no-alternative title
no-alternative title
no-alternative title
no-alternative title
no-alternative title
no-alternative title
no-alternative title

ជប៉ុន គ្រោងនឹងដាក់អោយដំណើរការនូវបច្ចេកវិទ្យា 6G អោយបាននៅត្រឹមឆ្នាំ 2030 ដែលមានល្បឿនលឿនជាង 5G ដល់ទៅ 10 ដង

នៅថ្ងៃនេះ យោងតាមរបាយការណ៍ថ្មីមួយរបស់សារព័ត៌មាន Nikkei បានអោយដឹងថា ប្រទេសជប៉ុន គឺបានចាប់ផ្តើមនូវគម្រោងរបស់ខ្លួនក្នុងការរៀបចំនូវផែនការយុទ្ធសាស្រ្តសម្រាប់បច្ចេកវិទ្យាក្រោយ 5G នោះ គឺបច្ចេកវិទ្យា 6G ដែលនឹងមានល្បឿនលឿនជាងបច្ចេកវិទ្យា 5G ដល់ទៅ 10 ដង អោយបាននៅត្រឹមឆ្នាំ 2030 ខាងមុខនេះ។ 

 

no-alternative title

នៅក្នុងរបាយការណ៍នេះ គឺអះអាងថា ប្រទេសចិន កូរ៉េខាងត្បូង និងហ្វាំងឡង់ ក៏ចាប់ផ្តើមធ្វើការស្រាវជ្រាវ និងអភិវឌ្ឍទៅលើបច្ចេកវិទ្យានេះផងដែរ ប៉ុន្តែប្រទេសជប៉ុន គឺមានការភ្ញាក់ផ្អើលបន្តិច ដោយសារតែមិនទាន់ធ្វើការដាក់អោយដំណើរការនូវបច្ចេកវិទ្យា 5G នៅឡើយទេ ប៉ុន្តែមានគម្រោងក្នុងការបោះជំហានឆ្ពោះទៅកាន់បច្ចេកវិទ្យា 6G ។

ក្រសួងកិច្ចការផ្ទៃក្នុងនិងគមនាគមន៍ជប៉ុន នឹងបង្កើតសង្គមស្រាវជ្រាវរដ្ឋាភិបាលស៊ីវិលនៅខែមករាក្រោមការដឹកនាំរបស់សាកលវិទ្យាល័យតូក្យូហ្គូស៊ីនជីន (Tokyo Goshinjin) និងស្ថិតក្រោមការត្រួតពិនិត្យផ្ទាល់របស់រដ្ឋមន្រ្តីកិច្ចការទូទៅលោក Takao Sanae។ អ្នកដែលពាក់ព័ន្ធមកពី NTT និង Toshiba ក៏នឹងត្រូវបានអញ្ជើញឱ្យពិភាក្សាអំពីគោលដៅនៃការអនុវត្ត 6G និងការគាំទ្រគោលនយោបាយនៅខែមិថុនាខាងមុខនេះផងដែរ។ ប្រទេសជប៉ុន បានអះអាងថា តាមរយៈការប្រើប្រាស់បច្ចេកវិទ្យាទំនាក់ទំនងល្បឿនលឿន“ បច្ចេកវិទ្យាក្រោយ 5G” (6G) អាចបង្ហាញពីសង្គមនាពេលអនាគតដែលរូបភាពស្តេរ៉េអូស្កូប (stereoscopic )នីមួយៗលេចចេញពីបន្ទប់សន្និសីទ ឬបន្ទប់រៀននៅឆ្ងាយ ហើយមនុស្សយន្តអាចមើលថែទាំមនុស្សបានថែមទៀត។

ប្រទេសមួយនេះ នឹងវិនិយោគទឹកប្រាក់ចំនួន 2.03 ពាន់លានដុល្លារអាមេរិកក្នុងការស្រាវជ្រាវ និងអភិវឌ្ឍន៍ទៅលើបច្ចេកវិទ្យា 6G។ វាត្រូវគេរំពឹងថានឹងផ្តល់នូវល្បឿន 10 ដងលឿនជាងអ្វីដែលពិភពលោកនឹងឃើញទាក់ទងនឹងបច្ចេកវិទ្យា 5G ដែលពេលស្តាប់ទៅគឺពិតជាគួរឱ្យអស់សំណើចណាស់។ រលកប្រេកង់ខ្ពស់ដែលមិនទាន់ប្រើប្រាស់នោះនឹងត្រូវបានប្រើប្រាស់នៅក្នុងបណ្តាញបច្ចេកវិទ្យា 6G នេះ។ 

សូមជំរាបថា ប្រទេសផ្សេងទៀត ក៏បានចាប់ផ្តើមធ្វើសកម្មភាពផងដែរ តួរយ៉ាងដូចជា រដ្ឋាភិបាលចិន ក៏បានប្រកាសកាលពីខែវិច្ឆិកាឆ្នាំ 2019 ថា ខ្លួននឹងបង្កើតស្ថាប័ន 6G R&D ចំនួន 2។ សាកលវិទ្យាល័យហ្វាំងឡង់ និងស្ថាប័នជាច្រើន ដែលមានសម្ព័ន្ធភាពជាមួយនឹងរដ្ឋាភិបាលក៏ដាក់ចេញនូវគម្រោង 6G R & D ផងដែរ។ ជាមួយគ្នាននេះ នៅកូរ៉េខាងត្បូងវិញ ក្រុមហ៊ុនបច្ចេកវិទ្យា Samsung Electronics  និង LG Electronics ក៏បានបង្កើតមជ្ឈមណ្ឌលស្រាវជ្រាវជាច្រើននៅឆ្នាំ 2019 ផងដែរ៕

 

no-alternative title

ព័ត៌មានពាណិជ្ជកម្ម