នៅទីបំផុត ក្រុមហ៊ុនបច្ចេកវិទ្យាយក្ស Samsung បង្ហាញនូវ Galaxy A8s ដែលជាស្មាតហ្វូនស៊េរីថ្មី ដំបូងបំផុតរបស់ខ្លួន ដែលមានការផ្លាស់ប្តូរអេក្រង់ថ្មី។ អ្វីដែលជាការផ្លាស់ប្តូរថ្មីសម្រាប់ Samsung នេះ គឺការផ្លាស់ប្តូរ Notch ទៅជាការប្រើប្រាស់រន្ធសម្រាប់ដាក់កាមេរ៉ានៅលើអេក្រង់ ហើយនេះ គឺមិនមែនជាបច្ចេកវិទ្យាដែលមានតែក្រុមហ៊ុន Samsung កំពុងតែធ្វើនោះទេ ក្រុមហ៊ុន Huawei ក៏មានស្មាតហ្វូនស៊េរីថ្មីនេះ ដែលមានការរចនារូបរាងស្រដៀងគ្នាផងដែរ។

រហូតមកដល់ពលនេះ ក្រុមហ៊ុនបច្ចេកវិទ្យាយក្សរបស់កូរ៉េខាងត្បូងនេះ គឺមិនព្រមប្រើប្រាស់នូវអេក្រង់ដែលមាន Notch នោះទេ ប៉ុន្តែវាក៏មានការប្រើប្រាស់នូវរន្ធប្រហោងនៅលើអេក្រង់ដំបូងបំផុតសម្រាប់ស្មាតហ្វូនរបស់ខ្លួន។ អ្វីដែលគួរអោយសោកស្តាយនោះគឺថា Galaxy A8s នេះ មិនមានភ្ជាប់ជាមួយនឹងរន្ធដោតកាសស្តាប់ 3.5 mm headphone jack នោះទេ។ ប៉ុន្តែសម្រាប់ស្មាតហ្វូនស៊េរីថ្មី Galaxy A8s នេះក៏មានការបំពាក់នូវមុខងារថ្មីៗជាច្រើនថែមទៀតផងដែរ។

Galaxy A8s គឺជាស្មាតហ្វូនដំបូងបំផុតរបស់ក្រុមហ៊ុនបច្ចេកវិទ្យាយក្ស Samsung ដែលប្រើប្រាស់នូវបន្ទះឈីប Snapdragon 710។ បើធៀបជាមួយនឹងបន្ទះឈីប Snapdragon 660 បន្ទះឈីប Snapdragon 710 នេះគឺមានការពង្រឹងទៅលើមុខងារជាច្រើនថែមទៀត។ បន្ទះឈីបនេះប្រើប្រាស់នូវដំណើរការ 10nm ជាជាងដំណើរការ 14nm ថែមទៀតដែលមានន័យថា វាពិតជាមានប្រសិទ្ធិភាពខ្ពស់ និងការដំណើរការទៅលើកម្មវិធីជាច្រើនយ៉ាងមានប្រសិទ្ធិភាពពិសេសនៅក្នុងការលេងហ្គេមថែមទៀត។ វាក៏មានការប្រើប្រាស់នូវអង្គគណនា ARM Cortex cores ថ្មីគឺ Cortex-A75 cores ចំនួន ២ គ្រាប់ និង Cortex-A55 cores ចំនួន ៦ គ្រាប់ផងដែរ។

បន្ទះឈីប Snapdragon 710 នេះក៏មានភ្ជាប់ជាមួយនឹងក្រាហ្វិកកាតប្រភេទ Adreno 616 GPU ដែលមានល្បឿនលឿនជាងមុនដល់ទៅ 35% បើធៀបជាមួយនឹងក្រាហ្វិកកាតប្រភេទ Adreno 512 GPU នៅលើបន្ទះឈីប 660 ។ ស្មាតហ្វូន Galaxy A8s គឺជាស្មាតហ្វូនថ្នាក់កណ្តាលដែលមានសមត្ថភាពខ្លាំងក្លានៅក្នុងខណៈពេលនេះ។ ស្មាតហ្វូននេះក៏មានប្រភេទរ៉េមទំហំ 8GB ដូចគ្នាទៅនឹងស្មាតហ្វូន Galaxy A9 (2018) ខណៈពេលដែល Base Model របស់វាមានរ៉េមទំហំ 6GB ដែលអាចដំណើរការនូវមុខងារ multitasking បានយ៉ាងរលូនថែមទៀត។

ស្មាតហ្វូនស៊េរីថ្មី Galaxy A8s នេះ មានកាមេរ៉ាខាងក្រោយ 3 គ្រាប់ដូចគ្នាទៅនឹងស្មាតហ្វូនស៊េរីថ្មី A7 (2018) ដែលវាពិតជាទាក់ទាញចិត្តអ្នកប្រើប្រាស់មែនទែន។ ប៉ុន្តែលោកអ្នកទទួលបាននូវកាមេរ៉ាប្រភេទ ultra-wide lens ដែលអនុញ្ញាតឱ្យអ្នកអាចធ្វើការថតនូវទស្សនីយភាពកាន់តែធំនៅលើទូរស័ព្ទរបស់អ្នក។ សម្រាប់សេនស័រ ultra-wide lens នេះមិនមានភ្ជាប់ជាមួយនឹងមុខងារ Autofocus នោហទេ ប៉ុន្តែវាមានភ្ជាប់ជាមួយនឹង Zoom Lens សម្រាប់ការថតរូបភាពយ៉ាងស្រស់ស្អាត។ សម្រាប់តម្លៃរបស់ស្មាតហ្វូននេះនៅមិនទាន់ទម្លាយអោយដឹងនៅឡើយទេ។ នេះគឺជាមុខងារមួយដែលមានការពេញនិយមបំផុតនៅលើស្មាតហ្វូនរបស់ក្រុមហ៊ុន Samsung ប៉ុន្តែស្មាតហ្វូនពណ៌ប្រផេះ Gray គឺពិតជាមានការទាក់ទាញខ្លាំងមែនទែន។

ស្មាតហ្វូននេះ មានពណ៌ស្រស់ស្អាតដោយសារតែវាមានពណ៌ភ្លឺជាងពណ៌ដែលធ្លាប់ប្រើប្រាស់ពីមុនមករបស់ក្រុមហ៊ុន Samsung នោះ។ ជាក់ស្តែង សម្រាប់ពណ៌ខៀវ និង Green ក៏មានភាពទាក់ទាញខ្លាំងក្នុងការប្រើប្រាស់ផងដែរ។ សម្រាប់ផ្នែកខាងក្រោយរបស់ស្មាតហ្វូននេះគឹមានភ្ជាប់ជាមួយនឹង Ring តូចមួយនៅលើកាមេរ៉ានៅកណ្តាលរបស់វាផងដែរ។ ស្មាតហ្វូននេះ ពិតជាស្រស់ស្អាតមែនទែន។ ក្រុមហ៊ុន Samsung នេះ ក៏បញ្ចេញនូវស្មាតហ្វូនចំនួន 2 ម៉ូដែល ដែលមានម៉េមូរីក្នុងម៉ាស៊ីនទំហំ 128GB សម្រាប់ស្មាតហ្វូន Galaxy Note 9 និង Galaxy A9 ហើយស្មាតហ្វូន A8s ក៏ប្រើប្រាស់នូវម៉េមូរីទំហំនេះ ដូចគ្នាដែរ។ ដូចនេះ អ្នកប្រើប្រាស់មិនចាំបាច់ប្រើប្រាស់នូវ microSD កាតនោះទេ៕