អ្នកគាំទ្ររបស់ក្រុមហ៊ុនផលិតស្មាតហ្វូន Xiaomi ទន្ទឹងរង់ចាំថ្ងៃនេះជាយូរមកហើយ។ ក្រុមហ៊ុន Redmi នៅទីបំផុតក៏ប្រកាសបង្ហាញនូវផលិតផលថ្មីរបស់ខ្លួននៅក្នុងសន្និសីទរបស់ខ្លួនផងដែរ។ នៅក្នុងព្រឹត្តិការណ៍នេះ ក្រុមហ៊ុននេះ មិនមែនគ្រាន់តែផ្តោតនៅលើម៉ូឌែល Redmi K30 Pro 5G ប៉ុណ្ណោះទេ ប៉ុន្តែក្រុមហ៊ុននេះ ក៏នាំយកនូវផលិតផលជាច្រើនទៀតដែលគួរអោយចាប់អារម្មណ៍ខ្លាំងមែនទែនដូចជា TVs, Xiao Ai touchscreen speakers ស៊េរីថ្មីរបស់ខ្លួនផងដែរ។ យើងពិតជាចាប់អារម្មណ៍ខ្លាំងទៅលើស្មាតហ្វូននេះជាង។
ស្មាតហ្វូននេះគឺមាន 2 ប្រភេទផ្សេងគ្នាមួយជាប្រភេទ standard version និងមួយទៀតគឺជាប្រភេទ zoom version ។ វាមានគោលដៅសម្រាប់ក្រុមមនុស្សផ្សេងៗគ្នាដែលមានតម្រូវការផ្សេងៗគ្នាសម្រាប់ការថតរូបភាពនោះ។ នៅក្នុងការចាប់ផ្តើមនៃការធ្វើសន្និសីទនេះ លោក Lu Weibing បានប្រកាសបង្ហាញនូវស្មាតហ្វូន K30 series និងការប្រៀបធៀបជាមួយនឹងស្មាតហ្វូន Honor ផងដែរ។ តាមការបញ្ជាក់នៅក្នុងទិន្នន័យរបស់ក្រុមហ៊ុន Redmi នេះ ការលក់របស់ក្រុមហ៊ុននេះ គឺច្រើនជាងស្មាតហ្វូន Honor V30។ ដោយសារតែផលិតផលនេះ មានស្តុកតិច ក្រុមហ៊ុន Honor អាចនឹងតាមទាន់ទៅលើការលក់ផងដែរ។ លោក Lu Weibing និយាយថា ចាប់តាំងពីវត្តមានរបស់ស្មាតហ្វូន K30 Pro មាននៅលើទីផ្សារនោះ ក្រុមហ៊ុន Redmi ពិតជាអាចឈ្នះគូប្រជែងរបស់ខ្លួនបានតែម្តង។
រូបរាងរបស់ស្មាតហ្វូនREDMI K30 PRO
បើធ្វើការប្រៀបធៀបជាមួយនឹងស្មាតហ្វូន K30 Series នោះ ស្មាតហ្វូន Redmi K30 Pro នេះគឺមានការផ្លាស់ប្តូរទៅលើរូបរាងរបស់វាផងដែរ។ ផ្នែកខាងក្រោយរបស់ស្មាតហ្វូននេះគឺមានការឌីស្សាញជាលក្ខណៈ ‘Oreo’ដែលមានកាមេរ៉ា 4 គ្រាប់ជារង្វង់ ហើយវាគឺមាន 4 ពណ៌សម្រាប់ធ្វើការជ្រើសរើសផងដែរនោះគឺពណ៌ Sky Blue, Moon White, Space Grey និង Star Ring Purple។ សម្រាប់ពណ៌ Sky Blue នង Moon Whiteគឺប្រើប្រាស់នូវបច្ចេកវិទ្យា bright glass technology ខណៈពេលដែលពណ៌ Space Grey និង Star Ring Purple ប្រើប្រាស់នូវបច្ចេកវិទ្យា frosted glass technology ។ ក្រុមហ៊ុន Redmi ក៏មានសម្បកការពារទូរស័ព្ទនេះជាច្រើនម៉ូដផងដែរដែលមានតម្លៃ 49 yuan ($7)។
ស្មាតហ្វូន Redmi K30 Pro នេះ គឺមានអេក្រង់ទំហំ 6.67-inch អេក្រង់ពេញគែមតែម្តងសម្រាប់ផ្នែកខាងមុខរបស់វា។ វាមានកម្រិតភាពច្បាស់ 1080p និងកម្រិតអេក្រង់ 92.7% screen ratio ដែលទ្រទ្រង់ទៅលើបច្ចេកវិទ្យា touch sampling rate 180Hz ។ វាប្រើប្រាស់នូវប្រព័ន្ធស្កេនក្រយ៉ៅដៃអុបទិក។ ស្មាតហ្វូន K30 Pro ប្រើប្រាស់នូវអេក្រង់ Samsung E3AMOLED ដែលមានកម្រិតពន្លឺខ្ពស់ដល់ទៅ 1200 nits។ សម្រាប់អេក្រង់កម្រិតខ្ពស់ពេញគែមនេះ ស្មាតហ្វូន K30 Pro នេះគឺប្រើប្រាស់នូវកាមេរ៉ាផុសឡើងដែលមានរយៈពេលត្រឹមតែ 0.58 វិនាទីប៉ុណ្ណោះ ហើយវាអាចប្រើប្រាស់បានដល់ទៅ 300,000 ដងក្នុងការផុសឡើងនេះ។
នៅក្នុងសន្និសីទនេះ លោក Lu Weibing ធ្វើការពន្យល់ថាហេតុអ្វីបានជាកម្រិតអេក្រង់ 90Hz refresh rate នេះមិនត្រូវបានគេយកទៅប្រើប្រាស់នោះ។ គាត់និយាយថា នៅពេលដែលមានគម្រោងទៅលើផលិតផលនេះគឺតាំងពី 10 ខែមុនមកម្ល៉េះ គាត់មិនច្បាស់ថាកម្រិតអេក្រង់ refresh rateខ្ពស់បែបនេះ គឺជាតម្រូវការនៅក្នុងនិន្នាការក្នុងពេលបច្ចុប្បន្ននេះទេ។ ស្មាតហ្វូន K30 Pro នេះមានសេនស័រ 360-degree light sensor ផងដែរ។
