ទីក្រុងកំពុងផែ Shenzhen នឹងគ្របដណ្តប់ដោយបច្ចេកវិទ្យា 5G ទាំងស្រុង នៅត្រឹមខែសីហាឆ្នាំក្រោយនេះ

រហូតមកដល់ពេលនេះ សម្រាប់បច្ចេកវិទ្យា 5G បាននឹងកំពុងតែគ្របដណ្តប់ទៅលើទីក្រុងជាច្រើននៅក្នុងប្រទេសចិនហើយ។ ប៉ុន្តែនៅមិនទាន់មានទីក្រុងណាមួយ ដែលអាចគ្របដណ្តប់ដោយបច្ចេកវិទ្យា 5G ទាំងស្រុងនោះទេ។ ទោះជាយ៉ាងណាក៏ដោយនោះ មានការបង្ហាញថា ទីក្រុងរបស់ចិនមួយនោះគឺ Shenzhen នឹងក្លាយជាទីក្រុងមួយមុនគេបំផុតដែលនឹងដំណើរការនូវបច្ចេកវិទ្យា 5G នេះ។ 

លោក Wang Wei ដែលជាគណៈកម្មាធិការបក្ស (Municipal Party Committee) របស់ទីក្រុង  Shenzhen បាននិយាយថា នៅត្រឹមខែសីហាឆ្នាំក្រោយនេះ ទីក្រុង  Shenzhen នឹងគ្របដណ្តប់ទៅដោយបច្ចេកវិទ្យា 5G ពេញលេញ។ យោងទៅតាមរបាយការណ៍ជាច្រើន ទីក្រុង Shenzhen នឹងគ្របដណ្តប់ទៅដោយបណ្តាញអ៊ីនធឺណិតពេញលេញនេះ។ នេះនឹងធ្វើអោយទីក្រុងនេះ ក្លាយជាទីក្រុងឯករាជ្យ 5G មួយរបស់ចិនដំបូងគេបំផុត។ នៅចុងឆ្នាំនេះទីក្រុងនេះនឹងមានស្ថានីយ៍ 5G ចំនួន  15,000 ។ នៅចុងខែសីហា ឆ្នាំ 2020 វានឹងមានស្ថានីយ៍សរុបចំនួន 45,000 ដែលនឹងចែកចាយនូវបណ្តាញ 5G ពាលពេញទីក្រុងនេះតែម្តង។

នៅចុងខែវិច្ឆិកានេះ ទីក្រុង Shenzhen មានស្ថានីយ៍ 5G ចំនួន 13,000។ កាលពីពេលនេះមុននេះ ទីក្រុង 13,000 ប្រកាសអំពីការនាំមុខទៅលើរចនាសម្ព័ន្ធនៃបច្ចេកវិទ្យា 5G និងការលើកកម្ពស់ទៅលើការអភិវឌ្ឍកម្រិតខ្ពស់ទៅលើឧស្សាហកម្ម 5G នេះ។ នៅក្នុងចំណោមពួកគេ ក្រុមហ៊ុនប្រតិបត្តិករជាច្រើនដែលធ្វើការសាងសង់ទៅលើស្ថានីយ៍ 5G នឹងទទួលបាននូវប្រាក់រង្វាន់ដល់ទៅ 10,000 យ៉ន់ ($1420) សម្រាប់ការតម្លើងមួយស្ថានីយ៍នៅក្នុងបណ្តាញឯករាជ្យនេះ។ នេះមានន័យថា ប្រតិបត្តិករមួយអាចនឹងទទួលបាននូវប្រាក់រង្វាន់ដល់ទៅ 150 លានយ៉ន់ (21.3 លានដុល្លារអាមេរិក)៕