DxOMark គឺជាស្ថាប័នមួយដែលមានកេរ្តិ៍ឈ្មោះល្បីល្បាញនៅក្នុងការវាស់ទៅលើកម្រិតរូបភាព ប្រព័ន្ធសំឡេង Audio និងការវាស់ទៅលើកម្រិតភាពខ្លាំងនៃកាមេរ៉ាសម្រាប់ស្មាតហ្វូន ដែលមានការទទួលស្គាល់ជាលក្ខណៈអន្តរជាតិ។ បើទោះបីជាការវាស់នៃសមត្ថភាពនេះ គឺគេមិនបានប្រាប់យើងជាក់លាក់អំពីស្មាតហ្វូននេះថា មានភ្ជាប់ជាមួយនឹងកាមេរ៉ាដ៏ល្អបំផុតឬយ៉ាងណានោះ ស្ថាប័ននេះ ក៏ផ្តល់អោយយើងដឹងអំពីសមត្ថភាពនៃកាមេរ៉ារបស់ស្មាតហ្វូននេះផងដែរ។ ថ្មីៗនេះ DxOMARK បានបង្ហាញចេញនូវលទ្ធផលសម្រាប់ iPhone 11 Pro Max គឺទទួលបាននូវពិន្ទុសរុប 117 ដែលជាប់ចំណាត់ថ្នាក់លេខ 3 ដែលតាមពីក្រោយស្មាតហ្វូន Huawei Mate 30 Pro និង Xiaomi Mi Note 10។
.jpg)
DxOMark បានដាក់ពិន្ទុទៅលើកម្រិតរូបភាពចំនួន 124 ពិន្ទុ និងលើកម្រិតវីដេអូមានដល់ទៅ 102 ពិន្ទុ។ ជាមួយគ្នានេះ DxOMark ក៏បានធ្វើការវាស់ទៅកម្រិតវីដេអូ 1080 30fps ផងដែរ ប៉ុន្តែស្ថាប័ននេះ គឺមិនទាន់ឆ្លុះបញ្ចាំងអំពីសមត្ថភាពពិតប្រាកដនៃកាមេរ៉ារបស់ស្មាតហ្វូននេះបាននៅឡើយទេ ដោយ DxOMark បាននិយាយថា ស្មាតហ្វូន iPhone 11 Pro Max គឺធ្វើការថតវីដេអូនៅក្នុងកម្រិត 1080p@30fps។
យោងតាមរបាយការណ៍ដែលបានចេញផ្សាយថ្មីនេះ បានអោយដឹងថា ចាប់ពីថ្ងៃទី 1 ខែវិច្ឆិកា ឆ្នាំ 2019 នេះ ការតេស្ត៍ទៅលើកាមេរ៉ា DxOMark Camera និងការតេស្ត៍ទៅលើវីដេអូ Selfie នេះ នឹងប្រើប្រាសនូវ Video Quality Settings ដែលល្អបំផុតសម្រាប់ការតេស្ត៍លើក្រោយៗ ដែលនេះ មានន័យថា ស្ថាប័ននេះ និងអាចប្រើប្រាស់នូវ Setting កម្រិត Top តែម្តង។ តើអ្នកយល់យ៉ាងណាដែរសម្រាប់ការតេស្តទៅលើ Settings កម្រិតខ្ពស់នេះ ឬតាមរយៈ Default Mode?
