមានពីរពណ៌សម្រាប់ជ្រើសរើសគឺពណ៌ខ្មៅ (Deepsea Black)និងពណ៌ទឹកប្រាក់(Meteor Silver)៕