ព្រឹត្តិការណ៍ពិពរណ៍ Geneva Motor Show គឺជាពិពរណ៍រថយន្តដ៏ធំបំផុតនៅក្នុងទ្វីបអ៊ឺរ៉ុប ប៉ុន្តែមិនមែនមានតែក្រុមហ៊ុនផលិតរថយន្តជាច្រើននៅក្នុងអ៊ឺរ៉ុបនោះទេ ដែលនឹងបង្ហាញនូវរថយន្តស៊េរីថ្មីរបស់ពួកខ្លួននោះ។ ពេលនេះសូម្បីតែក្រុមហ៊ុនផលិតរថយន្តជាច្រើនរបស់ចិន ក៏មានគោលដៅក្នុងការវាយលុកទីផ្សារនៅអ៊ឺរ៉ុបផងដែរ។ ក្រុមហ៊ុនោះ មានឈ្មោះថាស AIWAYS ។  ក្រុមហ៊ុនរបស់ចិនមួយនេះ បានត្រៀមនឹងបង្ហាញនូវសមិទ្ធិផលថ្មីរបស់ខ្លួននៅក្នុងទីក្រុង Geneva នៅក្នុងឆ្នាំនេះដែលមិនមានមានតែរថយន្តមួយគ្រឿងប៉ុណ្ណោះទេ ប៉ុន្តែវាមានរថយន្តអគ្គិសនីចំនួនដល់ទៅ 2 គ្រឿង ហើយរថយន្តស៊េរីថ្មីទំនើប Hybrid នេះគឺធ្វើការអភិវឌ្ឍជាមួយនឹងជំនួយពី Roland Gumpert។

នៅក្នុងការដាក់ឈ្មោះហៅថា RG Nathalie រថយន្តស៊េរីថ្មីនេះ គឺធ្វើការពិសោធន៍ទៅលើកម្លាំងមេតាណុល និងអេឡិចត្រូនិច ដែលគេដឹងថាល្អជាងការប្រើលើមេតាណុលដូចទៅនឹងរថយន្តជាច្រើនរបស់សហរដ្ឋអាមេរិក និងប្រេស៊ីលនោះ គឺធ្វើការផ្លាស់ប្តូរទៅប្រើប្រាស់នូវប្រេងសាំងនោះ សម្រាប់រថយន្ត AIWAYS RG Nathalie នឹងប្រើប្រាស់នូវថាមពលប្រេងចេញពីបន្លែដូចគ្នាទៅនឹងកោសិកាប្រេងអ៊ីដ្រូសែន ការផ្ទុកនូវអគ្គិសនីសម្រាប់ការប្រើប្រាស់នៅលើម៉ូទ័រអេឡិចត្រូនិចចំនួន 4។

រថយន្តនេះ គឺកម្លាំងម៉ាស៊ីនកម្រិតខ្ពស់បំផុត គឺដល់ទៅ 793 សេះ ដែលនៅទាបជាងបន្តិចបើធៀបជាមួយនឹងរថយន្តប្រណាំង Ferrari 812 Superfast តែបន្តិចប៉ុណ្ណោះ ដោយអាចមានល្បឿនដល់ទៅ 60mpg នៅក្នុងរយៈពេលត្រឹមតែ 2.5 វិនាទី ហើយល្បឿនខ្ពស់បំផុតគឺ 190mph និងការធ្វើដំណើរបានចម្ងាយដល់ទៅ 745 ម៉ាយ៍មុនពេលដែលវាបញ្ចូលថាមពលថ្មម្តងទៀត ឬការចាក់ប្រេងម្តងទៀត។ រថយន្តនេះ នឹងមានការផលិតដំពុងនៅក្នុងចំនួនត្រឹមតែ 500 គ្រឿងប៉ុណ្ណោះ ហើយរថយន្តស៊េរីថ្មីនេះពិតជាមានតម្លៃថ្លៃមែនទែន។

AIWAYS បានត្រៀមខ្លួនក្នុងការនាំយកនូវរថយន្តស៊េរីថ្មីមួយទៀតទៅកាន់ទីក្រុង Geneva ដែលមានទីផ្សារធំគួរសមដែរ។ រថយន្ត U5 គឺជារថយន្តអេឡិចត្រូនិច Crossover ដែលមានទំហំប្រហាក់ប្រហែលទៅនឹងរថយន្ត Mercedes-Benz EQC ឬ Jaguar I-Pace ធំជាងរថយន្ត Audi e-tron ឬ Tesla Model X។ រថយនុ្តស៊េរីថ្មី AIWAYS U5 នឹងមានកម្លាំងដល់ទៅ 185 សេះ សម្រាប់ម៉ូទ័រអេឡិចត្រូនិចរបស់ខ្លួនហើយវាអាចធ្វើដំណើរបានចម្ងាយដល់ទៅ 285 ម៉ាយ៍ថែមទៀតផង។ ថាមពលថ្មឆ្លាតវៃរបស់វាក៏អាចបន្តការធ្វើដំណើរបានចម្ងាយដល់ទៅ 62 ម៉ាយ៍៕