សឹង្ហបូរី៖ ថ្មីៗនេះ ក្រុមហ៊ុន Canon ប្រកាសថា ខ្លួននឹងចាប់ផ្តើមទទួលនូវពាក្យចូលរួមសម្រាប់ព្រឹត្តិការណ៍នៃការថតរូបភាព New Cosmos of Photography 2020 (លើកទី 43) របស់ខ្លួនហើយ គោលបំណង គឺដើម្បីធ្វើការលើកកម្ពស់ទៅលើការប្រកួតថតរូបភាពនេះ ជាព្រឹត្តិការណ៍ប្រកួតទូទាំងពិភពលោក។ ក្រុមអ្នកជំនាញជាច្រើន នៅក្រៅពីប្រទេសជប៉ុន ក៏ត្រូវបានអញ្ជើញអោយក្លាយជាអ្នកកាត់ក្តីសម្រាប់ការប្រកួតនៅឆ្នាំនេះដែរ។
ពាក្យសម្រាប់ចូលរួមប្រកួតនៅក្នុងព្រឹត្តិការណ៍ New Cosmos of Photography 2020 នឹងទទួលចាប់ពីថ្ងៃនេះ រហូតដល់ថ្ងៃទី 20 ខែឧសភា ឆ្នាំ 2020 នេះ ខណៈពេលដែលគណកម្មាធិការជ្រើសរើសពានរង្វាន់ឆ្នើមនេះនឹងជួបគ្នានៅក្នុងខែមិថុនាដើម្បីធ្វើការជ្រើសរើសនូវអ្នកឈ្នះពានរង្វាន់ឆ្នើមនេះចំនួន 7 នាក់ (Excellence Award) និងពានរង្វាន់កិត្តិយស Honorable Mention Award ចំនួន 14 ផងដែរ។ នៅក្នុងខែតុលានេះ គណកម្មាធិការជ្រើសរើសពានរង្វាន់ Grand Prize ក៏មានគម្រោងក្នុងការជ្រើសរើសអ្នកឈ្នះពានរង្វាន់ Grand Prize នៅក្នុងចំណោមអ្នកឈ្នះទាំង ៧ នាក់នៅក្នុងពានរង្វាន់ Excellence Award នេះ។
ការប្រកួតរកអ្នកឈ្នះពានរង្វាន់ Grand Prize នៅក្នុងឆ្នាំនេះ គឺមិនត្រឹមតែទទួលទឹកប្រាក់ 1 លានយ៉េន ហើយនិងមានផលិតផលរបស់ក្រុមហ៊ុន Canon ប៉ុណ្ណោះទេ គឺវាក៏មានការបន្ថែមនូវការតាំងពិពរណ៍ទោសផ្តាច់មុខរបស់ខ្លួននៅឆ្នាំបន្ទាប់ផងដែរ។ បន្ថែមពីនេះទៀតនោះ សម្រាប់ពានរង្វាន់ 2020 Excellence Award និងពានរង្វាន់ Honorable Mention Award នឹងទទួលបាននូវរង្វាន់ជាទឹកប្រាក់ និងសិទ្ធនៅក្នុងការបង្ហាញនូវស្នាដៃរបស់ខ្លួននៅក្នុងការពិពរណ៍នៅឆ្នាំនេះផងដែរ។
ព្រឹត្តិការណ៍ New Cosmos of Photography គឺជាការទ្រទ្រង់ផ្នែកវប្បធម៌របស់ក្រុមហ៊ុន Canon សម្រាប់ការបង្ហាញអំពីភាពច្នៃប្រឌិតជាច្រើននៅក្នុងការថតរូបភាពនេះ។ នៅក្នុងការដាក់អោយដំណើរការនៅក្នុងឆ្នាំ 1991 នេះ នៅឆ្នាំនេះគឺព្រឹត្តិការណ៍ប្រកួតលើកទី 30 នៃការប្រកួតប្រចាំឆ្នាំ។ ការផ្សព្វផ្សាយទៅលើការប្រកួតនេះគឺជាព្រឹត្តិការណ៍នៃការប្រកួតប្រជែងប្រចាំឆ្នាំរបស់ពិភពលោកក្នុងការលើកកំពស់ទៅលើអ្នកថតរូបភាព និងអ្នកថតវីដេអូជាច្រើនក្នុងការផ្តិតរូបភាពសិល្បៈដ៏អស្ចារ្យបំផុត ហើយនៅក្នុងចៅក្រមទាំង ៧ នៅក្នុងព្រឹត្តិការណ៍នេះគឺមានលោក Paul Graham (អង់គ្លេស) លោក Noi Sawaragi និង Mikiya Takimoto (ជប៉ុន)។
ព្រឹត្តិការណ៍ New Cosmos of Photography នេះជម្រុញក្នុងការលើកកម្ពស់ទៅលើការច្នៃប្រឌិតជាច្រើនទៅលើស្នាដៃរបស់ពួកគេទៅលើការថតរូបភាពដ៏អស្ចារ្យបំផុត។ ការប្រកួត New Cosmos of Photography នេះគឺបានទទួលបាននូវពាក្យសុំចូលរួមចំនួន 31,357 សម្រាប់បុគ្គល និងក្រុម ហើយនេះគឺជាចំនួនដ៏ច្រើនដែលបង្ហាញអំពីការចាប់អារម្មណ៍ក្នុងការថតរូបភាពរបស់ពិភពលោកនោះ។ សម្រាប់ព័ត៌មានបន្ថែមនោះ សូមចូលទៅកាន់ https://global.canon/en/newcosmos សម្រាប់ព្រឹត្តិការណ៍ New Cosmos of Photography នៅឆ្នាំនេះ៕