នៅដើមឆ្នាំនេះ Apple ត្រូវបង្ខំឱ្យប្រើបន្ទះឈីបម៉ូឌែល 5G ដែលបង្កើតឡើងថ្មីរបស់ក្រុមហ៊ុន Intel នៅលើម៉ូដែល iPhone 5G ដំបូងដែលគេរំពឹងថា នឹងត្រូវបង្ហាញខ្លួននៅឆ្នាំក្រោយនេះ។ ក្រុមហ៊ុន Apple ចង់ប្រើប្រាស់បន្ទះឈីប 5G Modem Chips ពីក្រុមហ៊ុន Qualcomm ប៉ុន្តែក្រុមហ៊ុនបច្ចេកវិទ្យាទាំងពីរនេះ គឺមានក្តីជាមួយគ្នានៅតុលាការផងដែរ។ អ្វីដែលគួរឱ្យហួសចិត្តនោះ ក្រុមហ៊ុនបច្ចេកវិទ្យាទាំងពីរនេះ ទើបតែឈានដល់ដំណាក់កាលជជែកដេញដោលចុងក្រោយនៃការជំនុំជម្រះក្តីដែលមានទឹកប្រាក់រាប់ពាន់លាននៅពេលដែលការទូទាត់ត្រូវបានប្រកាស។
ក្រុមហ៊ុន Apple បង់ប្រាក់ឱ្យក្រុមហ៊ុនផលិតបន្ទះឈីប ដែលមិនត្រូវបានគេរាយការណ៍ថាមានទឹកប្រាក់ចំនួន 4.5 ពាន់លានដុល្លារ និងទទួលបានអាជ្ញាប័ណ្ណ 6 ឆ្នាំ (តើអ្នកនៅចាំទេពីភាពមិនត្រឹមត្រូវរបស់ក្រុមហ៊ុន Qualcomm គោលការណ៍ 'គ្មានអាជ្ញាប័ណ្ណ គ្មានឈីប ") និងកិច្ចព្រមព្រៀងជាច្រើនឆ្នាំសម្រាប់បន្ទះឈីបនេះ។ ប៉ុន្តែ Apple មានអារម្មណ៍ខកចិត្តអស់រយៈពេលជាច្រើនឆ្នាំ ហើយប្រាកដជាមិនចង់មានអារម្មណ៍បែបនេះទៀតនោះទេ។ ដូច្នេះក្រុមហ៊ុននេះគ្រោងនឹងរចនាបន្ទះឈីប 5G modem ផ្ទាល់ខ្លួនហើយដើម្បីធ្វើឱ្យកិច្ចការនោះកាន់តែងាយស្រួលបន្តិចនោះ ក្រុមហ៊ុនត្រូវចំណាយប្រាក់ 1 កោដិដុល្លារដើម្បីទិញអាជីវកម្មបន្ទះឈីបម៉ូឌឹមរបស់ក្រុមហ៊ុន Intel ។
Apple ត្រូវគេនិយាយថាបានពិភាក្សាផ្ទៃក្នុងទៅលើបន្ទះឈីបម៉ូឌែល 5G ជំនាន់ដំបូងរបស់ខ្លួនដែលត្រៀមនឹងដាក់បញ្ចូលនៅក្នុងថេប្លេត iPad Pro ឆ្នាំ 2021 ។ នៅឆ្នាំក្រោយនេះ បន្ទះឈីប 5G modem ជំនាន់ទី 2 នឹងត្រូវដាក់អោយដំណើរការនូវនៅក្នុង 2022 iPhones (iPhone 14 និង iPhone 14 Pro)។ យោងតាមសារព័ត៌មានរ៉យទ័រ ក្រុមហ៊ុន Intel អះអាងថានៅពេលដែលខ្លួនលក់អាជីវកម្មបន្ទះឈីបស្មាតហ្វូនរបស់ខ្លួនទៅឱ្យក្រុមហ៊ុន Apple ខ្លួនខាតបង់រាប់ពាន់លានដុល្លារលើប្រតិបត្តិការនេះ។ ក្រុមហ៊ុន Intel និយាយថាខ្លួនត្រូវបង្ខំឱ្យចាកចេញពីអាជីវកម្មដោយសារតែអ្វីដែលខ្លួនពិពណ៌នាថាជាតម្រូវការអាជ្ញាប័ណ្ណខុសច្បាប់របស់ Qualcomm ។
កាលពីដើមឆ្នាំនេះ គណៈកម្មការពាណិជ្ជកម្មសហព័ន្ធ (FTC) និងក្រុមហ៊ុន Qualcomm ជួបប្រជុំគ្នានៅតុលាការសម្រាប់ការជំនុំជម្រះក្រៅប្រព័ន្ធរយៈពេល 10 ថ្ងៃក្រោមអធិបតីភាពរបស់ចៅក្រម Lucy Koh ។ FTC ដាក់សក្ខីកម្មដែលព្យាយាមបង្ហាញពីរបៀបដែលគោលនយោបាយលក់បន្ទះឈីបរបស់ Qualcomm ប្រឆាំងនឹងការប្រកួតប្រជែងនេះ។ លើសពីនេះទៀត FTC នាំយកការអនុវត្តជាក់ស្តែងរបស់ក្រុមហ៊ុនក្នុងការគិតថ្លៃប៉ាតង់ដោយផ្អែកលើតម្លៃនៃទូរស័ព្ទទាំងមូលជំនួសឱ្យតែសមាសធាតុជាច្រើនរបស់ក្រុមហ៊ុន Qualcomm ហើយគោលការណ៍របស់ក្រុមហ៊ុន Qualcomm មិនផ្តល់អាជ្ញាប័ណ្ណប៉ាតង់ដែលមានលក្ខណៈស្តង់ដារ (SEP) នោះទេ។ទាំងនេះគឺជាប៉ាតង់ជាច្រើនដែលគូប្រជែងត្រូវការអាជ្ញាប័ណ្ណដើម្បីធ្វើឱ្យប្រាកដថាផលិតផលរបស់ពួកគេស្របតាមស្តង់ដារបច្ចេកទេស។
ជាលទ្ធផលពួកគេត្រូវបានផ្តល់អាជា្ញប័ណ្ណដោយយុត្តិធម៌សមហេតុផល និងមិនរើសអើងទេ។ លោកចៅក្រម Koh ក្រោយមកនៅក្នុងឆ្នាំនេះសំរេចគាំទ្រ FTC ។ ទោះយ៉ាងណាក្រុមហ៊ុន Qualcomm ជួបជាមួយនឹងតុលាការឧទ្ធរណ៍ជាលើកទីប្រាំបួនរហូតទាល់តែរឿងក្តីនេះឈានដល់ការសំរេចចុងក្រោយនេះ។នេះពិតជាសមហេតុផលណាស់ព្រោះការសម្រេចចិត្តរបស់លោក Koh ពិតជាបង្ខំឲ្យក្រុមហ៊ុនផលិតបន្ទះឈីបនេះធ្វើការចរចាឡើងវិញនូវកិច្ចសន្យាបច្ចុប្បន្នជាមួយក្រុមហ៊ុនផលិតស្មាតហ្វូនជាច្រើនដែលមានវត្តមាននៅលើទីផ្សារ។ នោះគឺជាការងារជាច្រើនហើយប្រសិនបើក្រុមហ៊ុន Qualcomm ទទួលបានជោគជ័យលើបណ្តឹងឧទ្ធរណ៍នោះ វានឹងត្រូវប្រគល់កិច្ចសន្យាឱ្យលក្ខខណ្ឌមុនការជំនុំជម្រះ៕