Sony ត្រូវបានគេរំពឹងថា នឹងនាំយកនូវស្មាតហ្វូន High-End Xperia របស់ខ្លួន ទៅបង្ហាញនៅក្នុងព្រឹត្តិការណ៍ MWC 2020 នៅខែកុម្ភៈ

នៅពេលដ៏ខ្លីនេះ ក្រុមហ៊ុន Sony នឹងឆ្ពោះទៅកាន់ទីក្រុងបាសេឡូណា ដើម្បីបង្ហាញនូវស្មាតហ្វូនថ្មីរបស់ខ្លួននៅក្នុងព្រឹត្តិ ការណ៍ MWC 2020 របស់ខ្លួននៅក្នុងថ្ងៃទី 24 ខែកុម្ភៈនេះ។ នៅក្នុងថ្ងៃទី 1 នៅក្នុងព្រឹត្តិការណ៍ Mobile World Congress នៅក្នុងឆ្នាំនេះ ហើយក្រុមហ៊ុនបច្ចេកវិទ្យានេះ ក៏នឹងរៀបចំនូវសន្និសិទមួយនៅពេលព្រឹកថ្ងៃច័ន្ទផងដែរ។ តាមការបែកធ្លាយ និងពាក្យចចាមអារ៉ាមនោះ យើងអាចធ្វើការព្យាករណ៍បានថា ក្រុមហ៊ុន Sony នឹងនាំយកនូវស្មាតហ្វូនប្រណិតថ្មីរបស់ខ្លួននៅក្នុងព្រឹត្តិការណ៍ Mobile World Congress 2020 នៅក្នុងទីក្រុងបាសេឡូណា ប្រទេសអេស្ប៉ាញ។ នេះគឺត្រូវបានគេរំពឹងថា នឹងមានការបង្ហាញស្មាតហ្វូនជំនាន់ថ្មីរបស់ Xperia 1 និង Xperia 5 ដែលបង្ហាញខ្លួននៅក្នុងខែកុម្ភៈ និងក្នុងខែកញ្ញា ឆ្នាំ 2019 នេះ ហើយវាប្រហែលជាស្មាតហ្វូន Xperia 5 Plus ហើយ។

នៅក្នុងការបែកធ្លាយកាលពីសប្តាហ៍មុននេះ ស្មាតហ្វូន Sony Xperia 5 Plus គឺមិនមាន notch នោះទេ ហើយវមានអេក្រង់ .6-inch display ជាមួយនឹងកម្រិត 21:9 aspect ratio ជាមួយនឹងគែម Bezel ស្តើងមែនទែន ហើយវាក៏មានការបន្ថែមនូវប្រព័ន្ធ stereo speakers នៅផ្នែកខាងមុខ។ វាប្រហែលជាយឺតពេលពេកសម្រាប់ស្មាតហ្វូន flagship ថ្នាក់ប្រណិតរបស់ក្រុមហ៊ុននេះ ដែលមានការបញ្ចេញវត្តមាននៅលើទីផ្សារយឺតសន្សឹមៗនៅក្នុងប៉ុន្មានឆ្នាំនេះ។ ប៉ុន្តែនេះប្រហែលជាមានការផ្លាស់ប្តូរយុទ្ធសាស្ត្រហើយសម្រាប់ក្រុមហ៊ុននេះនៅក្នុងឆ្នាំនេះ។ យើងត្រូវធ្វើការរង់ចាំ និងមើលថាតើស្មាតហ្វូន Sony នេះ នឹងបង្ហាញអ្វីនៅក្នុងព្រឹត្តិការណ៍ថ្ងៃទី 24  ខែកុម្ភៈនេះ។ 

ស្មាតហ្វូនថ្នាក់កណ្តាល Xperia 10 និង 10 Plus ក៏បង្ហាញខ្លួនជាមួយនឹងស្មាតហ្វូន high-end Xperia 1 នៅក្នុងទីក្រុងបាសេឡូណា នៅក្នុងព្រឹត្តិការណ៍ MWC 2019 ផងដែរ។ ស្មាតហ្វូន មួយត្រូវគេរំពឹងថា ជាស្មាតហ្វូន Xperia 20 ដែលមានការបែកធ្លាយជាលើកដំបូងបំផុតនៅក្នុងខែឧសភានេះ ហើយវាក៏មានការបែកធ្លាយនូវលក្ខណៈសម្បត្តិជាច្រើនទៀត ដែលមានការបែកធ្លាយនៅក្នុងខែកក្កដា ហើយតាំងពីពេលនោះមកព័ត៌មាននេះក៏ស្ងាត់ផងដែរ៕