vivo នឹងមានស្មាតហ្វូនថ្មីមួយទៀតដែលមានកាមេរ៉ាក្រោយដាច់ដោយឡែកពីគ្នាចំនួន 2 ប្លែកពីស្មាតហ្វូនដទៃ

vivo ដែលជាក្រុមហ៊ុនស្មាតហ្វូនដ៏ធំរបស់ប្រទេសចិន ទើបតែទទួលបាននូវប៉ាតង់ថ្មីមួយទៀត សម្រាប់ការឌីស្សាញទៅលើស្មាតហ្វូនថ្មីមួយដែលពិតជាប្លែកមែនទែនទៅលើការឌីស្សាញនេះ ជាពិសេសនៅពេលដែលនិយាយអំពីការឌីស្សាញទៅលើកាមេរ៉ារបស់ស្មាតហ្វូននេះដែលមានពីរ។ សម្រាប់ម៉ូឌុលកាមេរ៉ាទី 1 នៅផ្នែកខាងក្រោយរបស់ស្មាតហ្វូននេះ គឺមានកាមេរ៉ា 3 គ្រាប់។ សម្រាប់ម៉ូឌុលនៃកាមេរ៉ាទី 2 របស់វាគឺក្រោមកាមេរ៉ាទី 1 ដែលមានរូបរាងជាគ្រាប់ថ្នាំជាមួយនឹងសេនស័រកាមេរ៉ា 2 គ្រាប់។ ស្មាតហ្វូននេះ នឹងមានភ្ជាប់ជាមួយនឹងកាមេរ៉ា periscope lens ថែមទៀតផង។

សម្រាប់ផ្នែកខាងមុខរបស់ស្មាតហ្វូននេះ យើងអាចមើលឃើញនូវរន្ធប្រហោងកាមេរ៉ា 1 គ្រាប់នៅលើអេក្រង់ Punch-Hole នេះ។ ខណៈពេលដែលការឌីស្សាញត្រូវបានបែកធ្លាយនោះ វានៅមិនទាន់មានការបញ្ជាក់អំពីលក្ខណៈសម្បត្តិរបស់ស្មាតហ្វូននេះនៅក្នុងខណៈពេលនេះនោះទេ។ ចាប់តាំងពីការឌីស្សាញផ្នែកខាងក្រោយរបស់ស្មាតហ្វូននេះគឺមានលក្ខណៈស្រដៀងគ្នាទៅនឹងស្មាតហ្វូន Vivo NEX 3 ហើយកាមេរ៉ា  periscope lens នៅផ្នែកខាងក្រោយរបស់ស្មាតហ្វូននេះ គឺស្រដៀងគ្នាទៅនឹងស្មាតហ្វូន  vivo X30 Pro ដែលទើបតែបង្ហាញខ្លួននៅក្នុងពេលថ្មីៗនេះ។ មានសេចក្តីរាយការណ៍ថា នេះគឺជាស្មាតហ្វូន Flagship ដែលផ្តល់ដោយក្រុមហ៊ុន vivo។

ខណៈពេលដែលវានៅមិនទាន់ដឹងនៅឡើយអំពីអ្វីដែលស្មាតហ្វូននេះថា នឹងមានការឌីស្សាញរូបរាងបែបនេះ ក៏មានការទម្លាយថា ស្មាតហ្វូននេះ អាចនឹងជាស្មាតហ្វូន Vivo NEX 4 ។ វាគឺអាចទៅរួចថាវា គឺជាស្មាតហ្វូនដែលមានលក្ខណៈខុសគ្នា ឬស្មាតហ្វូនថ្មី។ យើងត្រូវធ្វើការរង់ចាំសិនសម្រាប់ព័ត៌មានបន្ថែមទៀតអំពីស្មាតហ្វូននេះនៅពេលដែលវាបង្ហាញខ្លួនមកនោះ៕