ស្មាតហ្វូន Xiaomi Mi 10 & Mi 10 Pro បានឡើងឈរលើចំណាត់កំពូលតារាងថ្នាក់ល្អបំផុតរបស់ DxOMark ជាមួយនឹងកាមេរ៉ាទំហំ 108MP

ក្រុមហ៊ុន Xiaomi ទើបតែបង្ហាញជាផ្លូវការនូវស្មាតហ្វូនប្រណិត Flagship ចំនួន 2 ម៉ូឌែលរបស់ខ្លួននៅក្នុងប្រទេសចិននៅក្នុងព្រឹត្តិការណ៍មួយលើអនឡាញនោះគឺស្មាតហ្វូន Xiaomi Mi 10 និង  Xiaomi Mi 10 Pro ។ នៅក្នុងឆ្នាំនេះ ក្រុមហ៊ុននេះ ក៏ស្ថិតនៅក្នុងស្មាតហ្វូនប្រភេទ premium category ជាមួយនឹងលក្ខណៈសម្បត្តិខ្លាំងៗជាច្រើន និងការឌីស្សាញរូបរាងយ៉ាងស្រស់ស្អាតថែមទៀតផង។ ស្មាតហ្វូនទាំងពីរនេះ ដំណើរការនូវបន្ទះឈីប Snapdragon 865 និងមានអេក្រង់គែមកោង AMOLED display ដែលស្រដៀងគ្នាទៅនឹងស្មាតហ្វូន  OnePlus 7T Pro ផងដែរ។

ស្មាតហ្វូន  Xiaomi Mi 10 និង Mi 10 Pro គឺមានការឌីស្សាញដែលមានរូបរាងប្រហាក់ប្រហែលគ្នា។ ស្មាតហ្វូននេះមានអេក្រង់គែមកោងនៅផ្នែកខាងមុខ និងផ្នែកខាងក្រោយរបស់វាគឺមានភ្ជាប់ជាមួយនឹងកាមេរ៉ា 4 គ្រាប់ថែមទៀតនៅជ្រុងខាងលើខាងឆ្វេងរបស់ស្មាតហ្វូននេះ។ ក្រុមហ៊ុនបច្ចេកវិទ្យានេះក៏ធ្វើការកាត់បន្ថយទៅលើគែមនៃអេក្រង់របស់ស្មាតហ្វូននេះគឺត្រឹមតែ 3.32mm ដែលធ្វើអោយអេក្រង់របស់ស្មាតហ្វូននេះគឺកាន់តែប្រសើរជាងមុនថែមទៀត។ ស្មាតហ្វូននេះមានកម្រាស់ 9mm និងថាមពលថ្មទំហំ 4500mAh+ ។ ភាពខុសគ្នាធំបំផុតនៃការឌីស្សាញសម្រាប់ស្មាតហ្វូនទាំងពីរនេះគឺថាវាមានភ្ជាប់ជាមួយនឹងសេនស័រ  Laser focus sensor នៅផ្នែកខាងក្រោយរបស់ស្មាតហ្វូន Pro នេះ។ ស្មាតហ្វូនទាំងពីរនេះគឺមានកាមេរ៉ា  punch-hole នៅផ្នែកខាងលើខាងឆ្វេងនៃអេក្រង់នេះ។

 

ស្មាតហ្វូន  Xiaomi Mi 10 និង  Mi 10 Pro គឺមានអេក្រង់គែមកោង 6.67-inch curved AMOLED display ជាមួយនឹងកម្រិតអេក្រង់ 90Hz refresh rate និង 180Hz touch sampling rate ថែមទៀត។ សម្រាប់កម្រិតពន្លឺច្បាស់របស់អេក្រង់នេះគឺដល់ទៅ  1200 nits ជាមួយនឹង contrast 5,000,000:1 ថែមទៀតផង។ ដើម្បីធ្វើការពង្រឹងទៅលើកម្រិតពន្លឺរបស់ស្មាតហ្វូនទាំងពីរនេះ ក្រុមហ៊ុនបច្ចេកវិទ្យានេះក៏ភ្ជាប់ជាមួយនឹងកាមេរ៉ាខាងមុខភ្លោះថែមទៀត។ វាមានការធានាថាកម្រិតពន្លឺរបស់ស្មាតហ្វូននេះគឺផ្តល់នូវបទពិសោធន៍ដ៏អស្ចារ្យក្នុងការទស្សនាបំផុតថែមទៀត។

ស្មាតហ្វូនMi 10 Pro នេះមានអេក្រង់កោងទំហំ  6.67-inch AMOLED ជាមួយនឹង  JNCD (Just Noticeable Color Difference) តិចជាង  JNCD (Just Noticeable Color Difference) ។ ក្រុមហ៊ុនបច្ចេកវិទ្យានេះអះអាងថា អេក្រង់របស់ស្មាតហ្វូនត្រកូល Pro នេះគឺច្បាស់ជាងស្មាតហ្វូន  iPhone 11 Pro Max និង Mate 30 Pro 5G ។ ទន្ទមនឹងនេះផងដែរ ក្រុមហ៊ុនបច្ចេកវិទ្យា Xiaomi ក៏បន្ថែមនូវ △ E (delta E) របស់អេក្រង់នេះនៅក្នុងកម្រិត 1.1 ដែលល្អជាងស្មាតហ្វូន Flagship របស់ iPhone និង Huawei ។

