Huawei 5G នៅក្នុងប្រទេសចិន ត្រូវបានគេព្យាករណ៍ថា នឹងមានចំណែកទីផ្សារច្រើនជាង 50% នៅឆ្នាំ 2020

នៅក្នុងពេលថ្មីៗនេះ យោងតាមការបញ្ជាក់នៅក្នុងរបាយការណ៍ជាច្រើន ចេញពីប្រទេសចិន ក្រុមហ៊ុនយក្សរបស់ចិន Huawei នឹងក្លាយជាកម្លាំងចលករទៅលើបច្ចេកវិទ្យា 5G ដ៏ខ្លាំងក្លាបំផុតនៅក្នុងប្រទេសចិន។ ក្រុមហ៊ុននេះ នឹងធ្វើការបង្កើតនូវបណ្តាញ 5G Network ធំបំផុតរបស់ពិភពលោក ហើយក្រុមហ៊ុន  Huawei នឹងក្លាយជាមជ្ឈមណ្ឌលសម្រាប់ការអភិវឌ្ឍនេះ។ កន្លងក៎៏មានព័ត៌មានមួយចំនួន បានអះអាងថា ក្រុមហ៊ុនបច្ចេកវិទ្យាយក្សរបស់ចិននេះ នឹងធ្វើការគ្រប់គ្រងទៅលើចំណែកទីផ្សាររបស់ចិនច្រើនជាង 50% ផងដែរ។ 

តាមការបញ្ជាក់នៅក្នុងរបាយការណ៍ជាច្រើននេះ ក្រុមហ៊ុន Huawei កំពុងតែធ្វើការដាក់ពង្រាយទៅលើបច្ចេកវិទ្យា 5G នៅក្នុងទីផ្សាររបស់ចិន។ នេះមានដូចជាស្ថានីយ៍ 5G ឧបករណ៍ភ្ជាប់ទំនាក់ទំនង ស្មាតហ្វូន និង Servers ជាច្រើនថែមទៀត។ នៅក្នុងឆ្នាំ 2020 នេះ ក្រុមហ៊ុននេះ នឹងមានចំណែកទីផ្សារច្រើនជាង 50%នៅក្នុងប្រទេសចិន។ សម្រាប់ servers គឺជាផ្នែកមួយដ៏សំខាន់នៅក្នុងការផ្តោតរបស់ក្រុមហ៊ុន Huawei។បច្ចុប្បន្ននេះ ក្រុមហ៊ុន Huawei គឺមានចំណាត់ថ្នាក់លេខ 2 នៅក្នុងទីផ្សាររបស់ចិនជាមួយនឹងចំណែកទីផ្សារនៅចន្លោះពី 17% និង 19 % ។

កន្លងមក ដោយសារតែមានការដាក់សម្ពាធចេញពីសហរដ្ឋអាមេរិក ក្រុមហ៊ុន Huawei ទំនងជាមិនត្រូវបានប្រើប្រាស់ក្នុងការផ្គត់ផ្គង់នូវ 5G សម្រាប់ក្រុមហ៊ុនជាច្រើនរបស់សហរដ្ឋអាមេរិកនោះទេ។ នៅក្នុងដំណើរការនេះ ក្រុមហ៊ុន TSMC និងក្រុមហ៊ុនជាច្រើនទៀតជាអ្នកដែលទទួលបាននូវផលចំណេញនេះ។ បច្ចេកវិទ្យា semiconductor process technology កម្រិតខ្ពស់របស់ក្រុមហ៊ុន TSMC នឹងធ្វើការដំណើរការសម្រាប់ក្រុមហ៊ុន OEMs ជាច្រើនរបស់ Huawei ។ នេះមានដូចជាបន្ទះឈីប Kirin និង AI chips ផ្សេងទៀត។  តាមការបញ្ជាក់នៅក្នុងរបាយការណ៍មុននេះ ការកម្មង់ទិញរបស់ក្រុមហ៊ុន Huawei សម្រាប់បន្ទះឈីប 5G processors និង ASIC chips គឺធ្វើការផលិតដោយក្រុមហ៊ុន TSMC នេះតែម្តង។ ជាលទ្ធផល សមត្ថភាពនៃដំណើរការ 7nm របស់ក្រុមហ៊ុន TSMC សម្រាប់ត្រីមាសទី 4 ឆ្នាំ 2019 នេះគឺពេញតែម្តង៕