ខណៈពេលដែលក្រុមហ៊ុន LG, Sony កំពុងតែដើរចេញពីព្រឹត្តិការណ៍ MWC 2020 ខាងមុខនេះ ក្រុមហ៊ុន Huawei បានបញ្ជាក់ជាផ្លូវការនូវវត្តមានរបស់ខ្លួននៅក្នុងព្រឹត្តិការណ៍មួយនៅក្នុងទីក្រុងបាសេឡូណា ប្រទេសអេស្ប៉ាញ។ ក្រុមហ៊ុនបច្ចេកវិទ្យានេះ ក៏បញ្ចេញនូវព័ត៌មានមួយនៅលើគណនី Weibo របស់ក្រុមហ៊ុនបច្ចេកវិទ្យានេះ នៅថ្ងៃនេះ ហើយវាក៏មានការបង្ហើបថាផលិតផលជាច្រើនទៀតរបស់ក្រុមហ៊ុនបច្ចេកវិទ្យា នឹងមានវត្តមាននៅក្នុងព្រឹត្តិការណ៍នេះផងដែរ នោះក៏មានស្មាតហ្វូនដែលអាចបត់បានផងដែរ។
នៅក្នុងរូបភាពនេះ ក្រុមហ៊ុន Huawei គឺផ្តោតទៅលើយុទ្ធសាស្រ្ត 1+8+N។ ក្រុមហ៊ុន Huawei ទម្លាយថា យុទ្ធសាស្រ្តនេះគឺមានតាំងពីឆ្នាំមុនដែលលេខ “1” គឺជាឧបករណ៍ដែលមានការគ្រប់គ្រងបានទាំងអស់ដូចជាស្មាតហ្វូនដែលមានរូបរាងតូច ងាយស្រួលក្នុងការចល័ត និងងាយស្រួលក្នុងការប្រើប្រាស់ថែមទៀត។ សម្រាប់ឧបករណ៍ធំៗ ឬ access points មានលេខ “8” ដែលមានដូចជាថេប្លេត និងនាឡិកាជាច្រើនទៀតដែលធ្វើការពង្រឹងនូវបទពិសោធន៍នៃការប្រើប្រាស់ស្មាតហ្វូនយ៉ាងអស្ចារ្យបំផុត។ សម្រាប់ “N” គឺសំដៅទៅលើស្រទាប់មួយដែលអ្វីគ្រប់យ៉ាងអាចដំណើរការជាមួយគ្នាបាន ហើយវាគឺជាបណ្តាញណេតវើកនៃឧបករណ៍ IoT របស់ក្រុមហ៊ុននេះបាន។
នៅក្នុងរូបភាពមួយនេះមានការបង្ហាញនូវ 8 ក្រុមដែលក្នុងនោះមានដូចជា laptops, tablets, TV, headphones, watches, VR glasses, automobiles និង Speakers ។ ដូចនេះ យើងប្រហែលជាអាចមើលឃើញនូវផលិតផលជាច្រើនទៀតចេញពីក្រុមទាំង ៨ របស់ក្រុមហ៊ុនបច្ចេកវិទ្យានេះនៅក្នុងព្រឹត្តិការណ៍នេះ។ តាមការបញ្ជាក់នៅក្នុងរូបភាពមួយដែលចែករំលែកដោយក្រុមហ៊ុនបច្ចេកវិទ្យាHuawei កាលពីឆ្នាំមុននេះ ស្មាតហ្វូននេះ គឺជាស្នូលកណ្តាលនៃយុទ្ធសាស្រ្តនេះ។
នៅក្នុងរូបភាពខាងលើនេះ យើងអាចមើលឃើញនូវស្មាតហ្វូនដែលមានអេក្រង់ដែលអាចបត់បានផងដេរ។ ខណៈពេលដែលមនុស្សមួយចំនួននិយាយថា ក្រុមហ៊ុន Huawei អាចនឹងប្រកាសបង្ហាញនូវស្មាតហ្វូនដែលអាចបត់បាន Mate XS ស៊េរីថ្មីរបស់ខ្លួនផងដែរ វាទំនងជាក្រុមហ៊ុននេះ អាចនឹងដាក់បង្ហាញនូវស្មាតហ្វូន Mate X ដែលបង្ហាញខ្លួនកាលពីឆ្នាំមុននេះនៅក្នុងព្រឹត្តិការណ៍នេះ។ ស្មាតហ្វូនជំនាន់ថ្មីនេះ គឺប្រើប្រាស់នូវបន្ទះឈីប Kirin 990 5G ដែលត្រូវគេរំពឹងថា នឹងបង្ហាញខ្លួននៅក្នុងខែមីនា ឆ្នាំ 2020 នេះ។ ការរីករាលដាលនៃមេរោគកូរ៉ូណានាពេលថ្មីៗនេះ ប្រហែលជាប៉ះពាល់ទៅដល់គម្រោងផែនការជាច្រើនរបស់ក្រុមហ៊ុននេះផងដែរ ប៉ុន្តែយើងនៅមិនទាន់ទទួលនូវការអាប់ដេតណាមួយចេញពីក្រុមហ៊ុននេះនៅឡើយទេ។
ទោះបីជាមានការបញ្ជាក់ពីក្រុមហ៊ុន Huawei នោះ វាមានការបញ្ជាក់ថា ព្រឹត្តិការណ៍ MWC 2020 នេះ នឹបង្ហាញខ្លួននៅឆ្នាំនេះ។ ការប្រកាសនេះ គឺមានការពិភាក្សានៅឡើយសម្រាប់ព្រឹត្តិការណ៍នេះ ហើយវានឹងមានការបង្ហាញនូវការសម្រេចចិត្តចុងក្រោយនៅថ្ងៃទី 14 ខែកុម្ភៈនេះ។ ក្រុមហ៊ុនជាច្រើនទៀតដូចជា TCL, Vivo, LG, AT&T និងជាច្រើនទៀតក៏ប្រកាសដកខ្លួនចេញពីព្រឹត្តិការណ៍ MWC នេះផងដែរនៅក្នុងឆ្នាំនេះ៕