យោងតាមព័ត៌មានថ្មីចុងក្រោយនេះ បាននិយាយថា Apple ដែលជាក្រុមហ៊ុនផលិតស្មាតហ្វូនរបស់អាមេរិក បាននិងកំពុងតែធ្វើការនៅលើ iPhone series ម៉ូឌែលចុងក្រោយបំផុតរបស់ខ្លួន។ នាយកប្រតិបត្តិជាច្រើនរបស់ក្រុមហ៊ុន Apple នៅមិនទាន់បង្ហាញអំពីព័ត៌មានអំពីស្មាតហ្វូនស៊េរីថ្មីនេះនៅឡើយទេ។ នៅពេលនេះ យើងទទួលបានព័ត៌មានថ្មីមួយ ដែលមានការទម្លាយចេញពីអ្នកវិភាគដែលអាចទុកចិត្តនោះគឺលោក Guo Minghao ដែលធ្វើការទម្លាយព័ត៌មានអំពីស្មាតហ្វូន iPhone 12 នេះ។ តាមការបញ្ជាក់របស់លោក Guo Minghao នោះ ស្មាតហ្វូន iPhone 12 series ថ្មីនេះប្រើប្រាស់នូវ 7P wide-angle lenses ។
អ្នកវិភាគមួយចំនួនក៏ធ្វើការព្យាករណ៍ទៅលើលក្ខណៈសម្បត្តិមួយចំនួនរបស់ iPhone 12 series ផងដែរ។ តាមការបញ្ជាក់របស់គាត់ iPhone 12 series នឹងមាន 3 ទំហំ និង 4 ម៉ូឌែលសម្រាប់ធ្វើការជ្រើសរើស។ iPhone 12 series ទាំងនេះរួមមាន៖
•5.4-inch OLED iPhone (កាមេរ៉ាភ្លោះខាងក្រោយ)
•6.1-inch OLED iPhone (កាមេរ៉ាភ្លោះខាងក្រោយ)
•6.1-inch OLED iPhone (កាមេរ៉ាខាងក្រោយ ៣ គ្រាប់ + ToF)
•6.7-inch OLED iPhone (កាមេរ៉ាខាងក្រោយ ៣ គ្រាប់ + ToF)
សម្រាប់គ្រប់ម៉ូឌែលរបស់ iPhone 12 series នេះនឹងមានការ upgrade ពី 6P ទៅកាន់ 7P wide-angle lens ។ បន្ថែមពីនេះទៀតនោះ កាមេរ៉ា iPhone 12 7P lens នេះគឺពិតជាល្អមែនទែន។ តាមការបញ្ជាក់របស់លោក Guo Minghao សម្រាប់កាមេរ៉ា 7P lens នៅលើស្មាតហ្វូន iPhone 12 នេះគឺមានការផលិតនៅក្នុងខែនេះ បានដល់ទៅ 70-85% ។ វានឹងមានការបង្កើនទៅលើផលិតកម្មជាច្រើនទៀតនាពេលខាងមុខនេះ។ បន្ថែមពីនេះទៀតនោះ កាមេរ៉ា telephoto lens នៅផ្នែកខាងក្រោយរបស់ iPhone 2021 នឹងមានការ upgrade ពី 6P ទៅ 7P ហើយវាក៏នឹងមានការទ្រទ្រង់ទៅលើ Sensor shift និងប្រើប្រាស់នូវ 1 / 1.9″ ខណៈពេលដែលស្មាតហ្វូន 2022 iPhone នឹងប្រើប្រាស់នូវ periscope lens. ។ វានៅមិនទាន់មានការប្រកាសបង្ហាញជាផ្លូវការនៅឡើយទេ។
តាមការបញ្ជាក់នៅក្នុងរបាយការណ៍មួយចេញពី Bloomberg នោះ ប្រភពខាងក្នុងរបស់ក្រុមហ៊ុន Apple អះអាងថា iPhones 2020 នឹងបង្ហាញខ្លួននៅក្នុងខែកញ្ញាដូចជាធម្មតាផងដែរ។ ការផលិតទ្រង់ទ្រាយធំសម្រាប់ iPhone នឹងចាប់ផ្តើមនៅក្នុងខែឧសភានេះ ដែលមានន័យថា iPhones ដែលដំណើរការនូវបច្ចេកវិទ្យា 5G នឹងបង្ហាញខ្លួននៅក្នុងឆ្នាំនេះដដែល។ ការរាតត្បាតនៅក្នុងប្រទេសចិនពេលនេះ អាចគ្រប់គ្រងបាន ហើយរោងចក្រជាច្រើន ក៏ចាប់ផ្តើមការងាររបស់ពួកគេវិញផងដែរ៕