ស្មាតហ្វូន flagship ដំបូងបំផុតរបស់ក្រុមហ៊ុន Realme នេះត្រូវគេរំពឹងថា គឺជាស្មាតហ្វូន Realme X2 Pro ហើយនេះ គឺជាស្មាតហ្វូនដែលមនុស្សជាច្រើនមានការរំពឹងទន្ទឹងរង់ចាំច្រើនបំផុត។ ស្មាតហ្វូននេះនឹងបង្ហាញខ្លួននៅក្នុងទីផ្សាររបស់អ៊ឺរ៉ុប នៅក្នុងទីក្រុងម៉ាឌ្រីដនៅថ្ងៃទី 15 ខែតុលាខាងមុខនេះ។ រូបភាពផ្សព្វផ្សាយពាណិជ្ជកម្មមួយដែលធ្វើការបង្ហោះថ្មីៗនេះ គឺមានការចែករំលែកដោយ Mukul Sharma នៅលើ Twitter របស់គាត់។
រូបភាពផ្សព្វផ្សាយពាណិជ្ជកម្មដែលបែកធ្លាយនេះ គឺមានការបញ្ជាក់ថា ស្មាតហ្វូននេះនឹងមានភ្ជាប់ជាមួយនឹងកាមេរ៉ាខាងក្រោយ 4 គ្រាប់។ សម្រាប់កាមេរ៉ាសេនស័រ 4 គ្រាប់នេះគឺមានរូបរាងបញ្ឈរនៅផ្នែកខាងលើខាងឆ្វេងនៃផ្នែកខាងក្រោយរបស់ស្មាតហ្វូននេះតែម្តង។
ស្មាតហ្វូនស៊េរីថ្មី Realme X2 Pro នេះត្រូវគេរំពឹងថានឹងមានអេក្រង់ទំហំ 6.55-inch full HD display ជាមួយនឹងការទ្រទ្រង់ទៅលើបច្ចេកវិទ្យា Bluetooth 5.0 និង dual-band Wi-Fi connectivity ថែមទៀត។ ស្មាតហ្វូននេះដំណើរការនូវ ColorOS 6.0 ។ ស្មាតហ្វូននេះមានកាមេរ៉ាខាងក្រោយទំហំ 64MP និងកាមេរ៉ាខាងមុខ 32MP selfie ។ ស្មាតហ្វូននេះប្រើប្រាស់នូវបន្ទះឈីប Snapdragon 855 chipset ៕