ផ្នែក HARDWARE
បើនិយាយអំពីភាពខ្លាំងបំផុតរបស់ស្មាតហ្វូន Redmi flagship នេះនោះ ស្មាតហ្វូន K30 Pro នេះប្រើប្រាស់នូវបន្ទះឈីប Qualcomm Snapdragon 865 processor និងម៉ូដឹម Snapdragon X55 modem ផងដែរ។ វាមានការទ្រទ្រង់ទៅលើបណ្តាញ NSA / SA dual-mode 5G networks ថែមទៀត។ ស្មាតហ្វូន K30 Pro នេះទ្រទ្រង់ទៅលើ frequency bandsជាច្រើនដូចជា n1, n3, n41, n78 និង n79 ។សម្រាប់ផ្នែករឹងនេះ គឺមានការពង្រឹងទៅលើសមត្ថភាពនៃការប្រើប្រាស់របស់វាដល់ទៅ 20% ខ្លាំងក្លាជាងមុន។ LPDDR5 គឺមានល្បឿនក្នុងការបញ្ចូន 44GB/s ហើយសម្រាប់ UFS 3.1flash memory ជំនាន់ថ្មីនេះមានល្បឿននៃការ Read និង Write ដល់ទៅ 777MB/s ផងដែរ។ស្មាតហ្វូន Redmi K30 Pro នេះប្រើប្រាស់នូររចនាសម្ព័ន្ធនៃការបំភាយកំដៅដល់ទៅ 7 ស្រទាប់ដែលមិនធ្វើអោយម៉ាស៊ីននេះឡើងកំដៅនោះទេក្នុងការប្រើប្រាស់។ ក្រៅពីបន្ទះឈីប flagship processor រួចហើយនោះ ម៉េមូរី ‘LPDDR5 memoryនិង UFS 3.1 flash storage’ គឺជាស្តង់ដារហើយសម្រាប់ស្មាតហ្វូន Android flagshipsនោះ។ បន្ថែមពីនេះទៀតនោះ K30 Pro ក៏ទ្រទ្រង់ទៅលើបច្ចេកវិទ្យា WiFi 6 ចុងក្រោយបំផុតផងដែរ។
កាមេរ៉ារបស់ស្មាតហ្វូន REDMI K30 PRO
បើនិយាយអំពីការថតរូបភាពនោះគឺពិតជាសំខាន់ខ្លាំងណាស់សម្រាប់ versions ទាំងពីររបស់ស្មាតហ្វូន K30 Pro នេះ។ ស្មាតហ្វូន Redmi K30 Pro Standard Edition ភ្ជាប់ជាមួយនឹងកាមេរ៉ា 64-megapixel IMX686 sensor + 13-megapixel ultra-wide-angle + 5-megapixel telephoto + 2-megapixel depth-of-field lensដែល telephoto lens អាចប្រើប្រាស់ជា macro mode បានផងដែរ។ សម្រាប់ស្មាតហ្វូន Zoom Edition គឺមានកាមេរ៉ាទំហំ 8-megapixel telephoto lens ជាមួយនឹងការទ្រទ្រង់នូវបច្ចេកវិទ្យា 3x optical zoom និង 30x zoom ផងដែរ។ វាក៏មានការទ្រទ្រង់ទៅលើមុខងារ OIS (optical image stabilization) ផងដែរ។
តម្លៃ
Redmi K30 Pro Standard Edition
6GB+128GB – 2999 yuan ($424)
8GB+128GB – 3399 yuan ($481)
8GB+256GB – 3699 yuan ($523)
Redmi K30 Pro Zoom Edition
8GB+128GB – 3799 yuan ($537)
8GB+256GB – 3999 yuan ($565)
ស្មាតហ្វូននេះនឹងដាក់លក់នៅថ្ងៃទី 27 ខែមីនាខាងមុខនេះ៕
លក្ខណៈសម្បត្តិរបស់ស្មាតហ្វូន REDMI K30 PRO
•អេក្រង់: 6.67-inch Samsung E3 material AMOLED screen (1080P, touch sampling rate of 180Hz, max brightness of 1200 nits, 60Hz refresh rate)
•បច្ចេកវិទ្យាដោះសោរ: optical screen fingerprint
•Processor: Snapdragon 865 + Snapdragon X55 modem
•ការភ្ជាប់ទំនាក់ទំនង: 5G (n1, n3, n41, n78, and n79), WiFi6
•ម៉េមូរី: LPDDR5
•Storage: UFS 3.1
•កាមេរ៉ា: 64MP Sony IMX686 + 13MP + 5MP (telephoto) + 2MP (Standard Edition) / 64MP Sony IMX686 + 13MP + 8MP (telephoto) + 2MP (Zoom Edition) (dual OIS, Super Night Scene 2.0, one-click Vlog shooting, document mode, and ID card photocopying)
•ថាមពលថ្ម: 4700mAh (33W wireless charging)