ថ្មីៗនេះ បណ្ឌិត្យសភាបច្ចេកវិទ្យាព័ត៌មាន និងគមនាគមន៍ចិនធ្វើការចេញផ្សាយ“ របាយការណ៍វិភាគស្តីពីប្រតិបត្តិការទីផ្សារទូរស័ព្ទចល័តក្នុងស្រុកក្នុងខែធ្នូឆ្នាំ 2019” ។ វាមានការបង្ហាញថា វាមានស្មាតហ្វូនចំនួន ៣៥ ម៉ូឌែលត្រូវដាក់បង្ហាញនៅក្នុងខែចុងក្រោយនៃឆ្នាំ 2019 ។ ក្នុងចំណោមនោះការដឹកជញ្ជូនស្មាតហ្វូន 5G មានចំនួន 5414 លានគ្រឿង និងទូរស័ព្ទចល័ត 5G ថ្មីចំនួន 11 ត្រូវបានចុះបញ្ជី។ ពេញមួយឆ្នាំ 2019 ការដឹកជញ្ជូនទីផ្សារស្មាតហ្វូនក្នុងស្រុកសរុបមានចំនួន 389 លានគ្រឿង។ ចំពោះការចេញលក់ទូរស័ព្ទ 5G ពួកគេលក់បានជាង 13.796 លានគ្រឿង។
ទីភ្នាក់ងារព្យាករណ៍ជាច្រើនប៉ាន់ប្រមាណថានៅឆ្នាំ 2020 ក្រុមហ៊ុន Huawei នឹងនាំមុខទីផ្សារ 5G សកលបន្ទាប់មកគឺ Apple និង Samsung ។ ស្មាតហ្វូន 5G ជាច្រើនដែលមានលក់នៅប្រទេសចិននាពេលបច្ចុប្បន្នមានដូចជា៖ ZTE Axon 10 Pro 5G, Huawei Mate 20X 5G, Huawei Mate 30 series, Huawei Mate X (folding), Honor V30 series, China Mobile Pioneer X1, VIVO iQOO Pro 5G, VIVO NEX 3 5G, Samsung Note 10+ 5G, Xiaomi Mi 9 Pro 5G, Huawei Nova 6, OPPO Reno3 Pro និងជាច្រើនទៀត។
កាលពីពេលមុននេះ IDC រាយការណ៍ថាការនាំចេញស្មាតហ្វូនរបស់ចិននឹងវិលត្រឡប់ទៅរកកំណើនវិជ្ជមានវិញនៅឆ្នាំ 2020 ជាមួយនឹងកំណើនប្រចាំឆ្នាំ 0.7% ។ នៅឆ្នាំ 2020 នឹងមានច្រើនជាង 20% នៃស្មាតហ្វូន 5G តម្លៃក្រោម 2000 យ័ន (២៩០ ដុល្លារ) ។ នៅឆ្នាំ 2021 ស្មាតហ្វូនពាណិជ្ជកម្ម 20 ភាគរយនឹងត្រូវភ្ជាប់ជាមួយនឹងប្រព័ន្ធ 5G ។ យោងទៅតាមការបញ្ជាក់របស់ ‘China Mobile 2020 Terminal Product Plan’ ទំហំនៃទីផ្សារស្មាតហ្វូន 5G ត្រូវគេរំពឹងថានឹងកើនលើស 150 លានគ្រឿងនៅឆ្នាំ 2020 ។ សម្រាប់តម្លៃរបស់ស្មាតហ្វូននេះគឺមានការធ្លាក់ចុះ 1,000-1500 យ័ន ($145 – $218) នៅក្នុងត្រីមាសទី ៤ ឆ្នាំ 2020 នេះ៕