 

ស្មាតហ្វូន  Xiaomi Mi 10 និង Pro នេះប្រើប្រាស់នូវបន្ទះឈីប 7nm octa-core Snapdragon 865 ជាមួយនឹង 12GBLPDDR5 RAM និង UFS 3.0 storage ។ ស្មាតហ្វូនទាំងពីរនេះទ្រទ្រង់ទៅលើបច្ចេកវិទ្យា Wi-Fi 6 នៅក្នុងកម្រិត 9.6Gbps ថែមទៀត។ ស្មាតហ្វូន Mi 10 នេះមានពិន្ទុ 585,000 នៅលើ AnTuTu benchmark ។ ស្មាតហ្វូនទាំងពីរនេះប្រើប្រាស់នូវបន្ទះឈីប  SD865 និងទ្រទ្រង់នូវ SA និង  NSA 5G standards ថែមទៀត។ ស្មាតហ្វូន  Xiaomi Mi 10 មានភ្ជាប់ជាមួយនឹងសំឡេង 1.0cc stereo speakers ភ្លោះថែមទៀត។ ស្មាតហ្វូន  Mi 10 Pro នេះគឺមាន 1.2cc dual stereo speakers ។ ស្មាតហ្វូន  Xiaomi Mi 10 Pro ទទួលបាននូវចំណាត់ថ្នាក់ខ្ពស់ទៅលើការតេស្តសំឡេងរបស់  DxOMark នេះហើយអាចយកឈ្នះទៅលើ Mate 20 X 5G ថែមទៀត។

បើនិយាយអំពីប្រព័ន្ធត្រជាក់វិញនោះ ស្មាតហ្វូនទាំងពីរម៉ូឌែលនេះមានភ្ជាប់ជាមួយនឹងប្រព័ន្ធត្រជាក់ Vapour Chamber liquid-cooling system ដែលមានភ្ជាប់ជាមួយនឹងស្រទាប់ graphite ច្រើន និង AI machine learning ដើម្បីរក្សានូវសីតុណ្ហភាពរបស់ស្មាតហ្វូននេះបានល្អថែមទៀតផង។  ស្មាតហ្វូនMi 10 Pro នេះគឺជាស្មាតហ្វូនដែលនៅចំណាត់ថ្នាក់ខ្ពស់បំផុតនៅលើ DxOMark ដែលមាន 124 ពិន្ទុ។ វាគឺខ្ពស់ជាងស្មាតហ្វូន Mate 30 Pro 5G ចំនួន 1 ពិន្ទុ។ ស្មាតហ្វូន Mi 10 Pro គឺស្ថិតនៅចំណាត់ថ្នាក់កំពូលទាំងផ្នែក Audio និង Camera នៅពេលធ្វើការតេស្តនៅលើ  DxOMark នេះ។

ស្មាតហ្វូន Xiaomi Mi 10នេះទ្រទ្រង់នូវវីដេអូកម្រិត 8K, OIS និង EIS ថែមទៀត។ វាក៏មានភ្ជាប់ជាមួយនឹងមុខងារ e AI scene recognition, super night mode និង Movie Modes ជាច្រើនទៀតក្នុងការថតវីដេអូនោះ។ វាគឹភ្ជាប់ជាមួយនឹងកាមេរ៉ា  108MP ដែលទ្រទ្រង់ទៅលើ  HEIF file format ថ្មីថែមទៀត។ បច្ចេកវិទ្យានេះគឺសម្រាប់ជំនួសទៅលើ JPEG ដែលជួយសន្សំទំហំបានដល់ទៅ 50% ។

តម្លៃ និងការលក់ស្មាតហ្វូន Xiaomi Mi 10 និង Mi 10 Pro

ស្មាតហ្វូន Xiaomi Mi 10 គឺមាន 3 ទំហំសម្រាប់ធ្វើការជ្រើសរើសគឺ៖

8GB + 128GB – 3999 yuan ($573)

8GB + 256GB – 4299 yuan ($615)

12GB + 256GB – 4699 yuan ($673)

ស្មាតហ្វូន Xiaomi Mi 10 Pro នេះគឺមាន ៣ ទំហំគឺ 

8GB+256GB – 4999 yuan ($716)

12GB+256GB – 5499 yuan ($788)

12GB+512GB – 5999 yuan ($859)

ស្មាតហ្វូន  Xiaomi Mi 10 អាចធ្វើការ pre-order និងដាក់លក់នៅថ្ងៃទី 14 ខែកុម្ភៈនេះនៅវេលាម៉ោង 10AM ក្នុងប្រទេសចិន។ សម្រាប់ការ Pre-order ស្មាតហ្វូន Mi 10 Pro នេះគឺដាក់លក់ហើយ វានឹងធ្វើការដឹកជញ្ជូននៅថ្ងៃទី 18 ខែកុម្ភៈនេះនៅក្នុងប្រទេសចិន៕