ក្រុមហ៊ុន Samsung នៅតែបន្តក្នុងការនាំយកនូវស្មាតហ្វូនថ្មីរបស់ខ្លួនសម្រាប់ពិភពលោក។ កាលពីប៉ុន្មានថ្ងៃនេះ ក្រុមហ៊ុនបច្ចេកវិទ្យានេះបានបង្ហាញនូវស្មាតហ្វូន Galaxy A41 នៅក្នុងប្រទេសជប៉ុន ហើយក្រោយមកក៏បង្ហាញនូវស្មាតហ្វូន Galaxy M21 នៅក្នុងប្រទសឥណ្ឌា។
នៅពេលនេះ ក្រុមហ៊ុននេះ ក៏បង្ហាញវត្តមានរបស់ស្មាតហ្វូន Galaxy A31 ដែលជាស្មាតហ្វូនថ្នាក់កណ្តាលរបស់ខ្លួនផងដែរ។ ស្មាតហ្វូនGalaxy M41 និង Galaxy A71 5G ត្រូវបានគេរំពឹងថា នឹងបង្ហាញខ្លួននៅក្នុងពេលឆាប់ៗនេះផងដែរ។
ស្មាតហ្វូន Galaxy A31 គឺមានអេក្រង់ទំហំ 6.4-inch FHD+ Infinity-U ។ វាក៏មានបន្ទះឈីប octa-core processor ជាមួយនឹងអង្គគណនា ២ គ្រាប់ដែលមានល្បឿន 2.0GHz និង 6 គ្រាប់ទៀតដែលមានល្បឿន 1.7GHz ប៉ុន្តែក្រុមហ៊ុន Samsung នៅមិនទាន់ប្រកាសបង្ហាញនូវឈ្មោះរបស់បន្ទះឈីបនេះនៅឡើយទេ។ ទោះជាយ៉ាងណាក៏ដោយនោះ Geekbench នៅក្នុងបញ្ជីរបស់ Geekbench កាលពីដើមខែនេះ ក៏មានការទម្លាយថា វាគឺជាបន្ទះឈីប Helio P65 processor របស់ក្រុមហ៊ុន MediaTek ។
ស្មាតហ្វូននេះគឺមាន 2 ទំហំសម្រាប់ធ្វើការជ្រើសរើសគឺទំហំ 4GB+64GB និង 6GB+128GB។ ស្មាតហ្វូននេះ អាចបន្ថែមនូវ MicroSD card slot បានទំហំដល់ទៅ 512GB ថែមទៀតផង។ ដូចគ្នាទៅនឹងស្មាតហ្វូន Samsung ជាច្រើនទៀត ដែលបង្ហាញខ្លួននៅក្នុងឆ្នាំនេះ ស្មាតហ្វូន Galaxy A31 នេះមានកាមេរ៉ាដែលមានរូបរាងជាចតុកោណកែង។ កាមេរ៉ា មានសេនស័រចំនួន 4 គ្រាប់ដែលមានទំហំ 48MP f/2.0 primary camera, 8MP f/2.2 ultrawide angle, 5Mp f/2.4 depth sensor និង 5MP f.2.4 macro ។ សម្រាប់កាមេរ៉ាខាងមុខរបស់វាគឺមានទំហំ 20MP f/2.2 sensor ផងដែរ។
ស្មាតហ្វូន Galaxy A31 នេះ មានថាមពលថ្មដែលមានទំហំ 5000mAh ប៉ុន្តែវាទ្រទ្រង់ទៅលើបច្ចេកវិទ្យាបញ្ចូលថាមពលថ្ម 15W fast charging។ ស្មាតហ្វូននេះ ប្រើប្រាស់នូវប្រព័ន្ធស្កេនក្រយ៉ៅដៃក្រោមអេក្រង់ និងទ្រទ្រង់នូវបច្ចេកវិទ្យា Samsung Pay ផងដែរ។ វាដំណើរការនូវ Android 10 ថែមទៀត។ ក្រុមហ៊ុន Samsung នៅមិនទាន់បង្ហាញអំពីតម្លៃរបស់ស្មាតហ្វូននេះនៅឡើយទេ ប៉ុន្តែវានឹងមានពណ៌ Prism Crush Black, Prism Crush Blue, Prism Crush Red និង Prism Crush White សម្រាប់ធ្វើការជ្រើសរើសផងដែរ៕