ក្រុមហ៊ុន Huawei នឹងប្រើប្រាស់នូវផែនទី TomTom maps សម្រាប់ជំនួសអោយសេវាកម្ម Google Maps នៅលើស្មាតហ្វូនរបស់ខ្លួននោះ។ ក្រុមហ៊ុនបច្ចេកវិទ្យាទាំងពីរនេះ បានបញ្ជាក់ថា ពួកគេបានចុះហត្ថលេខាទៅលើកិច្ចព្រមព្រៀងហើយ។ ការប្រកាសនេះ គួរតែឆ្លើយតបទៅនឹងការហាមប្រាមដែលអនុវត្តដោយសហរដ្ឋអាមេរិកនោះ។ ក្រុមហ៊ុន Huawei កំពុងតែប្រឈមមុខទៅនឹងករណីស្មុគស្មាញ និងពហុមុខងារជាច្រើនដែលកើតឡើងតាំងពីនិទាឃរដូវឆ្នាំមុននេះ។ ក្រុមហ៊ុនបច្ចេកវិទ្យាយក្សរបស់ចិននេះ មិនអាចបន្តការងារជាមួយនឹងក្រុមហ៊ុនជាច្រើនរបស់សហរដ្ឋអាមេរិក ដែលក្នុងនោះក៏មានក្រុមហ៊ុន Google ផងដែរ។
បើទោះបីជាមានការហាមប្រាមពីអាមេរិកក៏ដោយ ក៏មិនអាចបញ្ឈប់ក្រុមហ៊ុន Huawei ពីការលក់ស្មាតហ្វូននៅក្នុងឆ្នាំមុននេះទេ យោងតាមតួរពេលនេះ គឺមានចំនួនច្រើនជាង 240 លានគ្រឿងដែលនេះ គឺខ្ពស់ជាងគេនៅក្នុងទីផ្សាររបស់ចិន។ ប៉ុន្តែពេលនេះវាមានការបញ្ចាក់យ៉ាងច្បាស់ថា ដំណោះស្រាយជាច្រើននឹងត្រូវសម្រាប់ពេលអនាគត។ ដូចនេះ បន្ថែមពីលើការអភិវឌ្ឍទៅលើ OS របស់ខ្លួនក្នុងការហាមប្រាមការប្រើប្រាស់ទៅលើ Android នោះ វាក៏មានន័យថាក្រុមហ៊ុន នឹងស្វែងរកនូវសេវាកម្មជាច្រើនទៀតសម្រាប់ធ្វើការជំនួសអ្វីដែលធ្វើការផលិតនៅក្នុងសហរដ្ឋអាមេរិក។ ក្រុមហ៊ុន TomTom របស់ហូឡង់ គឺជាជំរើសដ៏ល្អមួយសម្រាប់នាវាចរណ៍ទៅលើផ្កាយរណបនេះ។ វាគឺជាក្រុមហ៊ុនអ្នកត្រួសត្រាយផ្លូវសម្រាប់ផែនទីនៅក្នុងយុគសម័យមុនមានស្មាតហ្វូននោះ។ បន្ថែមពីនេះទៀតនោះ អ្នកនាំពាក្យរបស់ក្រុមហ៊ុន TomTom ធ្វើការពន្យល់ថា កិច្ចព្រមព្រៀងនេះគឺមានការចុះហត្ថលេខាកាលពីមុនរួចមកហើយ ប៉ុន្តែវាក៏មានការផ្លាស់ប្តូរផងដែរដែលជារឿងសម្ងាត់នោះ។ យើងមិនមានព័ត៌មាននៅលើលក្ខខណ្ឌនេះនៅឡើយទេ។
មានការកត់សម្គាល់ផងដែរថា ក្រុមហ៊ុន Huawei ប្រកាសថា ខ្លួនលក់ស្មាតហ្វូនបានច្រើនជាង 240 លានគ្រឿងនៅក្នុងឆ្នាំមុននេះ។ វាមានចំនួន 34 លានគ្រឿងបើធៀបជាមួយនឹងឆ្នាំ 2018 នេះ (206 លានគ្រឿងដែលលក់បាននៅក្នុងឆ្នាំនោះ)។ លោក Xu Zhijun អគ្គនាយកបច្ចុប្បន្នរបស់ក្រុមហ៊ុនបច្ចេកវិទ្យាHuawei បញ្ជាក់ថា ភាពជោគជ័យនេះគឺដោយសារតែវត្តមានរបស់ស្មាតហ្វូន P30 និង Mate 30 ។ តាមការបញ្ជាក់របស់គាត់នោះ ការលក់ស្មាតហ្វូនទាំងពីរនេះគឺមានចំនួនច្រើនជាង 50% បើធៀបទៅនឹងឆ្នាមុននេះ។ តាមការបញ្ជាក់នៅក្នុងព័ត៌មានចុងក្រោយបំផុតនោះ ក្រុមហ៊ុនបច្ចេកវិទ្យា Huawei គឺលក់ស្មាតហ្វូន Mate 30 បានចំនួន 12 លានគ្រឿងនៅជុំវិញពិភពលោកទោះបីជាគ្មានកម្មវិធី និងសេវាកម្មជាច្រើនរបស់ Google ក៏ដោយ។ ភាពជោគជ័យនេះគឹភាគច្រើននៅក្នុងទីផ្សាររបស់ចិន៕
