Oppo Find X2 Series ត្រូវបានគេដឹងថា នឹងមានចេញនូវម៉ូដែល Lite មួយទៀតដែលនឹងបង្ហាញខ្លួននាពេលខាងមុខនេះហើយ

កន្លងមក ក្រុមហ៊ុន Huawei និង Xiaomi បានអនុវត្តន៍នូវយុទ្ធសាស្រ្តឈ្នះមួយនៅលើទីផ្សារស្មាតហ្វូន ដែលមានការបញ្ចេញនូវស្មាតហ្វូនជាច្រើនម៉ូឌែល ដែលមានរូបរាងប្រហាក់ប្រហែលគ្នាផងដែរ។ ដើម្បីចូលរួមយុទ្ធសាស្រ្តនេះ ក្រុមហ៊ុន Oppo ក៏បង្ហាញនូវស្មាតហ្វូនថ្នាក់កណ្តាលស៊េរីថ្មីនេះផងដែរ  ជាមួយនឹងការប្រើប្រាស់នូវឈ្មោះរបស់ស្មាតហ្វូន Flagship។ ជាក់ស្តែងស្មាតហ្វូន  Find X2 Lite ក៏មានការបែកធ្លាយនៅលើអនឡាញផងដែរ។

 

នៅក្នុងការបែកធ្លាយនៅលើអ៊ីនធឺណិតតាមរយៈការសហការនៃអ្នកទម្លាយ Ishan Agarwal និង PriceBaba បានបង្ហាញនូវ រូបភាព Render នេះ គឺមានការបង្ហាញអំពីម៉ាកយីហោស្មាតហ្វូន Oppo ដែលមានឈ្មោះហៅថា Find X2 Lite។ ស្មាតហ្វូននេះគឺស្រដៀងគ្នាទៅនឹងស្មាតហ្វូន Oppo Reno 3 Vitality Edition ហើយវាអាចជា Rebrand របស់ស្មាតហ្វូននេះ។ ស្មាតហ្វូននេះ គឺមានអេក្រង់ធំ ហើយវាមានភ្ជាប់ជាមួយនឹង drop-shaped notch ផងដែរ។ នៅផ្នែកខាងក្រោយរបស់ស្មាតហ្វូននេះ យើងឃើញមានកាមេរ៉ាខាងក្រោយ 4 គ្រាប់ដែលមានការឌីស្សាញបញ្ឈរ និងភ្ជាប់ជាមួយនឹងភ្លើង LED Flash រួមជាមួយនឹងពាក្យថា Ultra-Steady ដែលមានការរក្សាលំនឹងទៅលើរូបភាពថែមទៀត។

នៅក្នុងពេលនេះ នៅមិនទាន់មានព័ត៌មានលម្អិតពាក់ព័ន្ធទៅនឹងលក្ខណៈសម្បត្តិជាច្រើនរបស់ស្មាតហ្វូន Find X2 Lite ប៉ុន្តែវាក៏មានព័ត៌មានជាច្រើនដែលមានការបែកធ្លាយអំពីស្មាតហ្វូននេះផងដែរ។ វាគឺមានព័ត៌មានដែលគួរអោយចាប់អារម្មណ៍ជាច្រើនអំពីស្មាតហ្វូនម៉ូឌែលនេះដែលនឹងបង្ហាញខ្លួនសម្រាប់ទីផ្សាររបស់ពិភពលោកផងដែរ ហើយវាក៏នឹងដាក់លក់ផ្តាច់មុខនៅក្នុងទីផ្សារមួយចំនួនផងដែរ។

ទស្សនាលក្ខណៈសម្បត្តិរបស់ស្មាតហ្វូន OPPO RENO3 5G VITALITY EDITION ដែលគេដឹងថា គឺជា Find X2 Lite

•អេក្រង់ 6.4-inch (2400 × 1080 pixels) Full HD+ 20:9 aspect ratio AMOLED 

•បន្ទះឈីប Octa Core (1 x 2.4GHz + 1 x 2.2GHz + 6 x 1.8GHz Kryo 475 CPUs) Snapdragon 765G 7nm EUV Mobile Platform ជាមួយនឹងក្រាហ្វិកកាត Adreno 620 GPU

•រ៉េមទំហំ 8GB LPDDR4X RAM, 128GB storage

•Android 10 ជាមួយនឹង ColorOS 7.0

•ស៊ីមពីរ

•កាមេរ៉ាខាងក្រោយទំហំ 48MP LED flash, f/1.7 aperture, 8MP 116-degree ultra-wide lens ជាមួយនឹង f/2.2 aperture, 2MP macro និង 2MP mono lens ជាមួយនឹង f/2.4 aperture

•កាមេរ៉ាខាងមុខ 32MP ជាមួយនឹង f/2.0 aperture

•ប្រព័ន្ធស្កេនក្រយ៉ៅដៃក្រោមអេក្រង់

•3.5mm audio jack, Dolby Atmos

•វិមាត្រ: 160.3×74.3×7.96mm; ទម្ងន់: 181g

•5G SA/ NSA, Dual 4G VoLTE, WiFi 802.11 ac (2.4GHz + 5GHz), Bluetooth 5, GPS/GLONASS/Beidou, NFC, USB Type-C

•4025mAh (Typical) / 3935mAh ជាមួយនឹងបច្ចេកវិទ្យា 30W VOOC 4.0 fast charging