ក្រោយពីបង្ហាញខ្លួននៅកម្ពុជា! Realme បានប្រកាសថា ខ្លួនចង់ក្លាយជាម៉ាកយីហោស្មាតហ្វូនឯករាជ្យ ដើម្បីប្រកួតប្រជែងកាន់តែខ្លាំង

កាលពីថ្ងៃទី 16 ខែវិច្ឆិកានេះ  ក្រុមហ៊ុន Realmi បានបង្ហាញវត្តមានជាផ្លូវការនៅកម្ពុជា តាមៈការនាំមកនូវស្មាតហ្វូនចំនួនពីរ Realme 5 និង Reame 5 Pro ដោយស្មាតហ្វូនទាំងពីម៉ូដែលនេះ ត្រូវបានគេមើលឃើញថា គឺមានតម្លៃធូថ្លៃ និងមានសមត្ថភាពមិនធ្មតានោះទេ រហូតដល់ដាក់ឈ្មោះថា ជាស្មាតហ្វូន កាមេរ៉ា 4 គ្រាប់ បិសាចល្បឿន ទៀតផង ។  ថ្មីៗនេះ យោងតាមការចេញផ្សាយព័ត៌មានប៉ុន្មានថ្ងៃកន្លងនេះ បានអោយដឹងថា ក្រុមហ៊ុន  Realme អាចនឹងក្លាយជាម៉ាកយីហោឯករាជ្យថ្មីពីក្រុមហ៊ុន OPPO ឆាប់ៗនេះហើយ នេះបើតាមការបញ្ជាក់ចេញពីក្រុមការងារនៅក្នុងក្រុមហ៊ុននេះ។ គួរបញ្ជាក់ថា ក្រុមហ៊ុន OPPO និង Realme គឺជាក្រុមហ៊ុនបុត្រសម្ព័ន្ធរបស់ក្រុមហ៊ុន BBK Electronics Corporation ដែលមានមូលដ្ឋាននៅក្នុងទីក្រុង Guangzhou ហើយក្រុមហ៊ុននេះ ក៏គ្រប់គ្រងទៅលើក្រុមហ៊ុន VIVO និង OnePlus ផងដែរ។ Realme ក៏មានផ្នែក R&D ផ្សេង និងផ្នែកទីផ្សារផ្សេងផងដែរ ប៉ុន្តែក្រុមហ៊ុននេះចែករំលែកនូវធនធានជាច្រើនជាមួយនឹងក្រុមហ៊ុនបច្ចេកវិទ្យា OPPO ។

នៅក្នុងសេចក្តីថ្លែងការណ៍ផ្លូវការរបស់លោក Chung Hsiang-Wei ដែលជាប្រធានភ្នាក់ងារពាណិជ្ជកម្មរបស់ក្រុមហ៊ុន Realme នៅតៃវ៉ាន់ បាននិយាយថា ម៉ាកយីហោនេះ ត្រូវបានគេរំពឹងថា នឹងអភិវឌ្ឍប្រព័ន្ធអេកូឡូស៊ីរបស់ខ្លួននាពេលអនាគតដោយមានខ្សែសង្វាក់ផលិតកម្មប្រសិនបើអាជីវកម្មនៅតែបន្តរីកចម្រើនក្នុងល្បឿនបច្ចុប្បន្ន។ ថ្មីៗនេះ Realme ជាប់ចំណាត់ថ្នាក់លេខ 7 ក្នុងការនាំចេញទូទាំងពិភពលោក និងត្រូវដាក់ឈ្មោះថា ជាម៉ាកស្មាតហ្វូនដែលមានការរីកចម្រើនលឿនបំផុត។ Realme មិនប្រកួតប្រជែងដោយផ្ទាល់ជាមួយក្រុមហ៊ុន OPPO ដែលមានបំណងផ្តោតទៅលើស្មាតហ្វូនថ្នាក់ប្រណិតជាមួយនឹងវត្តមានរបស់ស្មាតហ្វូន Reno series នោះទេ។ ម៉ាកយីហោ Realme គឺផ្តោតសំខាន់ទៅលើការរចនាម៉ូតស្មាតហ្វូនលំដាប់ថវិកាសម្រាប់មនុស្ដដែលផ្តោតទៅលើបច្ចេកវិទ្យា និងភាពទាន់សម័យ។

មកទល់នឹងពេលនេះ Realme ត្រូវបានគេមើលឃើញថា បានកំពុងពង្រីកផលប័ត្ររបស់ខ្លួនបន្តិចម្តងៗចូលទៅក្នុងទីផ្សារឆ្លាតវៃsmart wearables ហើយទើបតែនឹងចាប់ផ្តើមបង្ហាញនូវកាសស្តាប់ឥតខ្សែ (wireless earbuds) របស់ខ្លួនដែលគ្រោងនឹងបង្ហាញខ្លួននៅចុងខែធ្នូខាងមុខនេះ។ Realme ក៏កំពុងធ្វើការលើស្មាតហ្វូន 5G ដែលស្មាតហ្វូនដំបូងអាចនឹងបង្ហាញខ្លួននៅក្នុងរយៈពេលប៉ុន្មានសប្តាហ៍ខាងមុខនេះ។ លោក Chung បានចែករំលែករឿងរ៉ាវគួរឱ្យចាប់អារម្មណ៍អំពីម៉ាកទាំងពីរដោយប្រៀបធៀបមូលដ្ឋានអ្នកប្រើប្រាស់របស់ពួកគេ។ ខណៈដែលអ្នកប្រើ Realme ចំនន 60% គឺជាបុរស អ្នកប្រើ OPPO ភាគច្រើនជាស្រី។ 

សម្រាប់ព័ត៌មានផ្សេងទៀតនោះ ក្រុមហ៊ុន Realme ក៏ធ្វើការ unlock ទៅលើ Bootloader នៅលើស្មាតហ្វូនជាច្រើនរបស់ខ្លួននៅក្នុងប្រទេសចិន ដែលក្នុងនោះមាន  Realme X2, Realme X2 Pro, Realme X2 Pro Master Edition, Realme Q, Realme X និង Realme X Youth Edition ។ ពេលនេះ អ្នកប្រើប្រាស់ជាច្រើនអាចរីករាយជាមួយនឹងសេរីភាព និងការគ្រប់គ្រងស្មាតហ្វូននេះបានយ៉ាងទូលំទូលាយ។ អ្នកប្រើប្រាស់ Android ជាច្រើនតែងតែផ្តោតទៅលើការជ្រើសរើសនូវ  Custom UI ផ្ទាល់ខ្លួន ឬការស្វែងរកនូវស្បែកថ្មីដោយប្រើប្រាស់កម្មវិធីភាគីទី 3 ជាច្រើនផងដែរ។ ដោយសារតែស្មាតហ្វូនជាច្រើនរបស់ក្រុមហ៊ុន Realme ធ្វើការ unlock ហើយនោះ អ្នកប្រើប្រាស់ជាច្រើនមិនចាំបាច់ខ្វល់ទៅលើការធានាទៀតនោះទេ៕